പോളിങ് സാമഗ്രികളുടെ വിതരണം ഇന്ന് രാവിലെ എട്ടിന് തുടങ്ങും

നിയമസഭാ തിരഞ്ഞെടുപ്പിന് മുന്നോടിയായി പോളിങ് സാമഗ്രികളുടെ വിതരണം ജില്ലയിലെ 14 വിതരണ കേന്ദ്രങ്ങളിൽ ഇന്ന് ( ഏപ്രിൽ 8) രാവിലെ എട്ടിന് ആരംഭിക്കും. 

ജില്ലയിലെ 14 നിയോജക മണ്ഡലങ്ങളിലേക്കുമുള്ള ഉദ്യോഗസ്ഥർ നിശ്ചയിക്കപ്പെട്ട വിതരണ കേന്ദ്രങ്ങളിൽ രാവിലെ തന്നെ എത്തിച്ചേരേണ്ടതാണ്. വോട്ടിംഗ് യന്ത്രങ്ങൾ , വിവിപാറ്റ്  മെഷീനുകൾ, മറ്റ് അനുബന്ധ രേഖകൾ എന്നിവ വിതരണ കേന്ദ്രങ്ങളിൽ നിന്ന് ഏറ്റുവാങ്ങി ഉദ്യോഗസ്ഥർ അതത് പോളിങ് സ്റ്റേഷനുകളിലേക്ക് തിരിക്കും.
​
​പോളിംഗ് ഉദ്യോഗസ്ഥർക്ക് വിതരണ കേന്ദ്രങ്ങളിലേക്ക് എത്തുന്നതിനായി കെ.എസ്.ആർ.ടി.സി ഉൾപ്പെടെയുള്ള വാഹന സൗകര്യങ്ങൾ ഏർപ്പെടുത്തിയിട്ടുണ്ട്.
​വിതരണ കേന്ദ്രങ്ങളിൽ ഉദ്യോഗസ്ഥർക്കായി പ്രത്യേക ഹെൽപ്പ് ഡെസ്കുകളും ക്രമീകരിച്ചിട്ടുണ്ട്.
​