ജില്ലാ ഭരണകൂടത്തിന്റെയും ജില്ലാ ഇന്‍ഫര്‍മേഷന്‍ ഓഫീസിന്റെയും ആഭിമുഖ്യത്തില്‍ നടത്തിയ ഔദ്യോഗിക ഭാഷാ വാരാചരണത്തിന്റെ സമാപനം ഇന്ന് (ഏഴിന്) രാവിലെ 10ന്   കളക്ടറേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ ആര്‍. ഗിരിജ ഉദ്ഘാടനം ചെയ്യും. വാരാചരണത്തോട് അനുബന്ധിച്ച് സര്‍ക്കാര്‍ ഉദ്യോഗസ്ഥര്‍ക്കുവേണ്ടി നടത്തിയ മലയാളം കേട്ടെഴുത്ത്,   ഫയല്‍ എഴുത്ത്, കവിതാലാപനം, ഹയര്‍ സെക്കന്‍ഡറി വിദ്യാര്‍ഥികളുടെ വാര്‍ത്താവതരണം എന്നീ മത്സരങ്ങളിലെ വിജയികള്‍ക്ക് ജില്ലാ കളക്ടര്‍ സര്‍ട്ടിഫിക്കറ്റ് വിതരണം ചെയ്യും. 

വരുമാനം കുറഞ്ഞവര്‍ക്ക് തൊഴില്‍ നൈപുണ്യ പരിശീലനം നല്‍കി തൊഴില്‍ കണ്ടെത്തുന്നതിന് സഹായിക്കുന്നതിനുള്ള കേന്ദ്രസര്‍ക്കാരിന്റെ ദീന്‍ ദയാല്‍ അന്ത്യോദയ യോജന പദ്ധതിയിന്‍ കീഴില്‍   കുടുംബശ്രീ നടപ്പാക്കുന്ന സൗജന്യ തൊഴില്‍ നൈപുണ്യ പരിശീലന പരിപാടിയിലേക്ക്് അപേക്ഷിക്കാം.

സംസ്ഥാനത്തിന്റെ നിയമസഭാ ചരിത്രം പത്രകട്ടിംങ്ങുകളിലൂടെയും ഫോട്ടോകളിലൂടെയും അനാവരണം ചെയ്യുന്ന പ്രദര്‍ശനം മഹാരാജാസ് കോളേജ് മെയിന്‍ ഹാളില്‍ തുടങ്ങി. നവംബര്‍ 6 7 തീയതികളില്‍ നടക്കുന്ന പ്രദര്‍ശനത്തില്‍ കേരള രാഷ്ട്രീയ-സാമൂഹിക ചരിത്രത്തിലെ പ്രധാന ഏടുകള്‍ ഫോട്ടോകളായി പ്രദര്‍ശിപ്പിച്ചിരിക്കുന്നു.

കൊച്ചി: സമൂഹത്തെ പുതുക്കി പണിയുന്നതില്‍ കേരള നിയമസഭ വഹിച്ച പങ്ക് നിസ്തുലമാണെന്ന് എസ് ശര്‍മ എംഎല്‍എ പറഞ്ഞു. പുരോഗതിയിലേക്കുള്ള മാറ്റത്തിന് തടസ്സം നില്‍ക്കുന്ന സാമൂഹ്യതി•കളെ നിയമംകൊണ്ട് നിലയ്ക്കുനിര്‍ത്താന്‍ കേരളത്തിലെ മാറിമാറിവന്ന നിയമനിര്‍മാണസഭയിലെ അംഗങ്ങള്‍ക്ക് കഴിഞ്ഞിട്ടുണ്ട്. നിയമസഭയുടെ വജ്രജൂബിലിയോടനുബന്ധിച്ച് എറണാകുളം ജില്ലയിലെ ആഘോഷപരിപാടികള്‍ മഹാരാജാസ് കോളേജില്‍ ഉദ്ഘാടനം ചെയ്യുകയായിരുന്നു അദ്ദേഹം. നിയമസഭാ സെക്രട്ടേറിയറ്റിന്റെയും ജില്ലാ ഭരണകൂടത്തിന്റെയും സംയുക്താഭിമുഖ്യത്തില്‍ നവംബര്‍ 6,7 തീയതികളിലാണ് പരിപാടികള്‍ സംഘടിപ്പിച്ചിരിക്കുന്നത്. 

സാങ്കേവിദ്യകളും ചികിത്സാസൗകര്യങ്ങളും വന്‍തോതില്‍ വളര്‍ന്നെങ്കിലും ചികിത്സിക്കാന്‍ പ്രാപ്തിയില്ലാത്തവരുടെ എണ്ണം വര്‍ദ്ധിച്ചുവരുകയാണെന്ന് വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് പറഞ്ഞു. പറപ്പൂക്കര സഹകരണബാങ്കിന്റെ നീതി മെഡിക്കല്‍സ്റ്റോര്‍ നന്തിക്കരയില്‍ ഉദ്ഘാടനം ചെയ്യുകയായിരുന്നു അദ്ധേഹം. ചികിത്സിക്കാന്‍ പ്രയാസപ്പെടുന്നവര്‍ക്ക് സഹായം ചെയ്യാനാണ് സംസ്ഥാനസര്‍ക്കാര്‍ ആര്‍ദ്രം പദ്ധതിതയ്യാറാക്കിയിട്ടുള്‌ളതെന്നും മന്ത്രി ഓര്‍മ്മിപ്പിച്ചു.

