അംഗീകൃത അക്ഷയ കേന്ദ്രങ്ങള്‍ അല്ലാതെ ജനസേവന കേന്ദ്രങ്ങളെന്ന പേരില്‍ പ്രവര്‍ത്തിക്കുന്ന സ്ഥാപനങ്ങള്‍ക്കെതിരെ ജാഗ്രത പാലിക്കണമെന്ന് സംസ്ഥാന ഐടി മിഷന്‍ അറിയിച്ചു. ഇങ്ങനെ നിരവധി സ്ഥാപനങ്ങള്‍ പ്രവര്‍ത്തിക്കുന്നതായി ശ്രദ്ധയില്‍പ്പെടുത്തിയിട്ടുണ്ടെന്ന് ഐടി മിഷന്‍ ഡയറക്ടര്‍ ശ്രീരാം സാംബശിവ റാവു തദ്ദേശസ്ഥാപനങ്ങള്‍ക്ക് അയച്ച കത്തില്‍ പറഞ്ഞു.  

ഡിസംബര്‍ 5 ലോക മണ്ണ് ദിനാഘോഷത്തിന്റെ ഭാഗമായി സംസ്ഥാന മണ്ണ് പര്യവേക്ഷണ സംരക്ഷണ വകുപ്പ്, ഹൈസ്‌കൂള്‍ - ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി - കോളേജ് തല വിദ്യാര്‍ത്ഥികള്‍ക്കായി പരിസ്ഥിതി സംരക്ഷണം വിഷയമായി പോസ്റ്റര്‍ രചന, പരിസ്ഥിതി ക്വിസ് മത്സരങ്ങള്‍ സംഘടിപ്പിക്കുന്നു. രണ്ട് മത്സരങ്ങളിലും മൂന്നു വിഭാഗത്തിലെയും വിദ്യാര്‍ത്ഥികള്‍ക്ക് പങ്കെടുക്കാം.

കൂത്തുപറമ്പ് നിയോജക മണ്ഡലത്തിലെ ചെറുപ്പറമ്പ്-പാത്തിക്കല്‍ റോഡ് ടാറിങ്ങ് ്രപവൃത്തി ഉദ്ഘാടനം ഇന്ന് ( നവംബര്‍ 5) ആരോഗ്യ വകുപ്പ് മ്രന്തി കെ കെ ശൈലജ ടീച്ചര്‍ നിര്‍വഹിക്കും. വൈകിട്ട് നാല് മണിക്ക് ജാതിക്കൂട്ടത്ത് നടക്കുന്ന പരിപാടിയില്‍ കുന്നോത്ത്പറമ്പ് ഗ്രാമ പഞ്ചായത്ത് ്രപസിഡണ്ട് കരുവാങ്കണ്ടി ബാലന്‍ അധ്യക്ഷത വഹിക്കും. മുല്ലപ്പള്ളി രാമചന്ദ്രന്‍ എംപി, ജില്ലാ പഞ്ചായത്ത് പ്രസിഡണ്ട് കെ വി സുമേഷ്, കൂത്തുപറമ്പ് ബ്ലോക്ക് പഞ്ചായത്ത് പ്രസിഡണ്ട് എ അശോകന്‍, ഗ്രാമ പഞ്ചായത്ത് പ്രസിഡണ്ടുമാര്‍, മറ്റ് ജന്രപതിനിധികള്‍ തുടങ്ങിയവര്‍ സംസാരിക്കും.

എം.പി ഫണ്ടില്‍ നിന്ന് ഇതിനകം അനുമതി ലഭിച്ച ജില്ലയിലെ സ്‌കൂള്‍ സ്മാര്‍ട്ട് ക്ലാസ് റൂമുകള്‍ ഡിസംബറോടെ സജ്ജീകരിക്കാന്‍ പി.കെ ശ്രീമതി ടീച്ചര്‍ എം.പി കെല്‍ട്രോണിന് നിര്‍ദേശം നല്‍കി. സ്‌കൂളുകള്‍ക്കുള്ള കംപ്യൂട്ടറുകളും എത്രയും വേഗം ലഭ്യമാക്കണം. ഗുണനിലവാരത്തിന്റെ കാര്യത്തില്‍ ജാഗ്രത പുലര്‍ത്തണമെന്നും എം.പി പറഞ്ഞു. കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന എം.പി ഫണ്ട് പദ്ധതി അവലോകനയോഗത്തില്‍ സംസാരിക്കുകയായിരുന്നു അവര്‍. 

