മത്സ്യകൃഷി ആരംഭിച്ചു

ഫിഷറീസ് വകുപ്പും പനവൂര്‍ ഗ്രാമപഞ്ചായത്തും സംയുക്തമായി നടപ്പിലാക്കുന്ന ജനകീയ മത്സ്യകൃഷി രണ്ടാം ഘട്ടം പദ്ധതിയ്ക്ക് തുടക്കമായി. തൊഴിലുറപ്പു പദ്ധതിയുടെ ഭാഗമായി കരിക്കുഴി വാര്‍ഡിലെ കുളത്തില്‍ മല്‍സ്യകുഞ്ഞുങ്ങളെ നിക്ഷേപിച്ച് ഗ്രാമപഞ്ചായത്ത് പ്രസിഡന്റ്  എസ്.വി. കിഷോര്‍ ഉദ്ഘാടനം ചെയ്തു.  ഗിഫ്റ്റ് സിലോപിയ മത്സ്യകുഞ്ഞുങ്ങളെയാണ് നിക്ഷേപിച്ചത്. 52,907 രൂപയാണ് ചെലവ്. കുളം നിര്‍മാണത്തിന്റെ ഭാഗമായി 191 തൊഴില്‍ ദിനങ്ങളും സൃഷ്ടിച്ചു.
വാര്‍ഡ് മെമ്പര്‍ വി.എസ്. സജീവ് കുമാര്‍, മത്സ്യകര്‍ഷക പ്രമോട്ടര്‍ തച്ചന്‍കോട് മനോഹരന്‍ നായര്‍, തൊഴിലുറപ്പ് തൊഴിലാളികള്‍ എന്നിവര്‍ പങ്കെടുത്തു. പഞ്ചായത്തിലെ എല്ലാ വാര്‍ഡുകളിലും പദ്ധതി നടപ്പിലാക്കുമെന്ന് പ്രസിഡന്റ് പറഞ്ഞു.
(പി.ആര്‍.പി. 211/2019)