പട്ടികജാതി വിഭാഗത്തിലെ യുവജനങ്ങൾക്കായി നൈപുണ്യ-തൊഴിൽ ശിൽപശാല

 പട്ടികജാതി വികസന വകുപ്പ് പി.എം എ.ജെ.എ.വൈ-ഉന്നതി (PM AJAY-UNNATI) പദ്ധതിയുടെ ഭാഗമായി പട്ടികജാതി വിഭാഗത്തിലെ യുവജനങ്ങൾക്കായുള്ള നൈപുണ്യ വികസനം, സംരംഭകത്വം, സ്ഥിരതയുള്ള തൊഴിൽ അവസരങ്ങൾ എന്നിവ ലക്ഷ്യമിട്ട് ഏകദിന ശിൽപശാല സംഘടിപ്പിക്കും. നാളെ (ജൂൺ 12) രാവിലെ 9.30ന് തിരുവനന്തപുരത്തെ അയ്യങ്കാളി ഹാളിൽ നടക്കുന്ന ശിൽപശാല പട്ടികജാതി-പട്ടികവർഗ-പിന്നാക്കക്ഷേമ വകുപ്പ് മന്ത്രി കെ. എ. തുളസി ഉദ്ഘാടനം ചെയ്യും.

സംസ്ഥാന-ദേശീയ തലത്തിലുള്ള വിവിധ സർക്കാർ വകുപ്പുകൾ, സ്‌കിൽ ഡെവലപ്മെന്റ് ഏജൻസികൾ, ധനകാര്യ സ്ഥാപനങ്ങൾ, വ്യവസായ സംഘടനകൾ, പരിശീലന സ്ഥാപനങ്ങൾ എന്നിവയുടെ പ്രതിനിധികൾ പരിപാടിയിൽ പങ്കെടുക്കും. നൈപുണ്യ വികസനം, തൊഴിൽ, സംരംഭകത്വം, സാമ്പത്തിക ഉൾക്കൊള്ളൽ, ഉപജീവന മാർഗങ്ങൾ തുടങ്ങിയ വിഷയങ്ങളിൽ വിദഗ്ധർ ക്ലാസുകൾ നയിക്കും.

പി.എൻ.എക്‌സ്. 1938/2026