കോവിഡ് 19 കൊറോണ കെയര്‍ സെന്ററുകള്‍  159 ആയി ഉയര്‍ത്തി

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി 159 കൊറോണ കെയര്‍ സെന്ററുകളിലായി ഒറ്റയ്ക്ക് കഴിയുന്നതിന് കിടക്ക സൗകര്യമുള്ള 4,646 മുറികള്‍ സജ്ജമാക്കിയിട്ടുണ്ട്. നിലവില്‍ ഒന്‍പത് സെന്ററുകളിലായി 347 പേരാണ് പ്രത്യേക പരിചരണത്തിലുള്ളത്. ഇന്നലെ(ഏപ്രില്‍ 3) മാത്രം 153 പേര്‍ പുതിയതായി എത്തി. മറ്റു സംസ്ഥാനങ്ങളില്‍ നിന്നും മറ്റു ജില്ലകളില്‍ നിന്നും എത്തുന്നവരെയാണ് കൊറോണ കെയര്‍ സെന്ററുകളില്‍ നേരിട്ട് പ്രവേശിപ്പിക്കുന്നത്. ഇവര്‍ 14 ദിവസം നിരീക്ഷണത്തില്‍  തുടരണം. രോഗപരിചരണം, ഭക്ഷണം, അനുബന്ധ സൗകര്യങ്ങള്‍ തുടങ്ങിയവ  കുറ്റമറ്റ രീതിയില്‍ ഏര്‍പ്പെടുത്തിയിട്ടുണ്ടെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.