തുറമുഖ വകുപ്പിന് കീഴിലുള്ള ഹൈഡ്രോളിക് സര്‍വ്വെ വിഭാഗം ഓഫീസ് അഴീക്കല്‍ മത്സ്യബന്ധന തുറമുഖ പരിസരത്ത് പ്രവര്‍ത്തനം ആരംഭിച്ചു. രഗാമ പഞ്ചായത്ത് പ്രസിഡണ്ട് സി പ്രസന്നയുടെ അധ്യക്ഷതയില്‍ ചേര്‍ന്ന യോഗത്തില്‍ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം നിര്‍വഹിച്ചു. അഴീക്കല്‍ തുറമുഖത്തിന്റെ സമഗ്ര വികസനത്തിന് പ്രത്യേക കമ്പനി രൂപീകരിക്കാന്‍ ഉത്തരവായതായി മന്ത്രി പറഞ്ഞു. തുറമുഖത്തിന്റെ ഭാവി വികസനം ഊര്‍ജിതമായി നടത്തുന്നതിന് ഈ തീരുമാനം സഹായകമാകുമെന്നും അദ്ദേഹം അഭിപ്രായപ്പെട്ടു.

മീസിൽസ് റുബെല്ല കാമ്പയിൻ പ്രവർത്തനങ്ങൾ ജില്ലയിൽ ഊർജിതമായി തുടരുന്നു. ജില്ലയിലെങ്ങും നവംബർ  5  എം ആർ സൺ‌ഡേ ആയി ആചരിക്കുന്നു. ഇതുവരെ എം.ആർ കുത്തിവെപ്പ് എടുക്കുവാൻ സാധിക്കാത്ത 9 മാസത്തിനും 15 വയസ്സിനുമിടയിലുള്ള എല്ലാ കുട്ടികൾക്കും പ്രതിരോധ കുത്തിവെപ്പ് നൽകുവാൻ വേണ്ടിയാണ് എം.ആർ  ഊർജിത കാമ്പയിൻ നടത്തുന്നത്. 

കേരള നിയമസഭയുടെ ആരോഗ്യവും കുടുംബ ക്ഷേമവും സംബന്ധിച്ച സബ്‌ജെറ്റ് കമ്മിറ്റി XII, 2017 നവംബര്‍ 6ാം തിയതി തിങ്കളാഴ്ച്ച രാവിലെ 10.30 മണിക്ക് കോഴിക്കോട് കലക്ട്രേറ്റ് കോണ്‍ഫറന്‍സ് ഹാളിലും 2017 നവംബര്‍ 7ാം തിയതി ചൊവ്വാഴ്ച രാവിലെ 10.30മണിക്ക് എറണാകുളം കലക്ട്രേറ്റ് കോണ്‍ഫറന്‍സ് ഹാളിലും യോഗംചേരുന്നതും സമതിയുടെ പരിഗണനയില്‍ ഇരിക്കുന്ന കേരള ക്ലിനിക്കല്‍ എസ്റ്റാബ്ലിഷ്‌മെന്റ് (രജിസ്‌ട്രേഷനും നിയന്ത്രണവും ) ബില്‍, 2017 നെ സമ്പന്ധിച്ച് വ്യക്തികളില്‍ നിന്നും സംഘടനകളില്‍ നിന്നും ഹര്‍ജികളും നിവേദനങ്ങളും നേരിട്ട് സ്വീകരിക്കുന്നതാണ്.