- പ്രശ്‌നോത്തരി മത്സരം നാളെ

ആലപ്പുഴ: ഭരണഭാഷ വാരാഘോഷത്തോടനുബന്ധിച്ച് ജീവനക്കാര്‍ക്കും അധ്യാപകര്‍ക്കുമായി നടത്തിയ വിവിധ മല്‍സരങ്ങളില്‍ മികച്ച പങ്കാളിത്തം. സ്‌കൂള്‍ കാലഘട്ടത്തിനുശേഷം കേട്ടെഴുത്തു പരീക്ഷയില്‍ പലരും ആദ്യമായാണ് പങ്കെടുത്തത്. അധ്യാപകര്‍ പലരും സ്‌കൂളില്‍ കേട്ടെഴുത്ത് നടത്തുന്നവരാണെങ്കിലും ഇത്തരമൊരു പരീക്ഷയില്‍ പങ്കെടുത്തത് നവ്യാനുഭവമായി. 

ആലപ്പുഴ: ജില്ലാ കാന്‍സര്‍ കെയര്‍ സൊസൈറ്റിയുടെ കീഴില്‍ മെഡിക്കല്‍ കോളജ് ആശുപത്രിയില്‍ പ്രവര്‍ത്തിക്കുന്ന സി.റ്റി സ്‌കാന്‍ സെന്ററിലെ സെക്യൂരിറ്റി സ്റ്റാഫിനെ നിയമിക്കുന്നതിനുള്ള വാക്-ഇന്‍-ഇന്റര്‍വ്യൂ നവംബര്‍ 18ന് രാവിലെ 11ന് നടക്കും.

കരാര്‍ അടിസ്ഥാനത്തില്‍ മൂന്ന് ഒഴിവുകള്‍ ഉണ്ട്. 50 വയസില്‍ താഴെ പ്രായമുള്ള വിമുക്തഭടന്മാരായ പുരുഷന്മാര്‍ക്കാണ് നിയമനം. താല്‍പര്യമുള്ളവര്‍ യോഗ്യത, വയസ് പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം വണ്ടാനം മെഡിക്കല്‍ കോളജ് ആശുപത്രി ഓഫീസില്‍ അഭിമുഖത്തിന് എത്തണം.

ആലപ്പുഴ: ജില്ലയില്‍  പത്രപ്രവര്‍ത്തക, പത്രപ്രവര്‍ത്തകേതര പെന്‍ഷന്‍ വാങ്ങുന്നവര്‍ നവംബര്‍ 30നകം ലൈഫ് സര്‍ട്ടിഫിക്കറ്റ് ജില്ലാ ഇന്‍ഫര്‍മേഷന്‍ ഓഫീസില്‍ നല്‍കണം.

വിശദവിവരത്തിന് ഫോണ്‍: 0477 2251349.

(പി.എന്‍.എ.2636/17)
 

ആലപ്പുഴ: വിദേശത്ത് തൊഴില്‍ നേടുന്നവര്‍ക്കായി അടൂര്‍ ഗവണ്‍മെന്റ് പോളിടെക്‌നിക് കോളജില്‍ സംസ്ഥാന നോര്‍ക്ക റൂട്ട്‌സ് നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു.

അലുമിനിയം ഫാബ്രിക്കേഷന്‍ ആന്‍ഡ് കോമ്പോസിറ്റ് പാനലിങ്, ഫയര്‍ ആന്‍ഡ് ഇന്‍ടസ്ട്രിയല്‍ സേഫ്റ്റി, കമ്പ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്കിങ്, കമ്പ്യൂട്ടര്‍ എയ്ഡഡ് ഡിസൈന്‍, ടിഗ് ആന്‍ഡ് മിഗ് വെല്‍ഡിങ് എന്നി തൊഴിലധിഷ്ഠിത കോഴ്‌സുകളിലാണ് പരിശീലനം. വിശദവിവരത്തിന് കണ്ടിന്യൂയിങ് എഡ്യൂക്കേഷന്‍ സെല്ലുമായി ബന്ധപ്പെടണം. ഫോണ്‍: 8304844704 9446962201: 

(പി.എന്‍.എ.2635/17)
 

ആലപ്പുഴ: സമഗ്ര ആരോഗ്യ ഇന്‍ഷുറന്‍സ് പദ്ധതിയിലേക്കുള്ള രജിസ്‌ട്രേഷന്‍  തുടരുന്നു. നിലവില്‍ കാര്‍ഡ് ഇല്ലാത്തവരും പുതുക്കാന്‍ കഴിയാത്തവരും സ്മാര്‍ട്ട് കാര്‍ഡില്‍ പേരിന് പകരം ഫാമിലി ഹെഡ് എന്ന് രേഖപ്പെടുത്തിയ സ്മാര്‍ട്ട് കാര്‍ഡ് ഉടമകളും റേഷന്‍ കാര്‍ഡ്, ക്ഷേമനിധി അംഗത്വം തെളിയിക്കുന്ന രേഖ ഹാജരാക്കി നവംബര്‍ 10നകം രജിസ്‌ട്രേഷന്‍ എടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.

 (പി.എന്‍.എ.2634/17)