കൂടരഞ്ഞി കുടുംബാരോഗ്യ കേന്ദ്രത്തിന്റെ ഉദ്ഘാടനം മന്ത്രി വീണ ജോര്ജ് നിര്വഹിച്ചു
കൂടരഞ്ഞി കുടുംബാരോഗ്യ കേന്ദ്രത്തിന് പുതുതായി നിര്മിച്ച കെട്ടിടത്തിന്റെ ഉദ്ഘാടനം ആരോഗ്യ വകുപ്പ് മന്ത്രി വീണ ജോര്ജ് ഓണ്ലൈനായി നിര്വഹിച്ചു. എല്ലാ സൗകര്യങ്ങളോടും കൂടിയാണ് കൂടരഞ്ഞി കുടുംബാരോഗ്യ കേന്ദ്രം ഒരുക്കിയതെന്ന് മന്ത്രി പറഞ്ഞു. പരിശോധനാ ലാബുകളുടെ ശൃംഖല ഒരുക്കുന്ന സംസ്ഥാന സര്ക്കാര് ആവിഷ്കരിച്ച നിര്ണയം പദ്ധതി ജനങ്ങള്ക്ക് ഉപകാരപ്രദമാകുമെന്നും മന്ത്രി പറഞ്ഞു. സ്തനാര്ബുദ മാസാചരണത്തിന്റെ ഭാഗമായി പുറത്തിറക്കിയ പിങ്ക് ബുക്കിന്റെ പ്രകാശനവും മന്ത്രി നിര്വഹിച്ചു.
ലിന്റോ ജോസഫ് എംഎല്എ, മുന് എംഎല്എ ജോര്ജ് എം തോമസ് എന്നിവരുടെ നിയോജക മണ്ഡലം ആസ്തി വികസന ഫണ്ട് ഉപയോഗിച്ചാണ് കെട്ടിടം പൂര്ത്തിയാക്കിയത്. പരിശോധനാ മുറി, വെയ്റ്റിങ് ഏരിയ, വി.ഐ.പി റൂം, സ്റ്റാഫ് റൂം, നഴ്സിങ് സ്റ്റേഷന്, ടോയ്ലറ്റ് ബ്ലോക്ക് എന്നീ സൗകര്യങ്ങളോടെ രണ്ട് നിലകളിലായാണ് ആരോഗ്യ കേന്ദ്രം ഒരുക്കിയിരിക്കുന്നത്.
ചടങ്ങില് ലിന്റോ ജോസഫ് എംഎല്എ അധ്യക്ഷനായി. ഗ്രാമപഞ്ചായത്ത് പ്രസിഡന്റ് ആദര്ശ് ജോസഫ്, വൈസ് പ്രസിഡന്റ് മേരി തങ്കച്ചന്, ജില്ലാ പഞ്ചായത്ത് അംഗം ബോസ് ജേക്കബ്, ഗ്രാമപഞ്ചായത്ത് സ്ഥിരം സമിതി അധ്യക്ഷരായ വി എസ് രവീന്ദ്രന്, ജെറീന ജോയ്, റോസ്ലി ജോസ്, ജില്ലാ മെഡിക്കല് ഓഫീസര് കെ കെ രാജാറാം, ആരോഗ്യ കേരളം ജില്ലാ പ്രോഗ്രാം മാനേജര് സി കെ ഷാജി, മെഡിക്കല് ഓഫീസര് പി കെ ദിവ്യ, ഗ്രാമപഞ്ചായത്ത് അംഗങ്ങള്, ഉദ്യോഗസ്ഥര്, രാഷ്ട്രീയ പാര്ട്ടി പ്രതിനിധികള് എന്നിവര് പങ്കെടുത്തു.
- Log in to post comments