കടമ്പഴിപ്പുറം ഗ്രാമപഞ്ചായത്തില് വികസന സദസ്സ് ഇന്ന്
സംസ്ഥാന സര്ക്കാറിന്റെ ആഭിമുഖ്യത്തില് തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായി സംഘടിപ്പിക്കുന്ന വികസന സദസ്സ് കടമ്പഴിപ്പുറം ഗ്രാമപഞ്ചായത്തില് ഇന്ന് ( സെപ്റ്റംബര് 16ന്) രാവിലെ 9.30 ന് അഡ്വ. കെ.പ്രേംകുമാര് എം.എല്.എ ഉദ്ഘാടനം ചെയ്യും. ഗ്രാമപഞ്ചായത്ത് അങ്കണത്തില് നടക്കുന്ന പരിപാടിയില് ഗ്രാമപഞ്ചായത്ത് പ്രസിഡന്റ് പി.ശാസ്തകുമാര് അധ്യക്ഷനാകും. പരിപാടിയില് ബ്ലോക്ക് പഞ്ചായത്ത് പ്രസിഡന്റ് സുനിത ജോസഫ്, ജില്ലാ പഞ്ചായത്ത് മെമ്പര് പി.മൊയ്തീന്കുട്ടി, ഗ്രാമപഞ്ചായത്ത് വൈസ് പ്രസിഡന്റ് കെ.ശ്രീലത, സെക്രട്ടറി ശ്രീജിത്ത്, അസിസ്റ്റന്റ് സെക്രട്ടറി സുരേഷ്, രാഷ്ട്രീയപാര്ട്ടി പ്രതിനിധികള്, ജനപ്രതിനിധികള് തുടങ്ങിയവര് പങ്കെടുക്കും.
പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുക. പരിപാടിയില് ത്രിതല പഞ്ചായത്ത് അംഗങ്ങള്, മറ്റ് ജനപ്രതിനിധികള് ഉള്പ്പെടെ വിവിധ മേഖലകളിലെ വിദഗ്ധരും സമൂഹത്തിലെ വിവിധ മേഖലകളിലുള്ളവരും പങ്കെടുക്കും.
- Log in to post comments