ವಿದೇಶದಿಂದ ಬಂದ ಇಬ್ಬರು ಪ್ರವಾಸಿಗಳಿಗೆ ಕೋವಿಡ್ 19 ದೃಡಪಡಿಸಲಾಗಿದೆ

*ನಿರೀಕ್ಷಣಾ ಕೇಂದ್ರಗಳಲ್ಲಿ ಸೌಲಭ್ಯಗಳನ್ನು ಸ್ಥಾಪಿಸಲು 13.45 ಕೋಟಿ ರೂಪಾಯಿ ಅನುಮತಿಸಲಾಗಿದೆ 

ಮೇ ಏಳರಂದು ಕೇರಳಕ್ಕೆ ತಲುಪಿದ ದುಬೈ-ಕೋಳಿಕೋಡ್ ವಿಮಾನದಲ್ಲಿದ್ದ ಒಬ್ಬರಿಗೂ ಮತ್ತು ಅಬುಧಾಬಿ-ಕೊಚ್ಚಿ ವಿಮಾನದಲ್ಲಿದ್ದ ವ್ಯಕ್ತಿಯೊಬ್ಬರಿಗೂ ಕೋವಿಡ್ 19 ದೃಡಪಡಿಸಿರುವುದಾಗಿ

ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು. ಇದು ಆತಂಕಕಾರಿ ವಿಷಯವಾದರೂ ಭರವಸೆಯ ಸಂಗತಿಯಾಗಿದೆ. ಅವರೊಂದಿಗೆ ಪ್ರಯಾಣಿಸಿದವರ ಮೇಲ್ವಿಚಾರಣೆಯನ್ನು ಬಲಪಡಿಸಲಾಗುತ್ತದೆ.ನಮ್ಮ ಒಳಗೊಳ್ಳುವಿಕೆ ಮತ್ತು ತಡೆಗಟ್ಟುವಿಕೆಯನ್ನು ಬಲಪಡಿಸುವ ಅಗತ್ಯವಿದೆ ಎಂಬುದು ವಿದೇಶಿಯರಲ್ಲಿ ರೋಗ ಬಂದಿರುವುದು  ಸೂಚಿಸುತ್ತದೆ. ವಿದೇಶದಿಂದ ಮತ್ತು ಇತರ ರಾಜ್ಯಗಳಿಂದ ಬರುವ ಮಲಯಾಳಿಗಳು ಜಾಗರೂಕರಾಗಿರಲು ಇದು ಒಂದು ಎಚ್ಚರಿಕೆ. ಇಡುಕ್ಕಿಯಲ್ಲಿ ಚಿಕಿತ್ಸೆಯಲ್ಲಿದ್ದ ವ್ಯಕ್ತಿಯೊಬ್ಬರು ಗುಣಮುಖರಾದರು.ಪ್ರಸ್ತುತ 17 ಜನರು ಚಿಕಿತ್ಸೆಯಲ್ಲಿದ್ದಾರೆ.23930 ಜನರು ನಿರೀಕ್ಷಣದಲ್ಲಿದ್ದಾರೆ. ಈ ಪೈಕಿ 23596 ಜನರು ಮನೆಗಳಲ್ಲಿ ಮತ್ತು 334 ಜನರು ಆಸ್ಪತ್ರೆಗಳಲ್ಲಿರುವರು. ಪರೀಕ್ಷಿಸಿದ 36648 ಮಾದರಿಗಳಲ್ಲಿ ಫಲಿತಾಂಶ ಲಭಿಸಿದ 36002 ಮಾದರಿಗಳು ನಕಾರಾತ್ಮಕವಾಗಿವೆ. ಆದ್ಯತಾ ವಿಭಾಗದಲ್ಲಿನ 3475 ಮಾದರಿಗಳ ತಪಾಸಣೆ ನಡೆಸಿರುವುದರಲ್ಲಿ 3231 ಫಲಿತಾಂಶಗಳು ನಕಾರಾತ್ಮಕವಾಗಿವೆ.

ಹಿಂದಿರುಗಿದ ಪ್ರವಾಸಿಗರಿಗೆ ಅನುಕೂಲವಾಗುವಂತೆ ಎಲ್ಲಾ ಜಿಲ್ಲೆಗಳಲ್ಲಿ ನೋಡಲ್ ಅಧಿಕಾರಿಗಳನ್ನು ನಿಯೋಜಿಸಲಾಗಿದೆ. ಪ್ರತಿ ವೀಕ್ಷಣಾ ಕೇಂದ್ರದಲ್ಲಿ ಒಂದರಂತೆ ವೈದ್ಯರನ್ನು ನಿಯೋಜಿಸಲಾಗಿದೆ. ಏಪ್ರಿಲ್ 1 ರಿಂದ ಮೇ 8 ರವರೆಗೆ ಕೇಂದ್ರಗಳಿಗೆ ಅಗತ್ಯ ಸೌಲಭ್ಯಗಳನ್ನು ಒದಗಿಸಲು ವಿಪತ್ತು ಪರಿಹಾರ ನಿಧಿಯಿಂದ 13.45 ಕೋಟಿ ರೂಪಾಯಿ ಅನುಮತಿಸಲಾಗಿದೆ. ರೋಗ ಲಕ್ಷಣಗಳು ಹೊಂದಿರುವವರಿಗೆ ಚಿಕಿತ್ಸೆ ನೀಡಲು ವಿವಿಧ ವಿಭಾಗಗಳಡಿ 207 ಸರ್ಕಾರಿ ಆಸ್ಪತ್ರೆಗಳನ್ನು ಸಜ್ಜುಗೊಳಿಸಲಾಗಿದೆ. ಅಗತ್ಯವಿದ್ದರೆ ಸೇವೆಯನ್ನು ಬಳಸಲು 125 ಖಾಸಗಿ ಆಸ್ಪತ್ರೆಗಳನ್ನು ಸಜ್ಜುಗೊಳಿಸಲಾಗಿದೆ. ಕೋವಿಡ್ ರೋಗಿಗಳ ಸಂಖ್ಯೆಯಲ್ಲಿ ತ್ವರಿತ ಏರಿಕೆಯಾದರೆ, 27 ಆಸ್ಪತ್ರೆಗಳನ್ನು ಸಂಪೂರ್ಣ ಕೋವಿಡ್ ಕೇರ್ ಆಸ್ಪತ್ರೆಗಳಾಗಿ ಪರಿವರ್ತಿಸಲಾಗುವುದು.

