ജില്ലയിൽ നവീകരിച്ച മൂന്നുറോഡുകൾ മുഖ്യമന്ത്രി നാടിനു സമർപ്പിക്കും

പൊതുമരാമത്തുവകുപ്പിനു കീഴിൽ നവീകരണം പൂർത്തിയാക്കിയ ജില്ലയിലെ മൂന്നുറോഡുകൾ മുഖ്യമന്ത്രി പിണറായി വിജയൻ വെള്ളിയാഴ്ച (മേയ് 16) വൈകുന്നേരം 4.30 ന് നാടിന് സമർപ്പിക്കും. പൊതുമരാമത്തുവകുപ്പിനു കീഴിൽ നവീകരണം പൂർത്തിയാക്കിയ ജില്ലയിലെ അടക്കം സംസ്ഥാനത്തെ വിവിധ റോഡുകൾ തിരുവനന്തപുരം മാനവീയം വീഥിയിൽ നടക്കുന്ന ചടങ്ങിലാണ് മുഖ്യമന്ത്രി ഉദ്ഘാടനം ചെയ്യുന്നത്. ചടങ്ങിൽ പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് അധ്യക്ഷത വഹിക്കും. വൈക്കം നിയോജകമണ്ഡലത്തിൽ ആധുനിക നിലവാരത്തിൽ നവീകരണം പൂർത്തിയായ ടോൾ- ചെമ്മനാകരി റോഡ്, കടുത്തുരുത്തി നിയോജകമണ്ഡലത്തിൽ നവീകരണം പൂർത്തിയാക്കിയ കോഴാ- ഞീഴൂർ റോഡ്, കാഞ്ഞിരപ്പള്ളി നിയോജക മണ്ഡലത്തിൽ നവീകരണം പൂർത്തിയാക്കിയ ഒറവയ്ക്കൽ-കൂരാലി റോഡിന്റെ അരുവിക്കുഴി മുതൽ വല്യാത്ത്കവല വരെയുള്ള ഭാഗം എന്നിവയുടെ പൂർത്തീകരണ ഉദ്ഘാടനമാണ് നടക്കുന്നത്. ടോൾ ചെമ്മനാകരി റോഡിന് സമീപം വൈകുന്നേരം 4.30 ന് നടക്കുന്ന ഉദ്ഘാടന ചടങ്ങിൽ ശിലാഫലക അനാച്ഛാദനവും അധ്യക്ഷതയും സി.കെ ആശ എം.എൽ.എ നിർവഹിക്കും. ഞീഴൂർ വിശ്വഭാരതി ഇംഗ്ലീഷ് മീഡിയം സ്‌കൂൾ ഓഡിറ്റോറിയത്തിൽ നടക്കുന്ന ചടങ്ങിൽ അഡ്വ. മോൻസ് ജോസഫ് എം.എൽ.എ. ശിലാഫലകം അനാച്ഛാദനം നിർവഹിക്കും. പള്ളിക്കത്തോട് അയ്യപ്പൻപിള്ള മെമ്മോറിയൽ ഓഡിറ്റോറിയത്തിൽ നടക്കുന്ന ചടങ്ങിൽ സർക്കാർ ചീഫ് വിപ്പ് ഡോ. എൻ. ജയരാജ് മുഖ്യാതിഥിയായും.