മാലിന്യ മുക്ത നവകേരളം ജനകീയ ക്യാമ്പയിൻ; ശുചീകണം നടത്തി

മാലിന്യ മുക്ത നവകേരളം ജനകീയ ക്യാമ്പയിൻ്റെ ഭാഗമായി കണ്ടാണശ്ശേരി ഗ്രാമപഞ്ചായത്തിലെ 4 ലും 5 ലും വാർഡുകൾ സംയുക്തമായി ശുചീകരണ പ്രവർത്തനം നടത്തി. അരിയന്നൂർ സെന്റർ മുതൽ ശ്രീ കൃഷ്ണ കോളേജ് വരെയാണ് ശുചീകരണം നടത്തിയത്. നാലാം വാർഡ് മെമ്പറും ആരോഗ്യ വിദ്യാഭ്യാസ സ്റ്റാൻഡിങ് കമ്മറ്റി ചെയർപേഴ്സണുമായ നിവ്യ റെനീഷ് ഉദ്ഘാടനം നിർവഹിച്ചു. 

അഞ്ചാം വാർഡ് മെമ്പർ പി കെ അസിസ് ചടങ്ങിന് അധ്യക്ഷത വഹിച്ചു. ആരോഗ്യ വിഭാഗം ജീവനക്കാരായ ഹെൽത്ത് ഇൻസ്പെക്ടർ ജോസഫ്, അഭിഷേക്, ജൂനിയർ ഹെൽത്ത് ഇൻസ്പെക്ടർ ബിഞ്ചു ജേക്കബ്, ജൂനിയർ പബ്ലിക് ഹെൽത്ത് നേഴ്സ് ജസ്ന എന്നിവരുടെ നേതൃത്വത്തിൽ മാലിന്യമുക്ത പ്രതിജ്ഞ ചൊല്ലി. ചടങ്ങിൽ തൊഴിലുറപ്പ് തൊഴിലാളികൾ, ഹരിത കർമ്മ സേന അംഗങ്ങൾ, ആശാ പ്രവർത്തകർ, അംഗൻവാടി ജീവനക്കാർ, കുടുംബശ്രീ പ്രവർത്തകർ, പൊതുപ്രവർത്തകർ തുടങ്ങിയവർ പങ്കെടുത്തു.