സമഗ്ര ആരോഗ്യ ഇന്‍ഷൂറന്‍സ്  (ആര്‍.എസ്.ബി.വൈ) പദ്ധതിയില്‍ അംഗമാകാത്ത മത്സ്യ തൊഴിലാളികളുടെ 2018-19 വര്‍ഷത്തെ  രജിസ്‌ട്രേഷന്‍ തുടങ്ങിയതായി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

താത്പര്യമുള്ളവര്‍ റേഷന്‍ കാര്‍ഡ് , ആധാര്‍ കാര്‍ഡ് , ഫിഷറീസ് തിരിച്ചറിയല്‍ കാര്‍ഡ്, മത്സ്യതൊഴിലാളിക്ഷേമനിധി ബോര്‍ഡ് അംഗത്വ രേഖ എന്നിവയും പകര്‍പ്പുമായി അക്ഷയകേന്ദ്രത്തിലോ മലമ്പുഴ ഫിഷറീസ് ഡെപ്യുട്ടി ഡയറക്ടറുടെ കാര്യാലയത്തിലോ നവംബര്‍ 15നകം എത്തണം .
 

ഫിഷറീസ് വകുപ്പിന്റെ ആഭിമുഖ്യത്തില്‍ മത്സ്യത്തൊഴിലാളികള്‍ക്ക് ആറു ദിവസത്തെ പരിശീലന പരിപാടി നടത്തുന്നു. ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത  10-ാം ക്ലാസ്  പാസായ 20നും 45നും ഇടയില്‍ പ്രായമുള്ളവരാവണം അപേക്ഷകര്‍. വിവിധ മത്സ്യബന്ധനരീതികള്‍. മത്സ്യബന്ധന ഉപകരണങ്ങള്‍, സുരക്ഷാ ഉപകരണങ്ങള്‍, നാവിഗേഷന്‍ ആന്‍ഡ് സീമെന്‍ഷിപ്പ്  വിഷയങ്ങളിലായിരിക്കും പരിശീലനം.

ഫിഷറീസ് വകുപ്പിന്റെ കീഴിലുള്ള പരിശീലന കേന്ദ്രങ്ങളിലും കേന്ദ്ര സര്‍ക്കാര്‍ സ്ഥാപനങ്ങളിലുമാണ് പരിശീലനം .  പരിശീലന ദിവസങ്ങളില്‍ 500 രൂപ സ്റ്റൈപെന്‍ഡ് , യാത്രാബത്ത, ഭക്ഷണം, താമസസൗകര്യം  നല്‍കും.

സ്‌കോള്‍ കേരള മുഖേന 2017-2019 ബാച്ചില്‍ ഹയര്‍സെക്കന്‍ഡറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത വിദ്യാര്‍ഥികള്‍ക്കുള്ള ഒന്നാം വര്‍ഷ ഓറിയന്റേഷന്‍ ക്ലാസുകള്‍ 12, 19 തീയതികളില്‍  നടത്തുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.  വിശദാംശങ്ങള്‍ക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.

പി.എന്‍.എക്‌സ്.4707/17

മലമ്പുഴ ഗവ.വൊക്കേഷനല്‍ ഹയര്‍സെക്കന്‍ഡറി സ്‌ക്കൂളിലെ വി.എച്ച്.എസ്.ഇ വിഭാഗത്തില്‍ ഫിസിക്‌സ് സീനിയര്‍ നോണ്‍ വൊക്കേഷനല്‍ ഗസ്റ്റ് അധ്യാപകരുടെ താത്ക്കാലിക ഒഴിവിലേക്കുളള കൂടിക്കാഴ്ച്ച നവംബര്‍ 13-ന് രാവിലെ 11 ന് മലമ്പുഴ ജി.വി.എച്ച്.എസ്.എസ് ഓഫീസില്‍ നടക്കും.എം.എസ്. സി ഫിസിക്സ്, ബി.എഡ്, സെറ്റ് അല്ലെങ്കില്‍ നെറ്റ് ആണ് യോഗ്യതയായി പരിഗണിക്കുക.

താത്പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ച്ചയ്ക്ക് എത്തണം. ഫോണ്‍: 0491-2815066.
 

പാലക്കാട് ജൈനിമേട് എന്‍.എന്‍.സ് കണ്‍വെന്‍ഷന്‍ സെന്ററില്‍  നവംബര്‍ 13, 14 തീയതികളില്‍ സൈനിക പെന്‍ഷന്‍ അദാലത്തില്‍ നേരിട്ട് പരാതി നല്‍കാന്‍ അവസരം.  

പെന്‍ഷന്‍ സംബന്ധമായ പരാതികളുള്ള വിമുക്ത ഭടന്മാര്‍ അവരുടെ വിധവകള്‍/ആശ്രിതര്‍ അവസരം പ്രയോജനപ്പെടുത്തണമെന്ന് ജില്ലാ സൈനിക് ക്ഷേമ ഓഫീസര്‍ അറിയിച്ചു.
 

