നേട്ടങ്ങള് അടയാളപ്പെടുത്തി പെരിന്തല്മണ്ണ വികസന സദസ്സ്
നേട്ടങ്ങള് അടയാളപ്പെടുത്തി പെരിന്തല്മണ്ണ നഗരസഭയുടെ വികസനസദസ്സ് ശ്രദ്ധേയമായി. സംസ്ഥാന സര്ക്കാരും തദ്ദേശ സ്ഥാപനങ്ങളും നടത്തിയ വികസന പ്രവര്ത്തനങ്ങള് വിലയിരുത്തുന്നതിനും ഭാവി വികസനത്തിന് പൊതുജനാഭിപ്രായവും പുതിയ ആശയങ്ങളും അവതരിപ്പിക്കുന്നതിനുമായി സംഘടിപ്പിക്കുന്ന വികസന സദസ്സ് നിറഞ്ഞ സദസ്സിലാണ് പെരിന്തല്മണ്ണയില് നടന്നത്. നഗരസഭ ടൗണ്ഹാളില് നടന്ന പരിപാടി ഒറ്റപ്പാലം എം.എല്.എ അഡ്വ. കെ. പ്രേംകുമാര് ഉദ്ഘാടനം ചെയ്തു. എല്ലാ വിഭാഗം ജനങ്ങളെയും ഉള്കൊള്ളുന്ന സര്ക്കാരാണ് കേരളത്തിലേതെന്ന് അദ്ദേഹം പറഞ്ഞു. ദാരിദ്ര്യം തുടച്ച് നീക്കുന്നതിലും ദുരിതമനുഭവിക്കുന്നവര്ക്ക് കൈത്താങ്ങാവാനും സര്ക്കാരിന് കഴിഞ്ഞിട്ടുണ്ട്. അടിസ്ഥാന ആവശ്യങ്ങള് നിറവേറ്റുന്നതിനൊപ്പം വികസനം കൊണ്ടുവരാനും സര്ക്കാരിന് കഴിഞ്ഞെന്നും അദ്ദേഹം അഭിപ്രായപ്പെട്ടു. നഗരസഭ ചെയര്പേഴ്സന് പി. ഷാജി അധ്യക്ഷത വഹിച്ചു.
ക്ലീന് സിറ്റി മാനേജര് സി.കെ. വത്സന് സര്ക്കാരിന്റെ വികസന നേട്ടങ്ങള് അവതരിപ്പിച്ചു. വൈസ് ചെയര്പേഴ്സന് എ. നസീറ, സ്ഥിരം സമിതി അധ്യക്ഷരായ മുഹമ്മദ് ഹനീഫ, അമ്പിളി മനോജ്, അഡ്വ. ഷാന്സി, കെ. ഉണ്ണികൃഷ്ണന്, പി.എസ്. സന്തോഷ് കുമാര്, വാര്ഡ് കൗണ്സിലര്മാര്, രാഷ്ട്രീയ-സാമൂഹിക രംഗത്തെ പ്രമുഖര് പങ്കെടുത്തു.
- Log in to post comments