അധിക പ്രതിരോധ പ്രതികരണ നിയന്ത്രണങ്ങള്‍ ഏര്‍പ്പെടുത്തി
പ•ന ഗ്രാമപഞ്ചായത്തിലെ 10, 11 വാര്‍ഡുകളില്‍ ദുരന്ത നിവാരണ നിയമ പ്രകാരം കോവിഡ് ഹോട്ട് സ്പോട്ട് അധിക പ്രതിരോധ പ്രതികരണ നിയന്ത്രണങ്ങളും ക്രിമിനല്‍ നടപടി നിയമ സംഹിതയിലെ 144 വകുപ്പ് പ്രകാരവും ഏര്‍പ്പെടുത്തി ജില്ലാ ദുരന്ത നിവാരണ ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി. അവശ്യ സര്‍വീസുകള്‍ മാത്രമേ അനുവദിക്കൂ. അടിയന്തരാവശ്യങ്ങള്‍ക്കല്ലാതെ ജനങ്ങള്‍ പുറത്തിറങ്ങരുത്.
നിലവില്‍ കല്ലുവാതുക്കല്‍ ഗ്രാമപഞ്ചായത്തില്‍ ഏര്‍പ്പെടുത്തിയിരിക്കുന്ന നിയന്ത്രണങ്ങള്‍ തുടരും. കുളത്തൂപ്പുഴ, തെന്‍മല, ആര്യങ്കാവ് ഗ്രാമപഞ്ചായത്തുകളില്‍ ദുരന്ത നിവാരണ നിയമപ്രകാരവും 144 പ്രകാരവും ഏര്‍പ്പെടുത്തിയിട്ടുള്ള നിയന്ത്രണങ്ങള്‍ ഓറഞ്ച് സോണില്‍ അനുവദിച്ചിട്ടുള്ള ഇളവുകളോടെയും താഴെപ്പറയുന്ന ഉപാധികളോടെയും തുടരും.
ഗ്രാമപഞ്ചായത്ത് പ്രദേശങ്ങളില്‍ പൊതുസ്ഥലങ്ങളിലും പൊതുസ്ഥലങ്ങളുടെ നിര്‍വചനത്തില്‍ വരുന്ന സ്ഥലങ്ങളിലും മൂന്നു പേരില്‍ കൂടുതല്‍ കൂട്ടം കൂടാന്‍ പാടില്ല. പൊതുസ്ഥലങ്ങളില്‍ വ്യക്തികള്‍ തമ്മില്‍ കുറഞ്ഞത് ഒരു മീറ്ററെങ്കിലും അകലം പാലിക്കണം. വ്യാപാര സ്ഥാപനങ്ങളില്‍ ഒരേ സമയം രണ്ട് ഉപഭോക്താക്കളില്‍ കൂടുതല്‍ പേരെ പ്രവേശിപ്പിക്കരുത്. വഴിയോര കച്ചവടം, ചായക്കടകള്‍, ജ്യൂസ് സ്റ്റാളുകള്‍ എന്നിവ ഒഴികെ മറ്റ് അവശ്യ സാധനങ്ങള്‍ വില്‍ക്കുന്ന സ്ഥാപനങ്ങള്‍ രാവിലെ ഏഴു മുതല്‍ വൈകുന്നേരം ഏഴുവരെ പ്രവര്‍ത്തിക്കാം. പ്ലാന്റേഷന്‍, നിര്‍മാണ മേഖലകളിലെ പ്രവര്‍ത്തനത്തിന് അന്യസംസ്ഥാന തൊഴിലാളികളെ അനുവദിക്കരുത്. വീടുകള്‍ തോറും കയറി ഇറങ്ങി കച്ചവടം നടത്തുന്നത് കര്‍ശനമായും നിരോധിച്ചു.
(പി.ആര്‍.കെ നമ്പര്‍ 1513/2020)
- Log in to post comments