അധിക പ്രതിരോധ പ്രതികരണ നിയന്ത്രണം

കല്ലുവാതുക്കള്‍ ഗ്രാമപഞ്ചായത്തില്‍ ഏര്‍പ്പെടുത്തിയിരുന്ന അധിക പ്രതിരോധ പ്രതികരണ നിയന്ത്രണങ്ങള്‍ പഞ്ചായത്തിലെ 20, 21, 22, 23 എന്നീ വാര്‍ഡുകളില്‍ മാത്രമായി പരിമിതപ്പെടുത്തി ജില്ലാ കലക്ടര്‍ ഉത്തരവായി.
പുനലൂര്‍ മുനിസിപ്പാലിറ്റിയിലെ പന്ത്രണ്ടാം വാര്‍ഡിലും പ•ന ഗ്രാമപഞ്ചായത്തിലെ 10, 11 വാര്‍ഡുകളിലും ഏര്‍പ്പെടുത്തിയിരിക്കുന്ന നിയന്ത്രണങ്ങള്‍ തുടരും. കുളത്തൂപ്പുഴ, തെന്‍മല, ആര്യങ്കാവ് ഗ്രാമപഞ്ചായത്തുകളില്‍ ഓറഞ്ച് സോണില്‍ അനുവദിച്ചിട്ടുള്ള ഇളവുകളോടെയും ഉപാധികളോടെയും തുടരും.
ഗ്രാമപഞ്ചായത്ത് പ്രദേശങ്ങളില്‍ പൊതുസ്ഥലങ്ങളിലും പൊതുസ്ഥലങ്ങളുടെ നിര്‍വചനത്തില്‍ വരുന്ന സ്ഥലങ്ങളിലും മൂന്നു പേരില്‍ കൂടുതല്‍ കൂട്ടം കൂടാന്‍ പാടില്ല. പൊതുസ്ഥലങ്ങളില്‍ വ്യക്തികള്‍ തമ്മില്‍ കുറഞ്ഞത് ഒരു മീറ്ററെങ്കിലും അകലം പാലിക്കണം. വ്യാപാര സ്ഥാപനങ്ങളില്‍ ഒരേ സമയം രണ്ട് ഉപഭോക്താക്കളില്‍ കൂടുതല്‍ പേരെ പ്രവേശിപ്പിക്കരുത്. വഴിയോര കച്ചവടം, ചായക്കടകള്‍, ജ്യൂസ് സ്റ്റാളുകള്‍ എന്നിവ ഒഴികെ മറ്റ് അവശ്യ സാധനങ്ങള്‍ വില്‍ക്കുന്ന സ്ഥാപനങ്ങള്‍ രാവിലെ ഏഴു മുതല്‍ വൈകുന്നേരം ഏഴുവരെ പ്രവര്‍ത്തിക്കാം. പ്ലാന്റേഷന്‍, നിര്‍മാണ മേഖലകളിലെ പ്രവര്‍ത്തനത്തിന് അന്യസംസ്ഥാന തൊഴിലാളികളെ അനുവദിക്കരുത്. വീടുകള്‍ തോറും കയറി ഇറങ്ങി കച്ചവടം നടത്തുന്നത് കര്‍ശനമായും നിരോധിച്ചു.
(പി.ആര്‍.കെ നമ്പര്‍ 1526/2020)