ഒന്ന്, രണ്ട് വര്‍ഷത്തെ നഴ്‌സറി ടീച്ചേഴ്‌സ് എഡ്യൂക്കേഷന്‍ കോഴ്‌സ് പരീക്ഷ 2018 മാര്‍ച്ച് 12 വരെ നടത്തും. പരീക്ഷാ ഫീസും പൂരിപ്പിച്ച അപേക്ഷയും 2017 ഡിസംബര്‍ 20 വരെയും 10 രൂപ പിഴയോടുകൂടി ഡിസംബര്‍ 23 വരെയും പ്രീ-പ്രൈമറി  ഇന്‍സ്റ്റിറ്റ്യൂട്ടിലെ പ്രിന്‍സിപ്പാളിനെ ഏല്‍പ്പിക്കണം. പരീക്ഷ സംബന്ധിച്ച കൂടുതല്‍ വിവരങ്ങള്‍ www.keralapareekshabhavan.in ല്‍ ലഭ്യമാണ്.

പി.എന്‍.എക്‌സ്.4806/17

ജില്ലാ  എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്റര്‍ മുഖേന സ്വകാര്യസ്ഥാപനങ്ങളിലെ ഒഴിവുളള വിവിധ തസ്തികകളിലേക്ക് എംപ്ലോയ്‌മെന്റ് എക്‌സ്‌ചേഞ്ചില്‍ നവംബര്‍ 15ന് രാവിലെ 10.30ന് അഭിമുഖം നടത്തുന്നു. 

യോഗ്യത:-എസ്.എസ്.എല്‍.സി പ്ലസ് ടു, ഡിഗ്രി, ഐ.ടി.ഐ/ഡിപ്ലൊമ ഇലക്‌ട്രോണിക്‌സ് ്, എം.എസ്.സി (ഫിസിക്‌സ് , മാത്‌സ് , കെമിസ്ട്രി , ബയോളജി, എം.കോം, ഹോട്ടല്‍ മാനെജ്‌മെന്റ് ഡിപ്ലൊമ/ഡിഗ്രി.

കേരള ചുമട്ടു  തൊഴിലാളി ക്ഷേമ ബോര്‍ഡ്, സ്‌കാറ്റേഡ് വിഭാഗം പദ്ധതിയില്‍ രജിസ്റ്റര്‍ ചെയ്യുന്നതിനും  കുടിശ്ശിക വരുത്തി  അംഗത്വം നഷ്ടപ്പെട്ടവര്‍ക്ക് പലിശ, പിഴ പലിശ എന്നിവ ഒഴിവാക്കി അംഗത്വം പുതുക്കുന്നതിനും 2018 മാര്‍ച്ച് 31 വരെ അപേക്ഷിക്കാം. 

സംസ്ഥാന ഭൂവിനിയോഗ ബോര്‍ഡ് നടപ്പു സാമ്പത്തിക വര്‍ഷത്തില്‍ നടപ്പിലാക്കുന്ന ബ്ലോക്കുതല ഡാറ്റാ ബാങ്ക്, അനുയോജ്യമായ ഭൂവിനിയോഗ മാതൃകകള്‍ തയ്യാറാക്കല്‍ പദ്ധതികള്‍ക്കായി ഉദ്യോഗാര്‍ത്ഥികളെ കരാര്‍ അടിസ്ഥാനത്തില്‍ നിയമിക്കുന്നു. വാക്-ഇന്‍-ഇന്റര്‍വ്യൂ നവംബര്‍ 14 ന് വികാസ് ഭവനിലെ ഭൂവിനിയോഗ ബോര്‍ഡ് ഓഫീസില്‍ നടക്കും. റിസര്‍ച്ച് അസിസ്റ്റന്റ് (ഐ.ടി), ടെക്‌നിക്കല്‍ അസിസ്റ്റന്റ് (ജിയോളജി) എന്നീ തസ്തികകളിലേക്കാണ് ഇന്റര്‍വ്യൂ.

64-മത് സഹകരണ വാരാഘോഷത്തിന്റെ ഭാഗമായി അഞ്ച് സര്‍ക്ക്ള്‍ സഹകരണ യൂനിയനുകളുടെ ആഭിമുഖ്യത്തില്‍ നവംബര്‍ 18ന് താലൂക്ക് കേന്ദ്രങ്ങളില്‍ ജൈവകൃഷി , വൃക്ഷതൈകള്‍,പച്ചക്കറി കൃഷി, മഴക്കുഴി നിര്‍മാണം, മാലിന്യ സംസ്‌കരണ പ്രവര്‍ത്തനങ്ങള്‍ എന്നിവ നടത്തും. സര്‍ക്കാരിന്റെ ഹരിതകേരളം മിഷന് പിന്തുണ പ്രഖ്യാപിച്ചാണ്  പ്രവര്‍ത്തനങ്ങള്‍. 

നവംബര്‍ 14 മുതല്‍ 20 വരെ വിവിധ വിഷയം സംബന്ധിച്ച സെമിനാറുകള്‍, മോട്ടിവേഷന് ക്ലാസുകള്‍ തുടങ്ങിയവയും നടക്കും. ഇതുമായി ബന്ധപ്പെട്ട് ജില്ലാ സഹകരണ ബാങ്കില്‍ നടന്ന സഹകരണ സംഘങ്ങളുടെ  അവലോകന യോഗത്തില്‍ ജോയിന്റ് രജിസ്ട്രാര്‍ (ജനറല്‍) എം.കെ.ബാബു അധ്യക്ഷനായി.