വിദ്യാഭ്യാസ വകുപ്പില്‍ പാര്‍ട്ട് ടൈം ഹൈസ്കൂള്‍ അസിസ്റ്റന്‍റ് ( സംസ്കൃതം) ഒഴിവിലേയ്ക്ക് ആഗസ്റ്റ് 29ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടവരുടെ അഭിമുഖം ഡിസംബര്‍ 14, 15 തീയതികളില്‍ നടക്കും. ഉദ്യോഗാര്‍ഥികള്‍ക്ക് വിവരം എസ്.എം.എസ്. വഴി നല്‍കിയിട്ടുണ്ട്. പ്രൊഫൈലില്‍ നിന്നും ഡൗണ്‍ലോഡ് ചെയ്ത്  ഒ.റ്റി.വി. സര്‍ട്ടിഫിക്കറ്റും യോഗ്യത സര്‍ട്ടിഫിക്കറ്റുകളും ഹാജരാക്കണമെന്ന് ജില്ലാ പി.എസ്.സി. ഓഫീസര്‍ അറിയിച്ചു. 
 

ഡിസംബര്‍ 20-ന് നടത്താനിരുന്ന പാലക്കാട് റീജിയണല്‍ ട്രാന്‍സ്പോര്‍ട്ട് അതോറിറ്റി യോഗം ഡിസംബര്‍ 28 ന് രാവിലെ 10.30 ന് ജില്ലാ കളക്ടറേറ്റ് സമ്മേളന ഹാളില്‍ നടക്കുമെന്ന് സെക്രട്ടറി അറിയിച്ചു.

കേരള കടാശ്വാസ കമ്മീഷന്റെ ഉത്തരവിന്‍ പ്രകാരം ജില്ലയില്‍ 1,09,375 രൂപയുടെ കടാശ്വാസം അനുവദിച്ചു. മീനച്ചില്‍ പ്രാഥമിക കാര്‍ഷിക വികസന ബാങ്കിന് 9375 രൂപ, അയ്മനം വില്ലേജ് സര്‍വ്വീസ് സഹകരണ ബാങ്ക് 1,00,000 രൂപയുമാണ് അനുവദിച്ചത്. 

ബ്യൂറോ ഓഫ് എമിഗ്രേഷന്‍ വകുപ്പില്‍  എമിഗ്രേഷന്‍ അസിസ്റ്റന്‍റ്, എമിഗ്രേഷന്‍ സപ്പോര്‍ട്ടിങ്ങ് സ്റ്റാഫ് തസ്തികകളിലേക്ക് കോണ്‍ട്രാക്ട് അടിസ്ഥാനത്തില്‍ ജെ.സി.ഓ റാങ്കില്‍ നിന്നും വിരമിച്ച 50 വയസ്സുവരെ പ്രായമുളള വിമുക്ത ഭടന്‍മാരേയും എന്‍.സി.ഓ റാങ്കില്‍ നിന്നും വിരമിച്ച 45 വയസ്സുവരെ പ്രായമുളളവരെയും പരിഗണിക്കുന്നു. വിമുക്ത ഭടന്‍മാര്‍ ഡിസംബര്‍ 13 ന് ജില്ലാ സൈനിക ക്ഷേമ ഓഫീസില്‍ നേരിട്ട് വന്ന് ബയോഡാറ്റ നല്‍കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ - 0491-2501633.

പട്ടികജാതി - വര്‍ഗ്ഗക്കാര്‍/ അംഗപരിമിതര്‍/വികലാംഗര്‍/വനിതകള്‍ എന്നിവര്‍ക്ക്   തൊഴില്‍ സാധ്യതകളും, വിജ്ഞാനവും, മാര്‍ക്കറ്റിങ്ങ് എന്നിവ സംബന്ധിച്ചും വിവിധ ചെറുകിട സംരംഭകര്‍ക്കായി പ്രൊഫഷനല്‍ കാഴ്ചപ്പാട് വളര്‍ത്തുന്നതിനും, വിദേശ രാജ്യങ്ങളിലെ പഠനം-തൊഴില്‍ സാധ്യതകള്‍, ജി.എസ്.ടി അനുബന്ധ തൊഴില്‍ സാധ്യതകള്‍ എന്നിവ സംബന്ധിച്ച് പരിശീലനം നല്‍കും.  ചിറ്റൂര്‍   കരിയര്‍ ഡവലപ്പ്മെന്‍റ് സെന്‍ററില്‍ നടക്കുന്ന സൗജന്യ പരിശീലന പരിപാടിയില്‍ പങ്കെടുക്കാന്‍ താത്പ്പര്യമുളളവര്‍  രജിസ്റ്റര്‍ ചെയ്യണമെന്ന് എംപ്ലോയ്മെന്‍റ് ഓഫീസര്‍ അറിയിച്ചു. ഫോണ്‍ഃ 04923 223297
 

ജില്ലാ ശുചിത്വ മിഷനില്‍ അസിസ്റ്റന്‍റ് ജില്ലാ കോ ഓര്‍ഡിനേറ്റര്‍ ഒഴിവിലേക്ക് സര്‍ക്കാരിന്‍റെ വിവിധ വകുപ്പുകളില്‍ നിന്നും ശുചിത്വ മിഷന്‍ പ്രവര്‍ത്തനങ്ങളില്‍ താല്‍പ്പര്യമുളളവരില്‍ നിന്ന് അപേക്ഷ ക്ഷണിച്ചു. 20,000-45800  മുതല്‍ 35700 - 75600 വരെ ശമ്പള സ്കെയിലുളള ജീവനക്കാരാവണം അപേക്ഷകര്‍.