പെട്രോളിയം ഡീലര്മാര്ക്ക് പ്രവര്ത്തന മൂലധന വായ്പ
പട്ടികജാതി വിഭാഗത്തില്പ്പെട്ട അംഗീകൃത പെട്രോളിയം ഡീലര്മാര്ക്ക് അവരുടെ നിലവിലെ പെട്രോള്/ഡീസല്/എല് പി ജി വില്പ്പനശാലകള് പ്രവര്ത്തിനിരതമാക്കുന്നതിനും വിപുലീകരിക്കുന്നതിനുമായി പ്രവര്ത്തന മൂലധനമായി പരമാവധി 10 ലക്ഷ രൂപ വരെ വായ്പ നല്കുന്നു.
അപേക്ഷകന് പൊതുമേഖലയിലുള്ള ഏതെങ്കിലും ഒരു പെട്രോളിയം കമ്പനിയുടെ അംഗീകൃത ഡീലര് ആയിരിക്കണം. സംരംഭം നടത്തുന്നതിനാവശ്യമായ അടിസ്ഥാന സൗകര്യങ്ങള്, വിവിധ ലൈസന്സുകള്, ടാക്സ് രജിസ്ട്രേഷന് എന്നിവ ഉണ്ടായിരിക്കണം. അപേക്ഷകന്റെ കുടുംബ വാര്ഷിക വരുമാനം ആറ് ലക്ഷം രൂപയില് കവിയരുത്. പ്രായം 60 വയസ്സ് കവിയരുത്. അപേക്ഷകനോ ഭാര്യയോ/ഭര്ത്താവോ, കേന്ദ്ര/സംസ്ഥാന സര്ക്കാര് വകുപ്പുകളിലോ സ്ഥിരം ജോലിയുള്ളവരായിരിക്കരുത്. അപേക്ഷകന് വായ്പക്ക് ആവശ്യമായ വസ്തുജാമ്യം ഹാജരാക്കേണം. സ്വന്തം മേല് വിലാസം, ഫോണ്, ജാതി, കുടുംബ വാര്ഷിക വരുമാനം, വയസ്സ്, വിദ്യാഭ്യാസ യോഗ്യത, ഡീലര്ഷിപ്പ് ലഭിച്ച തീയ്യതി, ഡീലര്ഷിപ്പ് അഡ്രസ്സ്, ബന്ധപ്പെട്ട പെട്രോളിയം കമ്പനിയുടെ പേര് എന്നീ വിവരങ്ങള് സഹിതം വെള്ളക്കടലാസില് തയ്യാറാക്കിയ പ്രാഥമിക അപേക്ഷ മാനേജിംഗ് ഡയറക്ടര്, കേരള സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന്, ടൗണ് ഹാള് റോഡ്, തൃശ്ശൂര് എന്ന വിലാസത്തില് ലഭ്യമാക്കണം.
- Log in to post comments