പ്രവേശന പരീക്ഷയ്ക്ക് ക്രാഷ് കോഴ്സ്

2022-23 അധ്യയനവർഷം +2 സയൻസ് വിഷയത്തിൽ പഠിക്കുന്നതും 2023 ലെ നീറ്റ്/എഞ്ചിനീയറിംഗ് പ്രവേശന പരീക്ഷയ്ക്ക് തയ്യാറെടുക്കുന്നതുമായ പട്ടികവർഗ്ഗ വിദ്യാർത്ഥികളിൽ നിന്നും ഒരു മാസത്തെ ക്രാഷ് കോഴ്സിന് പട്ടികവർഗ്ഗ വികസനവകുപ്പിന്റെ തിരുവനന്തപുരം ജില്ലാ ഓഫീസായ നെടുമങ്ങാട് ഐ.റ്റി.ഡി.പി നെടുമങ്ങാട് പ്രോജക്ട് ഓഫീസർ അപേക്ഷ ക്ഷണിച്ചു.
 പങ്കെടുക്കാൻ താൽപര്യമുള്ള പട്ടികവർഗ്ഗ വിദ്യാർത്ഥികൾ പേര്, മേൽ വിലാസം ബന്ധപ്പെടാവുന്ന ഫോൺ നമ്പർ ഇവ വെള്ളക്കടലാസ്സിൽ രേഖപ്പെടുത്തി രക്ഷാകർത്താവിന്റെ സമ്മതപത്രം, പരീക്ഷ +2 സർട്ടിഫിക്കറ്റിന്റെയും, ജാതി, വരുമാന സർട്ടിഫിക്കറ്റുകളുടെയും പകർപ്പ് സഹിതം അപേക്ഷകൾ നെടുമങ്ങാട് പ്രോജക്ട് ഓഫീസിൽ മാർച്ച് 20 തിങ്കളാഴ്ച വൈകുന്നേരം 5 മണിയ്ക്ക് മുൻപായി ലഭ്യമാക്കേണ്ടതാണ്. നിശ്ചിത സമയത്തിനുള്ളിൽ ലഭിക്കാത്തതും ആവശ്യമായ രേഖകൾ ഇല്ലാത്തതുമായ അപേക്ഷകൾ പരിഗണിക്കുന്നതല്ല. തിരഞ്ഞെടുക്കപ്പെടുന്ന വിദ്യാർത്ഥികളുടെ പരിശീലനത്തിനുള്ള മുഴുവൻ ചെലവും സർക്കാർ വഹിക്കുന്നതാണ്.