കോവിഡ് 19 ജില്ലയില്‍ ആകെ 12,661 പേര്‍ ഗൃഹ നിരീക്ഷണത്തില്‍.

ജില്ലയില്‍  ഇന്നലെ (ഏപ്രില്‍ 5) 12,661 പേരാണ് ഗൃഹനിരീക്ഷണത്തില്‍ ഉള്ളത്. ഇതില്‍ ദുബായില്‍ നിന്നുള്ള 1,483 പേര്‍ ഉള്‍പ്പെടെ ഗള്‍ഫ് മേഖലയില്‍ നിന്ന് തിരികെ എത്തിയ 4,591 സ്വദേശീയരും  ഉള്‍പ്പെടുന്നു. ഇന്നലെ  പുതുതായി ഗൃഹ നിരീക്ഷണത്തില്‍ പ്രവേശിപ്പിക്കപ്പെട്ടവര്‍ 25 പേര്‍ മാത്രമാണ്. പുതുതായി പ്രവേശിക്കപ്പെട്ട മൂന്ന് പേര്‍ ഉള്‍പ്പെടെ ആശുപത്രിയില്‍ ഒന്‍പത് പേര്‍ മാത്രമേ നിരീക്ഷണത്തില്‍ ഉള്ളൂ. ഇന്നലെ മാത്രം 10 പേര്‍ ഡിസ്ചാര്‍ജ് ആയി.
വിദഗ്ധ പരിശോധനയ്ക്ക് അയച്ച 937 സാമ്പിളുകളില്‍ 46 എണ്ണത്തിന്റെ ഫലം കൂടി വരാനുണ്ട്. പുതിയ പോസിറ്റീവ് കേസുകള്‍ ഇല്ല. നിലവില്‍ മുന്‍പ് റിപ്പോര്‍ട്ട് ചെയ്ത അഞ്ച് പോസിറ്റീവ് കേസുകള്‍ മാത്രമാണ് ഉള്ളത്. ഫലം വന്നതില്‍ 885 എണ്ണം നെഗറ്റീവാണ്.
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്പരുകളില്‍ ബന്ധപ്പെടാം.