അഞ്ച് വര്‍ഷം കൊണ്ട് 140 കോടിയുടെ വികസനം

വികസന രംഗത്ത് അസൂയാവഹമായ നേട്ടമാണ് അഞ്ച് വര്‍ഷം കൊണ്ട് പെരിന്തല്‍മണ്ണ നഗരസഭ സ്വന്തമാക്കിയത്. 140 കോടിയുടെ വികസനമാണ് ഇക്കാലയളവില്‍ നഗരസഭയില്‍ പൂര്‍ത്തിയാക്കിയത്. വീടില്ലാത്തവര്‍ക്കെല്ലാം വീട് നല്‍കാന്‍ നഗരസഭയ്ക്ക് കഴിഞ്ഞു. ലൈഫിലും മറ്റു ഭവനപദ്ധതികളിലുമായി 1795 കുടുംബങ്ങള്‍ക്കാണ് വീട് നല്‍കിയത്. കൂടുതല്‍ വീട് നിര്‍മിച്ച നല്‍കിയ തദ്ദേശസ്ഥാപനമെന്ന ബഹുമതി സ്വന്തമാക്കാനും നഗരസഭയ്ക്ക് കഴിഞ്ഞു. മാലിന്യമുക്ത രംഗത്തും ഏറെ മുന്നിലാണ് പെരിന്തല്‍മണ്ണ. തിരുവനന്തപുരത്ത് നടന്ന വൃത്തി കോണ്‍ക്ലേവില്‍ സംസ്ഥാനത്ത് മൂന്നാം സ്ഥാനം നേടാന്‍ പെരിന്തല്‍മണ്ണയ്ക്ക് കഴിഞ്ഞു.