മാട്ടുപുറം ചേന്ദമംഗലം പാലം നിർമ്മാണ ഉദ്ഘാടനം  മുഖ്യമന്ത്രി നിർവഹിച്ചു 

ചേന്ദമംഗലം മാട്ടുപുറം പാലത്തിന്റെ നിർമാണ പ്രവർത്തനങ്ങൾ ആറുമാസത്തിനകം പൂർത്തിയാക്കുമെന്ന്   മുഖ്യമന്ത്രി വി ഡി സതീശൻ പറഞ്ഞു.
ചേന്ദമംഗലം ഗ്രാമപഞ്ചായത്തിലെ   മാട്ടുപുറത്തെയും  കോട്ടയിൽ കോവിലകത്തെയും  തമ്മിൽ ബന്ധിപ്പിക്കുന്ന മാട്ടുപുറം ചേന്ദമംഗലം പാലത്തിന്‍റെ നിർമ്മാണ ഉദ്ഘാടനം  നിർവഹിച്ചു സംസാരിക്കുകയായിരുന്നു അദ്ദേഹം.  സംസ്ഥാന പൊതുമരാമത്ത്  വകുപ്പ് മന്ത്രി  പി.കെ ബഷീർ  അധ്യക്ഷത വഹിച്ചു. 

 പത്തു വർഷങ്ങൾക്കു മുമ്പ് മാട്ടുപുറം പാലത്തിനും ചെറായി പാലത്തിനും ഭരണാനുമതി ലഭിച്ചതായിരുന്നു. എന്നാൽ പിന്നീട് പാലത്തിന്റെ നിർമ്മാണം നടത്തപ്പെടുകയായിരുന്നു. പുതിയ സർക്കാർ വന്നു ആറുമാസത്തിനുള്ളിൽ നിർമ്മാണം ആരംഭിക്കുകയാണ്. ഇത് ചേന്നമംഗലത്തിന്റെയും പറവൂരിന്റെയും വികസനത്തിന് ആക്കം കൂട്ടുമെന്നും മുഖ്യമന്ത്രി പറഞ്ഞു.

കിഫ്‌ബി പദ്ധതിയിൽ ഉൾപ്പെടുത്തി  15 കോടി രൂപയുടെ ഭരണാനുമതിയാണ് ആദ്യം ലഭിച്ചത്. തുടർന്ന് പാലം  നിർമ്മിക്കുന്ന ഇരു ഭാഗത്തെയും സ്ഥലമെടുപ്പ് നടപടികൾ ആരംഭിച്ചു. ഇതിനായി 22 വീട്ടുകാരില്‍ നിന്നും  വിവിധ സര്‍വ്വേ നമ്പരുകളില്‍ പെട്ട  സ്ഥലം ഏറ്റെടുക്കേണ്ടി വന്നു. ഇതിനായി 2.28 കോടി രൂപയാണ് പദ്ധതിയിൽ ഉൾപ്പെടുത്തിയിരുന്നത്. തുടർന്ന് എല്ലാ നടപടിക്രമങ്ങളും പൂർത്തിയാക്കി രണ്ടുമാസം മുമ്പ് സ്ഥലം ഉടമകൾക്ക് തുക കൈമാറി പാലം നിർമാണത്തിന് ആവശ്യമായ സ്ഥലം മുഴുവനായും ഏറ്റെടുത്തു.

 പുതുക്കിയ എസ്റ്റിമേറ്റ് പ്രകാരം 15.45 കോടി രൂപയ്ക്കുള്ള പുതുക്കിയ ഭരണാനുമതി ലഭിക്കുകയും ടെണ്ടർ നടപടികൾ ആരംഭിക്കുകയും ചെയ്തു.  കാസർഗോഡ് പ്രവർത്തിക്കുന്ന എം എസ് &  ബിൽഡേഴ്സ് പ്രൈവറ്റ് ലിമിറ്റഡ്  എന്ന കരാര്‍ കമ്പനിയാണ് ഈ പ്രവൃത്തിയുടെ കരാർ ഏറ്റെടുത്തിട്ടുള്ളത്. 

 എസ്റ്റിമേറ്റ് പ്രകാരം 129 മീറ്റർ നീളത്തിൽ ഏഴ് സ്പാനോടുകൂടി ആണ് പാലം നിർമ്മിക്കുന്നത്.  അപ്രോച്ച്  റോഡിന്‍റെ നീളം കോട്ടയിൽ കോവിലകം ഭാഗത്ത് 66 മീറ്ററും മാട്ടുപുറം ഭാഗത്ത് 127 മീറ്ററും ആണ്.  സംസ്ഥാന പൊതുമരാമത്ത് വകുപ്പിനാണ് ഇതിന്‍റെ നിർമ്മാണ ചുമതല.  ചടങ്ങിൽ കേരളം റോഡ് ഫണ്ട് ബോർഡ് (കെ ആർ എഫ് ബി) പ്രൊജക്റ്റ് ഡയറക്ടർ ദീപു എസ്  സ്വാഗതം പറഞ്ഞു.  കെ ആർ എഫ് ബി ടീം ലീഡർ ജഗദീഷ് എം പറവൂർ, ബ്ലോക്ക് പഞ്ചായത്ത് പ്രസിഡണ്ട് പി ആർ സൈജൻ, ആലങ്ങാട് ബ്ലോക്ക് പഞ്ചായത്ത് പ്രസിഡണ്ട് സെബാസ്റ്റ്യൻ വേവുകാട്, ചേന്ദമംഗലം ഗ്രാമപഞ്ചായത്ത് പ്രസിഡണ്ട് പി എ ഹരിദാസ്, കരുമാലൂർ ഗ്രാമപഞ്ചായത്ത് പ്രസിഡണ്ട് ടി എ മുജീബ്, ചേന്ദമംഗലം ഗ്രാമപഞ്ചായത്ത്  വൈസ് പ്രസിഡണ്ട് ബെസ്സി സെബാസ്റ്റ്യൻ, ജില്ലാ പഞ്ചായത്ത് മെമ്പർ ബിന്ദു ജോർജ്, പറവൂർ ബ്ലോക്ക് പഞ്ചായത്ത് മെമ്പർ ടി ജി അനുപ്, ആലങ്ങാട് ബ്ലോക്ക് പഞ്ചായത്ത് മെമ്പർ നമിത ജോസ്, ചേന്ദമംഗലം പഞ്ചായത്ത് മെമ്പർ അജിത കെ എൻ, കരുമാലൂർ ഗ്രാമപഞ്ചായത്ത് മെമ്പർ നിഷാ ഷംനാദ്, വിവിധ രാഷ്ട്രീയ പാർട്ടി നേതാക്കൾ ഉദ്യോഗസ്ഥർ തുടങ്ങിയവർ  സംബന്ധിച്ചു.