ಸರ್ಕಾರಿ ಆರೈಕೆ ಕೇಂದ್ರಗಳಲ್ಲೂ ಮತ್ತು ಮನೆಗಳಲ್ಲಿ ಕಣ್ಗಾವಲಿನಲ್ಲಿರುವವರನ್ನು ಆರೋಗ್ಯ ಕಾರ್ಯಕರ್ತರು ನಿರಂತರವಾಗಿ ಸಂಪರ್ಕಿಸುವರು. ಆರೈಕೆ ಕೇಂದ್ರಗಳಲ್ಲಿ 24 ಗಂಟೆಗಳು ಆರೋಗ್ಯ ಕಾರ್ಯಕರ್ತರು ಇರಲಿದ್ದಾರೆ. ರೋಗಲಕ್ಷಣವನ್ನು  ಹೊಂದಿದರೆ ವೀಡಿಯೊ ಕರೆ ಮೂಲಕ ವೈದ್ಯರನ್ನು ಸಂಪರ್ಕಿಸಲಾಗುತ್ತದೆ. ಇ ಜಾಗ್ರತ ಆ್ಯಪ್ ಬಳಸಿ ಟೆಲಿ ಮೆಡಿಸಿನ್ ಸೇವೆಯನ್ನೂ ನೀಡಲಾಗುವುದು ಎಂದು ಮುಖ್ಯಮಂತ್ರಿ ಹೇಳಿದರು.

ಇತರ ರಾಜ್ಯಗಳಿಂದ ಪಾಸ್ ಇಲ್ಲದೆ ಬರುವವರನ್ನು  ಕೇರಳಕ್ಕೆ ಬಿಡಲಾಗುವುದಿಲ್ಲ: ಮುಖ್ಯಮಂತ್ರಿ

ಇತರ ರಾಜ್ಯಗಳಿಂದ ಪಾಸಿಲ್ಲದೆ ಗಡಿಗೆ ಬರುವವರನ್ನು ಕೇರಳಕ್ಕೆ ಬಿಡಲಾಗುವುದಿಲ್ಲ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದರು. ಈಗ ಪಾಸಿಲ್ಲದೆಯೂ, ನೋಂದಾಯಿಸದೆಯೂ ಗಡಿಯಲ್ಲಿ ಹಾದುಹೋಗುವವರು ಇದ್ದಾರೆ. ಹೀಗೆ ಬರುವಾಗ ಅಲ್ಲಿ ಏರ್ಪಡಿಸಿರುವ ಕ್ರಮೀಕರಣಗಳು ಮುರಿಯಲ್ಪಡುತ್ತವೆ. ಗಡಿಯಲ್ಲಿ ಮಾಡಿದ ವ್ಯವಸ್ಥೆಗಳಿಗೆ ಎಲ್ಲರೂ ಸಹಕರಿಸಬೇಕೆಂದು ಮುಖ್ಯಮಂತ್ರಿ ವಿನಂತಿಸಿದರು. ಪಾಸ್ ಇಲ್ಲದೆ ಬರುವವರನ್ನು ಹಿಂತಿರುಗಿಸಲಾಗುತ್ತದೆ. ಪಾಸ್ ಪಡೆದ ನಂತರವೇ ಅವರು ಈಗ ಇರುವ ಸ್ಥಳವನ್ನು ತೊರೆಯಬೇಕು ಎಂದು ಮುಖ್ಯಮಂತ್ರಿ ಹೇಳಿದರು.

ಗಡಿಯನ್ನು ತಲುಪುವ ಸಮಯವನ್ನು ನಿಗದಿಪಡಿಸಲಾಗಿದೆ. ಇದಕ್ಕೆ ತಕ್ಕಂತೆ ಬರಬೇಕು. ಇತರ ರಾಜ್ಯಗಳಲ್ಲಿರುವ ಮಲಯಾಳಿಗಳಿಗೆ ಸಹಾಯ ಮಾಡಲು ದೇಶದ ಪ್ರಮುಖ ನಗರಗಳಲ್ಲಿ ಹೆಲ್ಪ್‌ಡೆಸ್ಕ್ ಗಳನ್ನು ಸ್ಥಾಪಿಸಲಾಗುವುದು ಎಂದು ಮುಖ್ಯಮಂತ್ರಿ ಹೇಳಿದರು. ನವದೆಹಲಿ ಕೇರಳಹೌಸ್, ಮುಂಬೈ ಕೇರಳಹೌಸ್, ಚೆನ್ನೈ ಮತ್ತು ಬೆಂಗಳೂರು ನೋರ್ಕಾ ಕಚೇರಿಗಳಲ್ಲಿ ಹೆಲ್ಪ್‌ಡೆಸ್ಕ್ ಲಭ್ಯವಿರುತ್ತದೆ. ಇದರೊಂದಿಗೆ ಕಾಲ್ ಸೆಂಟರ್ ವ್ಯವಸ್ಥೆ ಇರುತ್ತದೆ.