ബേപ്പൂര്‍ സര്‍ക്കാര്‍ ക്ഷീര പരിശീലന കേന്ദ്രത്തില്‍ ജില്ലയിലെ ക്ഷീരകര്‍ഷകര്‍ക്ക്   ഡിസംബര്‍ 11 മുതല്‍ 16 വരെ പരിശീലനം സംഘടിപ്പിക്കുന്നു.  ഡയറി ഫാം ആസൂത്രണം, ലാഭകരമായ നടത്തിപ്പ്, വൈവിധ്യവല്‍ക്കരണം എന്നീ വിഷയങ്ങളിലാണ് പരിശീലനം. താല്‍പര്യമുളളവര്‍ ഡിസംബര്‍ 11ന് രാവിലെ 10 നകം ഫാട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം പരിശീലന കേന്ദ്രത്തില്‍ എത്തണം. വിവരങ്ങള്‍ക്ക്  0495 2414579 എന്ന ഫോണ്‍ നമ്പരിലോ ബ്ലോക്ക് തലത്തിലുള്ള ക്ഷീര വികസന സര്‍വ്വീസ് യൂണിറ്റുമായോ ബന്ധപ്പെടാവുന്നതാണെന്ന് ക്ഷീരപരിശീലന കേന്ദ്രം പ്രിന്‍സിപ്പാള്‍ അറിയിച്ചു.

ജില്ലാ ആസൂത്രണ സമിതി യോഗം ഡിസംബര്‍ 13ന് രാവിലെ 10ന് ജില്ലാ പഞ്ചായത്ത് സമ്മേളന ഹാളില്‍ ചേരും.

ജില്ലയില്‍ വിദ്യാഭ്യാസ വകുപ്പില്‍ പി.ടി.എച്ച്.എസ്.എ  കാറ്റഗറി 468/13 (സംസ്‌കൃതം) തസ്തികയുടെ കൂടിക്കാഴ്ച ഡിസംബര്‍ 13, 14 തിയ്യതികളിലും പി.ടി.ജെ.എല്‍.ടി (അറബിക്) എന്‍.സി.എ - എസ്.ടി കാറ്റഗറി 407/16,  എച്ച്.എസ്.എ (അറബിക്) എന്‍.സി.എ, ഈഴവ കാറ്റഗറി 513/16, എന്‍.സി.എ വിശ്വകര്‍മ്മ കാറ്റഗറി 518/16 തസ്തികകളുടെ കൂടിക്കാഴ്ച ഡിസംബര്‍ 14നും പി.എസ്.സി ജില്ലാ ഓഫീസില്‍ നടത്തും.  ഉദ്യാഗാര്‍ഥികള്‍ കമ്മീഷന്‍ നിര്‍ദ്ദേശിച്ച അസ്സല്‍ രേഖകള്‍ സഹിതം എത്തണം.

ജില്ലാ പ്ലാനിങ് ഓഫീസിലേക്ക് കാര്‍ വാടക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 13ന് വൈകുന്നേരം മൂന്നിനകം ജില്ലാ പ്ലാനിങ് ഓഫീസര്‍, സിവില്‍ സ്റ്റേഷന്‍, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2734832.

ജില്ലാ കലക്ടറുടെ നേതൃത്വത്തില്‍ നടക്കുന്ന പൊതുജന പരാതി പരിഹാര അദാലത്ത് കൊണ്ടോട്ടി താലൂക്കില്‍ 2018 ജനുവരി 20ന് രാവിലെ ഒമ്പത് മുതല്‍ 12.30 വരെ നടക്കും.  അദാലത്തിലേക്കുള്ള അപേക്ഷകള്‍ ഡിസംബര്‍ 24 മുതല്‍ ജനുവരി നാല് വരെ അക്ഷയ കേന്ദ്രങ്ങള്‍ മുഖേന പൊതുജനങ്ങള്‍ക്ക് നല്‍കാം.
പൊതുജന പരാതി പരിഹാര അദാലത്തുമായി ബന്ധപ്പെട്ട് കൊണ്ടോട്ടി താലൂക്കിലെ സബ് ഓഫീസുകളിലെ ജീവനക്കാര്‍ക്ക് ഡിസംബര്‍ 21ന് രാവിലെ 10ന് കലക്‌ട്രേറ്റ് സമ്മേളന ഹാളില്‍ പരിശീലനം നല്‍കുന്നു.  യൂസര്‍ ഐ.ഡിയും പാസ്‌വേഡും ലഭിക്കാത്ത ജീവനക്കാര്‍ ആവശ്യമായ വിവരങ്ങള്‍ സഹിതം എത്തണം.  

വള്ളിക്കുന്ന് നിയോജക മണ്ഡലം എം.ആര്‍ വാക്‌സിനേഷന്‍ അവലോകന യോഗം കലിക്കറ്റ് യൂണിവേഴ്‌സിറ്റി സെമിനാര്‍ കോപ്ലക്‌സ് ഹാളില്‍ നടന്നു.  എം.എല്‍.എ പി. അബ്ദുല്‍ ഹമീദ് ഉദ്ഘാടനം ചെയ്തു.  മണ്ഡലത്തിലെ മുഴുവന്‍ കുട്ടികള്‍ക്കും കുത്തിവെപ്പ് നടത്തിയെന്ന് ഉറപ്പാക്കുമെന്ന് എം.എല്‍.എ പറഞ്ഞു.  കുത്തിവെപ്പ് എടുത്ത കുട്ടികളുടെ ഉത്തരവാദിത്വം മണ്ഡലം പ്രതിനിധിയെന്ന നിലയില്‍ ഏറ്റെടുക്കുന്നതായും എം.എല്‍.എ പറഞ്ഞു.  
യോഗത്തില്‍ ഡി.എം.ഒ ഡോ. കെ. സക്കീന, ഡെപ്യൂട്ടി കലക്ടര്‍ ജെ.ഒ അരുണ്‍, ഡബ്ല്യു.എച്ച്.ഒ കണ്‍സട്ടന്റ് ഡോ. അബ്ബാസ്, യൂനിസെഫ് പ്രതിനിധി ഡോ. സന്തോഷ് തുടങ്ങിയവര്‍ പങ്കെടുത്തു.