കുടിവെള്ളത്തിന്റെ ഗുണനിലവാരം; വീഴ്ച്ച വരുത്തിയാല് കര്ശന നടപടി
ജില്ലയില് കുടിവെള്ള ക്ഷാമം രൂക്ഷമായ സാഹചര്യത്തില് വിതരണം ചെയ്യുന്ന കുടിവെളളത്തിന്റെ ഗുണമേ• ഉറപ്പാക്കണമെന്നും അല്ലാത്തപക്ഷം കര്ശനനടപടി സ്വീകരിക്കുമെന്നും ഭക്ഷ്യസുരക്ഷാ അസിസ്റ്റന്റ് കമ്മീഷണര് അറിയിച്ചു.
കുടിവെള്ളം വിതരണം ചെയ്യുന്ന എല്ലാ ടാങ്കറുകളും ഭക്ഷ്യസുരക്ഷാ ലൈസന്സ് എടുക്കുകയും ലൈസന്സ് നമ്പര് വാഹനത്തില് രേഖപ്പെടുത്തുകയും വേണം. കുടിവെള്ളം എന്ന് വാഹനത്തില് എഴുതിയിരിക്കണം. വെള്ളം പരിശോധിച്ച റിപ്പോര്ട്ട്, ഭക്ഷ്യസുരക്ഷാ ലൈസന്സ് എന്നിവ വാഹനത്തില് സൂക്ഷിക്കണം.
വിതരണത്തിനുള്ള കുടിവെള്ളം തുറന്നു സൂക്ഷിക്കാന് പാടില്ല. കുപ്പിവെള്ളം, 20 ലിറ്റര് കാനില് നിറച്ച വെള്ളം എന്നിവ വെയിലേല്ക്കുന്ന രീതിയില് സൂക്ഷിക്കരുത്. കുടിവെള്ള വില്പ്പന നടത്തുന്നവര് ജലസ്രോതസ്സിന്റെ ഗുണമേ• ഉറപ്പാക്കുകയും പരിശോധനാ റിപ്പോര്ട്ട് സൂക്ഷിക്കുകയും വേണം. ശുദ്ധമായ കുടിവെള്ളം വിതരണം ചെയ്യുന്നതില് വീഴ്ച വരുത്തുന്നവര്ക്കെതിരെ ഭക്ഷ്യ സുരക്ഷ ഗുണനിലവാര നിയമം 2006 പ്രകാരം നടപടിയെടുക്കും.
- Log in to post comments