ജില്ലാതല ക്വാളിറ്റി മോണിറ്റര്‍ നിയമനം

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ നാല് ഒഴിവുകളിലേയ്ക്ക് ജില്ലാതല ക്വാളിറ്റി മോണിറ്റര്‍ നിയമനം നടത്തും. തദ്ദേശ സ്വയംഭരണം, ഇറിഗേഷന്‍, പൊതുമരാമത്ത്, മണ്ണ് സംരക്ഷണം തുടങ്ങിയ വകുപ്പുകള്‍/പൊതുമേഖലാ സ്ഥാപനത്തില്‍ നിന്നും സിവില്‍/അഗ്രികള്‍ച്ചറല്‍ എഞ്ചിനീയറിംഗ് വിഭാഗത്തില്‍ അസി. എഞ്ചിനീയര്‍ തസ്തികയില്‍ കുറയാത്ത തസ്തികകളില്‍ നിന്നും വിരമിച്ച 65 വയസ്സില്‍ താഴെ പ്രായമുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ ജോയിന്റ് പ്രോഗ്രാം കോ-ഓഡിനേറ്റര്‍, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ജില്ലാസെല്‍ സി. ബ്ലോക്ക്, നാലാം നില, സിവില്‍ സ്റ്റേഷന്‍, കോഴിക്കോട് -673020 എന്ന വിലാസത്തില്‍ അപേക്ഷ ബയോഡാറ്റ സഹിതം ജനുവരി 25 നകം സമര്‍പ്പിക്കണം.  

നിശ്ചിത യോഗ്യതയുടെ അടിസ്ഥാനത്തില്‍ അഭിമുഖം നടത്തിയാണ് തെരഞ്ഞെടുപ്പ്. തെരഞ്ഞെടുക്കപ്പെടുന്നവര്‍ മാസത്തില്‍ 10 മുതല്‍ പരമാവധി 15 ദിവസം വരെ ഡിപിസി/ജെ.പി.സി നിര്‍ദ്ദേശപ്രകാരം പ്രവര്‍ത്തനങ്ങളുടെ ഫീല്‍ഡ് പരിശോധന നടത്തി റിപ്പോര്‍ട്ട്  ഡിപിസി/ ജെ.പി.സിക്ക് നല്‍കണം. ഒരു ദിവസത്തെ സൈറ്റ് വിസിറ്റിന് യാത്രാ ചെലവ് ഉള്‍പ്പെടെ 1425 രൂപ പ്രതിദിന വേതന നിരക്കില്‍ ഒരു മാസം പരമാവധി 21, 275 രൂപ വേതനം നല്‍കുമെന്ന് ജോയിന്റ് പ്രോഗ്രാം കോ-ഓര്‍ഡിനേറ്റര്‍ അറിയിച്ചു.