തെങ്കരയില്‍ ഇ.എന്‍.ടി സ്‌പെഷ്യല്‍ ഒ.പി വിഭാഗം ഇന്നുമുതല്‍

തെങ്കര ഗവ. ആയുര്‍വ്വേദ ആശുപത്രിയില്‍ ഇന്ന് (ജനുവരി ഒന്ന്) മുതല്‍ എല്ലാ ബുധനാഴ്ച്ചയും രാവിലെ ഒമ്പത് മുതല്‍ ഉച്ചയ്ക്ക് രണ്ട് വരെ ഇ.എന്‍.ടി സ്‌പെഷ്യല്‍ ഒ.പി വിഭാഗം ആരംഭിക്കും. ഈ ക്ലിനിക്കില്‍ ചെവി, മൂക്ക്, തൊണ്ട എന്നിവയെ ബാധിക്കുന്ന അസുഖങ്ങള്‍ക്ക് ഇ.എന്‍.ടി സ്‌പെഷ്യലിസ്റ്റ് മെഡിക്കല്‍ ഓഫീസര്‍ ഡോ. യു. കിരണ്‍ കുമാറിന്റെ സേവനം സൗജന്യമായി ലഭിക്കുന്നതാണെന്ന് ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസര്‍ ഡോ. എസ് ഷിബു അറിയിച്ചു.