ചന്ദ്രഗിരി കോട്ടയുടെ നടത്തിപ്പ് അവകാശം ജില്ലാ ടൂറിസം പ്രമോഷന്‍ കൗണ്‍സിലിന് മൂന്നുവര്‍ഷത്തേക്ക് കൈമാറും

കേരള പുരാവസ്തു വകുപ്പിന്റെ അധീനതയിലുള്ള സംരക്ഷിത സ്മാരകമായ കാസര്‍കോട് ചന്ദ്രഗിരി കോട്ടയുടെ നടത്തിപ്പ് അവകാശം ജില്ലാ ടൂറിസം പ്രമോഷന്‍ കൗണ്‍സിലിന് മൂന്നുവര്‍ഷത്തേക്ക് കേരള പുരാവസ്തു വകുപ്പ് കൈമാറും. ധാരണപത്രം ഒപ്പുവെക്കുന്നതിന്  പുരാവസ്തു വകുപ്പ് ഡയറക്ടറെ ചുമതലപ്പെടുത്തി സര്‍ക്കാര്‍  ഉത്തരവായി. കോട്ടയില്‍ കൂടുതല്‍ സന്ദര്‍ശകരെ ആകര്‍ഷിക്കുന്ന രീതിയില്‍ വികസിപ്പിക്കുന്നതിനാണ് ജില്ലാ ടൂറിസം പ്രമോഷന്‍ കൗണ്‍സിലിന് കൈമാറുന്നത്. കോട്ടയുടെ ഉടമസ്ഥാവകാശം സംസ്ഥാന പുരാവസ്തു വകുപ്പില്‍ തന്നെ നിക്ഷിപ്തമാക്കി നിലവിലെ ചട്ടങ്ങള്‍ക്കും വ്യവസ്ഥകള്‍ക്കും വിധേയമായി കോട്ട നടത്തിപ്പ് അവകാശം കൈമാറുന്നതിന് പുരാവസ്തു ഡയറക്ടര്‍ക്ക് സര്‍ക്കാര്‍ അനുമതി നല്‍കി. ഡിടിപിസിയുമായി ധാരണ പത്രം ഒപ്പുവെക്കുന്നതിന് സംസ്ഥാന പുരാവസ്തു ഡയറക്ടറെ ചുമതലപ്പെടുത്തിയിട്ടുണ്ട്.