കോവിഡ് 19 ഇതര സംസ്ഥാന തൊഴിലാളികളുടെ സ്‌ക്രീനിങ്

കൊറോണ 19 നിയന്ത്രണ പ്രവര്‍ത്തനങ്ങളുടെ ഭാഗമായി ഇതര സംസ്ഥാന തൊഴിലാളികളുടെ താമസസ്ഥലങ്ങളില്‍ സ്‌ക്രീനിംഗ് തുടരുന്നു. അഞ്ച് സിവില്‍ പൊലിസ് ഓഫീസര്‍മാരും 34 ആരോഗ്യ പ്രവര്‍ത്തകരുമടങ്ങിയ അഞ്ച് സ്‌ക്വാഡുകള്‍ മൈഗ്രന്റ് സൈറ്റുകള്‍ സന്ദര്‍ശിച്ചു.  ഓച്ചിറ - 104,  തെക്കുംഭാഗം-70 കുളക്കട-63, നെടുങ്ങോലം-83, കലയ്‌ക്കോട്-179, കടപ്പാക്കട-87 എന്നിവിടങ്ങളിലായി   സ്‌ക്രീനിങ് നടത്തി. ആകെ 585 പേര്‍ക്ക് നടത്തിയ പ്രാഥമിക പരിശോധനയില്‍ പനിലക്ഷണങ്ങള്‍ ഉള്ള 19 പേര്‍ക്ക് തുടര്‍പരിചരണത്തിനായി മാര്‍ഗനിര്‍ദേശങ്ങള്‍ നല്‍കി. ഇവരുടെ ലൈന്‍ ലിസ്റ്റ് തയ്യാറാക്കി ജില്ലാ സര്‍വെയ്‌ലന്‍സ് ഓഫീസര്‍ക്ക് കൈമാറി.