പ്രളയാനന്തര പൂനര്‍നിര്‍മ്മാണം  125 പേര്‍ക്ക് ധനസഹായം വിതരണം ചെയ്തു

പ്രളയക്കെടുതികളെ തുടര്‍ന്ന് ജില്ലയിലെ അഞ്ചു താലൂക്കുകളിലായി മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് 6,09,94,613  കോടി രൂപ സ്വന്തമായി ഭൂമി വാങ്ങാന്‍ വിതരണം ചെയ്തു. വില്ലേജ് ഓഫീസുകളില്‍  ആകെ 117 അപേക്ഷകളാണ് ലഭിച്ചത്. 239 ആളുകള്‍ സ്വന്തമായി സ്ഥലം വാങ്ങുന്നതിന് സന്നദ്ധത അറിയിച്ചിരുന്നു. 130 ആളുകള്‍ സ്വന്തമായി ഭൂമി വാങ്ങുകയും 125 പേര്‍ക്ക് തുക അനുവദിച്ചു നല്‍കുകയും ചെയ്തു. 

   ദേവികുളം താലൂക്കില്‍ 53 പേരാണ്് സ്വന്തമായി സ്ഥലം വാങ്ങുന്നതിന് സന്നദ്ധത അറിയിച്ചിരുന്നത്. വില്ലേജ് ഓഫീസില്‍  23 അപേക്ഷകള്‍ ലഭിച്ചു. ഇവര്‍ക്ക് 1,22,63.700 രൂപ അനുവദിച്ചു. ഇടുക്കി താലൂക്കില്‍ 98 പേര് സ്വന്തമായി സ്ഥലം വാങ്ങുന്നതിന് സന്നദ്ധത അറിയിച്ചിരുന്നെങ്കിലും 36 അപേക്ഷകളാണ് ലഭിച്ചത്. 36 പേര്‍ക്കുമായി 1,86,90,490 തുക അനുവദിച്ചു . പീരുമേട് താലൂക്കില്‍ 13പേര്  സ്വന്തമായി സ്ഥലം വാങ്ങുന്നതിന് സന്നദ്ധത  അറിയിക്കുകയും 13 അപേക്ഷകള്‍ വില്ലേജ് ഓഫീസിലേക്ക് ലഭിക്കുകയും ചെയ്തു. അതില്‍ ഏഴ് പേര്‍ സ്വന്തമായി ഭൂമി വാങ്ങുകയും ആറുപേര്‍ക്കായി 20,59,000  രൂപ അനുവദിച്ചു നല്‍കുകയും ചെയ്തു. തൊടുപുഴ താലൂക്കില്‍ 41 പേര്‍ സ്വന്തമായി സ്ഥലം വാങ്ങുന്നതിന് സന്നദ്ധത അറിയിച്ചിരുന്നെങ്കിലും 35 അപേക്ഷകളാണ് വില്ലേജ് ഓഫീസില്‍ ലഭിച്ചത്.അതില്‍  35 പേര്‍ സ്വന്തമായി ഭൂമി വാങ്ങുകയും 31 പേര്‍ക്കായി 1,56,84,953 രൂപ അനുവദിക്കുകയും ചെയ്തു. ഉടുമ്പന്‍ചോല താലൂക്കില്‍ 34 പേര്‍ സ്വന്തമായി സ്ഥലം വാങ്ങുന്നതിന് സന്നിധി അറിയിച്ചിരുന്നെങ്കിലും 10 അപേക്ഷകളാണ് വില്ലേജ് ഓഫീസില്‍ ലഭിച്ചത്. 29 പേര്‍ സ്വന്തമായി ഭൂമി വാങ്ങുകയും ഇവര്‍ക്ക് 12296470 രൂപ അനുവദിക്കുകയും ചെയ്തതായി ജില്ലാ കലക്ടര്‍ അറിയിച്ചു.