Post Category
സെക്ടറല് ഓഫീസര്മാര്ക്ക് ജി.പി.എസ് ട്രാക്കിംഗ്
പോളിംഗ് ബൂത്തുകളില് അടിസ്ഥാന സൗകര്യങ്ങള് ഉറപ്പാക്കുന്നതിന്റെയും അവശ്യ സാഹചര്യത്തില് റിസര്വ് വോട്ടിംഗ് യന്ത്രങ്ങള് താമസംകൂടാതെ എത്തിക്കുന്നതിന്റെയും ചുമതല സെക്ടറല് ഓഫീസര്മാര്ക്കാണ്. 19 സെക്ടറല് ഓഫീസര്മാരാണ് പാലായിലുള്ളത്. ഓരോരുത്തരെയും നിശ്ചിത എണ്ണം ബൂത്തുകളുടെ ചുമതല ഏല്പ്പിച്ചിരിക്കുന്നു. വോട്ടിംഗ് സമയത്ത് ഇവര് ഈ ബൂത്തുകളില് സന്ദര്ശനം നടത്തും.
റിസര്വ് യന്ത്രങ്ങള് സെക്ടറല് ഓഫീസര്മാരുടെ വാഹനങ്ങളില്തന്നെയാണ് സൂക്ഷിക്കുന്നത്. സാങ്കേതിക സഹായത്തിനായി ഭാരത് ഇലക്ട്രിക്കല്സിലെ എന്ജിനീയര്മാരും വാഹനത്തിലുണ്ടാകും. സെക്ടറല് ഓഫീസര്മാര് എവിടെയാണെന്ന് ജില്ലാ തിരഞ്ഞെടുപ്പ് ഓഫിസിലും വരണാധികാരിയുടെ ഓഫിസീലും കൃത്യമായ വിവരം ലഭിക്കുന്നതിനായി ജി.പി.എസ് ട്രാക്കിംഗ് സംവിധാനം ഏര്പ്പെടുത്തിയിട്ടുണ്ട്.
date
- Log in to post comments