പൊതുജനങ്ങള്‍ക്കായി ഓണ്‍ലൈന്‍ വീഡിയോ മത്സരം

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് പൊതുജനങ്ങള്‍ക്കായി സംഘടിപ്പിക്കുന്ന ഓണ്‍ലൈന്‍ വീഡിയോമത്സരം ' മിഴിവ് 2019 ' ന് തുടക്കമായി . ംംം.ാശ്വവശ്2019.സലൃമഹമ.ഴീ്.ശി വെബ്സൈറ്റില്‍ പേര് രജിസ്റ്റര്‍ ചെയ്ത് മത്സരത്തില്‍ പങ്കെടുക്കാം. അപ്ലോഡ് ചെയ്യുന്ന വീഡിയോകള്‍  പ്രമുഖസിനിമാ പരസ്യസംവിധായകര്‍ വിലയിരുത്തി ക്യാഷ്‌പ്രൈസുകള്‍ നല്‍കും . ഒന്നാം സമ്മാനം ഒരുലക്ഷംരൂപ ,രണ്ടാം സമ്മാനം : 50,000  രൂപ ,മൂന്നാം സമ്മാനം:  25,000 രൂപ പ്രോത്സാഹന സമ്മാനം 5,000 രൂപ വീതം പത്ത് പേര്‍ക്ക് . അതോടൊപ്പം മികച്ച സൃഷ്ടികളുടെ അണിയറപ്രവര്‍ത്തകര്‍ക്ക് പി ആര്‍ വകുപ്പിന്റെ മറ്റ്‌വീഡിയോ / ആഡിയോ സംരംഭങ്ങളില്‍ പങ്കാളികളാകുന്നതിന് പരിഗണനയും  നല്‍കും. സര്‍ക്കാര്‍ വകുപ്പുകളുടെ ജനക്ഷേമകരമായ പ്രവര്‍ത്തനങ്ങള്‍ കൂടുതല്‍ ജനങ്ങളിലേക്ക് എത്തിക്കുകയാണ് ഇതിലൂടെ ലക്ഷ്യമിടുന്നതെന്ന്  പി ആര്‍ ഡി ഡയറക്ടര്‍ ടി.വി സുഭാഷ് പറഞ്ഞു.

റെജിസ്റ്റര്‍ ചെയ്യുമ്പോള്‍ ലഭിക്കുന്ന ലോഗിന്‍ ഐഡിയും പാസ്സ്വേഡും ഉപയോഗിച്ച് ഈ മാസം 24  വരെ വീഡിയോ അപ്ലോഡ്‌ചെയ്യാം. പ്രധാനമായും വികസനം , ക്ഷേമം  , കേരള പുനര്‍നിര്‍മ്മാണ വിഷയങ്ങളിലൂന്നിയാണ് വീഡിയോകള്‍ നിര്‍മ്മിക്കേണ്ടത്.  പ്രഫഷണല്‍ കാമറ ഉപയോഗിച്ചോ , മൊബൈലിലോ ഷൂട്ട് ചെയ്യാം.  ഫിക്ഷന്‍/ ഡോക്യൂഫിക്ഷന്‍/ അനിമേഷന്‍ (3 ഉ / 2 ഉ), നിശ്ചലചിത്രങ്ങള്‍  മൂവിയാക്കിയോ ,ഏത് മേക്കിങ് രീതിയിലും വീഡിയോ അവതരിപ്പിക്കാം. എന്നാല്‍   സാധാരണക്കാരന് മനസ്സിലാകുന്ന  വിധത്തില്‍ ലളിതവും കൗതുകം നിറഞ്ഞതും ആകണം സൃഷ്ടി. വീഡിയോകളുടെ പരമാവധി ദൈര്‍ഘ്യം 90 സെക്കന്റ് ആണ് . ക്രെഡിറ്റ്‌സ്  ലഘുവിവരണം എന്നിവ ചേര്‍ത്ത് ഫുള്‍ എച്ച് ഡി  (1920ണ്മ1080) ങജ4 ഫോര്‍മാറ്റില്‍ വേണം അപ്ലോഡ് ചെയ്യേണ്ടത് .