മോട്ടോര്‍ വാഹന തൊഴിലാളി ക്ഷേമനിധി അംഗങ്ങള്‍ക്ക് സൗജന്യ ധനസഹായം

ലോക്ക്  ഡൗണ്‍ മൂലം  പ്രതിസന്ധിയിലായ ക്ഷേമനിധി ബോര്‍ഡ് അംഗങ്ങളായ മോട്ടോര്‍ തൊഴിലാളികള്‍ക്ക് ബോര്‍ഡ്  സൗജന്യ ധനസഹായം നല്‍കുന്നു. ബസ്, ഗുഡ്‌സ്,  ടാക്‌സി, ഓട്ടോ തൊഴിലാളികള്‍ക്ക് യഥാക്രമം 5000, 3500,  2500,  2000 രൂപ നിരക്കിലും 1991ലെ ഓട്ടോറിക്ഷ പദ്ധതിയില്‍ ഉള്‍പ്പെട്ട തൊഴിലാളികള്‍ക്ക് 2000 രൂപ നിരക്കിലും, 2004 ലെ  ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളികള്‍ക്ക്  1000 രൂപ നിരക്കിലുമാണ് സൗജന്യ ധനസഹായം അനുവദിക്കുന്നത്.

 അനിശ്ചിതമായി തുടരുന്ന പ്രതിസന്ധി കണക്കിലെടുത്താണ് മുന്‍പ് പ്രഖ്യാപിച്ച തിരിച്ചടയ്‌ക്കേണ്ടാത്ത  വായ്ക്ക് പകരമായി സൗജന്യ ധനസഹായം പ്രഖ്യാപിച്ചിട്ടുള്ളത്. നിലവില്‍ തിരിച്ചടയ്‌ക്കേണ്ട വായ്പ അനുവദിക്കപ്പെട്ടവര്‍ക്കും വായ്പയ്ക്ക് അപേക്ഷിച്ചവര്‍ക്കും തുക സൗജന്യമായി അനുവദിച്ചതായി പരിഗണിക്കും. അതിനാല്‍ വായ്പ ഇനത്തില്‍ തുക കൈപ്പറ്റിയവരും   അപേക്ഷിച്ചവരും  വീണ്ടും അപേക്ഷിക്കേണ്ടതില്ല.  ഇതുവരെ അപേക്ഷിച്ചിട്ടില്ലാത്തവര്‍ www.kmtwwfb.org എന്ന സൈറ്റ് വഴി അപേക്ഷാഫോം ഡൗണ്‍ലോഡ് ചെയ്‌തെടുത്ത് അപേക്ഷിക്കണമെന്ന് ചെയര്‍മാന്‍ അറിയിച്ചു.