വന്യജീവി വാരാഘോഷം; വിദ്യാര്‍ഥികള്‍ക്ക് മത്സരങ്ങള്‍ 

വന്യജീവി വാരാഘോഷത്തിന്റെ ഭാഗമായി സാമൂഹിക വനവല്‍ക്കരണ വിഭാഗം ജില്ലയിലെ സ്‌കൂള്‍, കോളേജ് വിദ്യാര്‍ഥികള്‍ക്കായി മത്സരങ്ങള്‍ സംഘടിപ്പിക്കുന്നു. ഒക്ടോബര്‍ രണ്ട്, മൂന്ന് തീയതികളിലായി രാവിലെ ഒന്‍പത് മണി മുതല്‍ കണ്ണൂര്‍ ഗവ.ടീച്ചേഴ്‌സ് ട്രെയിനിങ് ഇന്‍സ്റ്റിറ്റ്യൂട്ട് (മെന്‍) ലാണ്  മത്സരങ്ങള്‍. എല്‍.പി, യു.പി വിഭാഗത്തിന് പെന്‍സില്‍ ഡ്രോയിങ്, വാട്ടര്‍ കളര്‍ പെയിന്റിങ് എന്നിവയാണ് മത്സരം. ഹൈസ്‌കൂള്‍, കോളേജ് വിഭാഗത്തിന്  പെന്‍സില്‍ ഡ്രോയിങ്, വാട്ടര്‍ കളര്‍, ക്വിസ്, ഉപന്യാസം, പ്രസംഗം എന്നിവയാണ് മത്സരങ്ങള്‍. ഒന്ന്, രണ്ട്, മൂന്ന് സ്ഥാനങ്ങള്‍ നേടുന്നവര്‍ക്ക് യഥാക്രമം 2500, 1500, 1000 രൂപയുടെ ക്യാഷ് പ്രൈസും സര്‍ട്ടിഫിക്കറ്റും നല്‍കും. ജില്ലാതലത്തില്‍ ഒന്നാം സ്ഥാനം നേടുന്നവര്‍ക്ക് സംസ്ഥാനതല മത്സരത്തില്‍ പങ്കെടുക്കാനാകും. പങ്കെടുക്കുന്ന ഓരോ ഇനത്തിനും സ്ഥാപന മേലധികാരിയുടെ സാക്ഷ്യപത്രം ഹാജരാക്കണം. വിശദവിവരങ്ങള്‍ www.forest.kerala.gov.in വെബ് സൈറ്റില്‍ ലഭിക്കും. ഫോണ്‍: 0497-2705105, 9447979151