പട്ടികജാതി വിഭാഗക്കാര്‍ക്ക് സൗജന്യ പരിശീലനം

പട്ടികജാതി വികസന വകുപ്പിനുവേണ്ടി സി.ഡിറ്റ് നടപ്പാക്കുന്ന സൈബര്‍ ശ്രീയില്‍ വിവിധ പരിശീലനത്തിന് 20 നും 26 നും മദ്ധ്യേ പ്രായമുളള പട്ടികജാതി വിഭാഗ വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. പൈത്തണ്‍ പ്രോഗ്രാമിംഗ് - നാലു മാസത്തെ പരിശീലനത്തിന് തെരഞ്ഞെടുക്കുന്നവര്‍ക്ക് പ്രതിമാസം 5000 രൂപ സ്റ്റൈപന്റായി ലഭിക്കും. ബി.ടെക്/എം.സി.എ/എം.എസ്.സി കമ്പ്യൂട്ടര്‍സയന്‍സ് കോഴ്‌സ് പൂര്‍ത്തീകരിച്ചവര്‍ക്ക് അപേക്ഷിക്കാം.

ഐ.ടി ഓറിയന്റഡ് സോഫ്റ്റ് സ്‌കില്‍ ഡെവലപ്‌മെന്റ് ട്രെയിനിങ് - മൂന്ന് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്‍ക്ക് പ്രതിമാസം 5500 രൂപ സ്റ്റൈപന്റുണ്ടായിരിക്കും. ഏതെങ്കിലും വിഷയത്തില്‍ ബിരുദമുളളവര്‍ക്കോ, ബി.ഇ/ബി.ടെക്/എം.സി.എ/എം.എസ്.സി കമ്പ്യൂട്ടര്‍സയന്‍സ് കോഴ്‌സ് പൂര്‍ത്തീകരിച്ചവര്‍ക്കോ അപേക്ഷിക്കാം.

ഐ.ടി. ബേയ്‌സ്ഡ് ബിസിനസ് മാനേജ്‌മെന്റ് - ആറ് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്‍ക്ക് പ്രതിമാസം 5500 രൂപ സ്റ്റൈപന്റുണ്ട്. ഏതെങ്കിലും വിഷയത്തില്‍ ബിരുദമുളളവര്‍ക്കോ ബി.ഇ/ബി.ടെക്/ എം.സി.എ/എം.എസ്.സി കമ്പ്യൂട്ടര്‍സയന്‍സ് കോഴ്‌സ് 

പൂര്‍ത്തീകരിച്ചവര്‍ക്ക് അപേക്ഷിക്കാം. വിഷ്വല്‍ ഇഫക്ട്‌സ് ആന്‍ഡ് ആനിമേഷന്‍ ഇന്‍ ഫിലിം ആന്‍ഡ് വിഷ്വല്‍മീഡിയ - ആറ് മാസത്തെ പരിശീലനത്തിന് തെരഞ്ഞെടുക്കപ്പെടുന്നവര്‍ക്ക് പ്രതിമാസം 5500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തില്‍ ബിരുദം/ബി.എഫ്.എ പാസ്സായവര്‍ക്കോ  ബി.ടെക്/എം.സി.എ/എം.എസ്.സി കമ്പ്യൂട്ടര്‍സയന്‍സ് കോഴ്‌സ് പൂര്‍ത്തീകരിച്ചവര്‍ക്ക് അപേക്ഷിക്കാം.  

വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്നതിനുളള സര്‍ട്ടിഫിക്കറ്റ്  സഹിതം അപേക്ഷ  ജനുവരി 25 നകം സൈബര്‍ശ്രീ സെന്റര്‍,  അംബേദ്കര്‍ ഭവന്‍, മണ്ണന്തല പി.ഒ, തിരുവനന്തപുരം 695 015 എന്ന വിലാസത്തില്‍ ലഭിക്കണം. അപേക്ഷ യോഗ്യത സര്‍ട്ടിഫിക്കറ്റുകളുടെ പകര്‍പ്പ് സഹിതം cybersritraining@gmail.com  എന്ന ഇ മെയിലിലും അയക്കാം. ഫോണ്‍ 0471 2933944, 9447401523. വിശദവിവരങ്ങള്‍ക്കും അപേക്ഷാ ഫോമിനും  www.cybersri.org.