14 വര്‍ഷമായി പ്രവര്‍ത്തനരഹിതമായി കിടക്കു സ്വര്‍ണ്ണവിലാസം ആപ്‌കോസ് ലിമിറ്റഡ് നമ്പര്‍ ഐ.149 (ഡി)ക്ക് എന്തെങ്കിലും തുകയോ മറ്റ് സ്ഥാവരജംഗമ വസ്തുക്കളോ ആരെങ്കിലും കൊടുക്കുവാനുണ്ടെങ്കിലോ ഈ സ്ഥാപനത്തില്‍ നിും ലഭിക്കുവാനുണ്ടെങ്കിലോ വിവരം രേഖാമൂലം ഈ പരസ്യതീയതിക്ക് 15 ദിവസത്തിനകം  ലിക്വിഡേറ്റര്‍, സ്വര്‍ണ്ണവിലാസം ആപ്‌കോസ് ഐ.149 (ഡി), നരിയമ്പാറ പി.ഒ, ( ഡയറി എക്‌സ്റ്റന്‍ഷന്‍ ഓഫീസര്‍, ക'പ്പന, വാഴവര പി.ഒ പിന്‍ 685515) എ വിലാസത്തില്‍ അറിയിക്കണം. ഇതു സംബന്ധിച്ച് യാതൊരു വിവരവും ലഭിക്കാത്തപക്ഷം ഈ സംഘത്തിന്റെ പ്രവര്‍ത്തനം സമാപ്തീകരിക്കുതിന് തുടര്‍നടപടികള്‍ സ്വീകരിക്കും.

കൊച്ചി: തൃപ്പൂണിത്തുറ സ്റ്റാച്യൂ-കിഴക്കേക്കോട്ട റോഡില്‍ ജല അതോറിറ്റിയുടെ പൈപ്പ് ലൈന്‍ പണി നടക്കുന്നതിനാല്‍ ഏപ്രില്‍ 28, 29 തീയതികളില്‍ ഇതു വഴിയുളള ഗതാഗതം താത്കാലികമായി നിരോധിച്ചിരിക്കുകയാണെന്ന് ട്രാഫിക് പോലീസ് അറിയിച്ചു. സ്റ്റാച്യൂവില്‍ നിന്ന് കിഴക്കേകോട്ടയ്ക്കു പോകേണ്ട സര്‍വ്വീസ് ബസുകള്‍ അടക്കമുളള വലിയ വാഹനങ്ങള്‍ വടക്കേകോട്ട വഴി എസ്.എന്‍.ജംഗ്ഷനില്‍ എത്തി വൈക്കം റോഡിലൂടെ പോകണം. കൂടാതെ കിഴക്കേക്കോട്ട ഭാഗത്തേക്കു പോകേണ്ട ചെറുവാഹനങ്ങള്‍ കണ്ണംകുളങ്ങര ക്ഷേത്രത്തിനു സമീപത്ത് കൂടിയുളള റോഡിലൂടെ പോസ്റ്റ് ഓഫീസ് ജംഗ്ഷനില്‍ എത്തി വൈക്കം റോഡിലൂടെ പോകേണ്ടതാണെന്നും ട്രാഫിക് പോലീസ് അറിയിച്ചു.

കൊച്ചി: എറണാകുളം ജില്ലയിലെ പാചകവാതക വിതരണക്കൂലി പുതുക്കി നിശ്ചയിച്ചു.  പുതുക്കിയ വിതരണക്കൂലി മെയ് ഒന്നുമുതല്‍ പ്രാബല്യത്തില്‍ വരും. അഞ്ചുകിലോമീറ്റര്‍ വരെ വിതരണം സൗജന്യമായിരിക്കും. അഞ്ച് മുതല്‍ പത്തുവരെ കിലോമീറ്ററില്‍  26 രൂപയും 10 മുതല്‍ 15 കിലോമീറ്റര്‍ വരെ 33 രൂപയും 15 കിലോമീറ്ററിനു മുകളില്‍ 39 രൂപയും വിതരണക്കൂലി നല്കണം. മുമ്പ് ഇത് അഞ്ചുമുതല്‍ 10 കിലോമീറ്റര്‍ വരെ 20, 10 മുതല്‍ 15 കിലോമീറ്റര്‍ വരെ 25, 15 കിലോമീറ്ററിനു മുകളില്‍ 30 രൂപ എന്നിങ്ങനെയായിരുന്നു. 

കൊച്ചി: ഭാരതീയ ചികിത്സാ വകുപ്പ് എറണാകുളം ജില്ലാ മെഡിക്കല്‍ ഓഫീസിനു കീഴിലുളള ആയുര്‍വേദ സ്ഥാപനങ്ങളിലെ മെഡിക്കല്‍ ഓഫീസര്‍ തസ്തികകളില്‍ ഉണ്ടാകുന്ന താത്കാലിക ഒഴിവുകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നതിന് ഏപ്രില്‍ 30-ന് രാവിലെ 11-ന് കൂടിക്കാഴ്ച നടത്തും. യോഗ്യത - ബി.എ.എം.എസ്, റ്റി.സി.എം.സി സ്ഥിരം രജിസ്‌ട്രേഷന്‍ സര്‍ട്ടിഫിക്കറ്റ്. ഉദ്യോഗാര്‍ഥികള്‍ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്നതിനാവശ്യമായ രേഖകളുടെ അസല്‍പകര്‍പ്പ്, ആധാര്‍കാര്‍ഡ് എന്നിവ സഹിതം എറണാകുളം  തമ്മനത്തുളള ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസില്‍ നേരിട്ട് ഹാജരാകണം.