സെക്രട്ടേറിയറ്റിലെത്തി മുഖ്യമന്ത്രിയെക്കണ്ട് വിവിധ ആവശ്യങ്ങളുന്നയിച്ച കാഴ്ചപരിമിതിയുള്ള കുട്ടികളെത്തേടി 24 മണിക്കുറിനുള്ളില്‍ മുഖ്യമന്ത്രി പിണറായി വിജയന്റെ            സമ്മാനമെത്തി.  നവംബര്‍ രണ്ടിന് വൈകിട്ടാണ് വഴുതക്കാട് സര്‍ക്കാര്‍ അന്ധവിദ്യാലയത്തിലെ ഒന്നുമുതല്‍ 12 വരെ ക്ലാസുകളില്‍ പഠിക്കുന്ന മുപ്പതോളം കുട്ടികള്‍ മുഖ്യമന്ത്രിയെ സന്ദര്‍ശിച്ച് അവരുടെ ആവശ്യങ്ങളുന്നയിച്ചത്. വിശേഷങ്ങള്‍ തിരക്കിയും മധുര പലഹാരങ്ങള്‍ വിതരണം ചെയ്തും കുട്ടികളോടൊപ്പം സ്‌നേഹപൂര്‍വം സമയം ചെലവിട്ട മുഖ്യമന്ത്രി കുട്ടികളുടെ ആവശ്യങ്ങള്‍ പരിഗണിക്കാമെന്ന് വാക്കുനല്‍കുകയും ചെയ്തു.

ഇതുവരെമീസില്‍സ്‌റുബെല്ലകുത്തിവെപ്പ് എടുക്കുവാന്‍ സാധിക്കാത്ത 9 മാസത്തിനും 15 വയസിനുമിടയിലുള്ളഎല്ലാകുട്ടികള്‍ക്കും പ്രതിരോധ കുത്തിവെപ്പ് നല്‍കുവാനായിഇന്ന് (05.11.2017 ഞായര്‍) സൗകര്യം.

കുട്ടികളെഅടുത്തുള്ളസര്‍ക്കാര്‍ആശുപത്രിയിലോതെരഞ്ഞെടുത്ത സ്വകാര്യആശുപത്രികളിലോഎത്തിച്ച് പ്രതിരോധകുത്തിവെപ്പ് നല്‍കേണ്ടതാണ്.എതെങ്കിലുംകാരണത്താല്‍സ്‌കൂളുകളിലുംഅങ്കണവാടികളിലുംവെച്ച് കുത്തിവെപ്പെടുക്കാന്‍ സാധിക്കാത്തവര്‍ക്കും ഈ സൗകര്യം പ്രയോജനപ്പെടുത്താവുന്നതാണ്.
മീസില്‍സ്‌റുബെല്ലഅസുഖങ്ങള്‍ നമ്മുടെ സമൂഹത്തില്‍ നിന്നുംതുടച്ചുനീക്കുവാന്‍ മുഴുവന്‍ കുട്ടികളുംകുത്തിവെയ്പ് എടുക്കണം.

പുഴ സംരക്ഷണത്തിന് കിഫ്ബി ഫണ്ട് കണ്ടെത്തുമെന്ന് വ്യവസായ  വകുപ്പ് മന്ത്രി എ.സി. മൊയ്തീന്‍ പറഞ്ഞു. പൊന്നായി കോള്‍ സംരക്ഷണ സമിതിയുടെ ആഭിമുഖ്യത്തില്‍ കര്‍ഷകസംഗമം പഴഞ്ഞി മഹാന്‍ ഓഡിറ്റോറിയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ജനപ്രതിനിധികളുടേയും ഉദ്യോഗസ്ഥരുടേയും കര്‍ഷകരുടേയും ഒരുമയോടെയുള്ള പ്രവര്‍ത്തനം കൃഷിഭൂമി സംരക്ഷണം മെച്ചപ്പെടുത്തി നെല്ലുല്പാദനം മെച്ചപ്പെടുത്താനും കൂട്ടായശ്രമം വേണമെന്നും മന്ത്രി ഓര്‍മ്മിപ്പിച്ചു. ഉല്പാദനക്ഷതയുള്ള കൃഷിരീതിക്കാവശ്യമായ രൂപരേഖ സമര്‍പ്പിച്ചാല്‍ സര്‍ക്കാര്‍ അതു നടപ്പാക്കാന്‍ പ്രതിജ്ഞാബദ്ധമാണെന്നും മന്ത്രി അറിയിച്ചു.