കോവിഡ് 19 ജില്ലയില്‍ ആകെ 6,454 പേര്‍ ഗൃഹനിരീക്ഷണത്തില്‍

ജില്ലയില്‍  ഇന്നലെ(ഏപ്രില്‍ 11) 6,454 പേരാണ് ഗൃഹനിരീക്ഷണത്തില്‍ ഉള്ളത്. ഇന്നലെ(ഏപ്രില്‍ 11)  പുതുതായി ഗൃഹ നിരീക്ഷണത്തില്‍ 37 പേര്‍  പ്രവേശിച്ചു.  ആശുപത്രിയില്‍ പുതിയതായി വന്ന ഒരാള്‍ ഉള്‍പ്പെടെ 10 പേര്‍ മാത്രമേ നിരീക്ഷണത്തില്‍ ഉള്ളൂ. ഒരാള്‍ ഡിസ്ചാര്‍ജ് ആയി. 18,828 പേരില്‍ 12,364പേര്‍ നിരീക്ഷണത്തിന്റെ പരിധിയില്‍ നിന്നും ഒഴിവായിട്ടുണ്ട്.
ഇതുവരെ വിദഗ്ധ പരിശോധനയ്ക്ക് അയച്ച  1,103 സാമ്പിളുകളില്‍ 43 എണ്ണത്തിന്റെ ഫലം കൂടി വരാനുണ്ട്. നിലവില്‍ ജില്ലയില്‍ പോസിറ്റീവായി ഏഴു കേസുകള്‍ മാത്രമാണുള്ളത്. രണ്ടു പേര്‍ രോഗം ഭേദമായി  ആശുപത്രി വിട്ടു. ഇന്നലെ 15 സാമ്പിളുകളുടെ കൂടി ഫലം വന്നിട്ടുണ്ട്. എല്ലാം നെഗറ്റീവാണ്. പരിശോധനയ്ക്കായി 45 സാമ്പിളുകള്‍ അയച്ചിട്ടുണ്ട്. ഇതുവരെ ഫലം വന്നതില്‍ 1,049 എണ്ണം നെഗറ്റീവാണ്.  
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്പരുകളില്‍ ബന്ധപ്പെടാം.