കഴക്കൂട്ടം റൂറല്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-2020 കാലയളവില്‍ വരാന്‍ സാദ്ധ്യതയുള്ള വിവിധ ഒഴിവുകളിലേക്ക് പരിഗണിക്കുന്നതിനുള്ള താല്‍ക്കാലിക സീനിയോറിറ്റി ലിസ്റ്റ് www.employment.kerala.gov.in  ല്‍ പരിശോധിക്കാം.  അക്ഷേപമുള്ളവര്‍ ഡിസംബര്‍ 12 ന് മുന്‍പ് രജിസ്‌ട്രേഷന്‍ കാര്‍ഡുമായി ഓഫീസില്‍ എത്തണം.

പി.എന്‍.എക്‌സ്.5212/17

തിരുവനന്തപുരം ഗവണ്‍മെന്റ് ഹോമിയോപ്പതിക് മെഡിക്കല്‍ കോളേജില്‍ സര്‍ട്ടിഫിക്കറ്റ് കോഴ്‌സ്-ഇന്‍-ഫാര്‍മസി (ഹോമിയോ) യിലേക്ക് അധ്യാപകരെ കരാര്‍ വ്യവസ്ഥയില്‍ നിയമിക്കുന്നു.  അഞ്ച് ഒഴിവുണ്ട്.  ഡിസംബര്‍ 11 ന് രാവിലെ 11 ന് പ്രിന്‍സിപ്പാള്‍ ആന്റ് കണ്‍ട്രോളിംഗ് ഓഫീസറുടെ ചേമ്പറില്‍ അഭിമുഖം നടത്തും.  അംഗീകൃത സര്‍വകലാശാലയുടെ ബി.എച്ച്.എം.എസ് ബിരുദവും, മെഡിക്കല്‍ കൗണ്‍സിലിന്റെ പെര്‍മനന്റ് രജിസ്‌ട്രേഷനും ഉണ്ടായിരിക്കണം.

ഹയര്‍ സെക്കണ്ടറി, നോണ്‍ വൊക്കേഷണല്‍ ഹയര്‍സെക്കണ്ടറി അദ്ധ്യാപക നിയമനത്തിന് കേരള സര്‍ക്കാര്‍ ഏര്‍പ്പെടുത്തിയിട്ടുള്ള സംസ്ഥാനതല യോഗ്യതാ നിര്‍ണ്ണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) 2018 ഫെബ്രുവരി 25ന് നടത്തും.  പ്രോസ്‌പെക്ടസും സിലബസും എല്‍.ബി.എസ് സെന്ററിന്റെ വെബ് സൈറ്റുകളില്‍ ലഭ്യമാണ്.

പൂരിപ്പിച്ച അപേക്ഷകള്‍ 2018 ജനുവരി ഒന്നിന് വൈകുന്നേരം അഞ്ചിന് മുമ്പ് എല്‍.ബി.എസ് സെന്ററില്‍  ലഭിച്ചിരിക്കണം.  ഓണ്‍ലൈന്‍ രജിസ്‌ട്രേഷന്‍ 2017 ഡിസംബര്‍ 30ന് വൈകുന്നേരം അഞ്ചിന് മുമ്പ് പൂര്‍ത്തിയാക്കണം.  കൂടുതല്‍ വിവരങ്ങള്‍ക്ക് www.lbskerala.com, www.lbscentre.org 

2017 ഒക്ടോബറില്‍ നടത്തിയ രണ്ടാം വര്‍ഷ ഹയര്‍സെക്കന്ററി തുല്യതാ പരീക്ഷാഫലം ഡിസംബര്‍ ഏഴിന് ഉച്ചയ്ക്ക് രണ്ട് മണിക്ക് പ്രസിദ്ധീകരിക്കും.  www.results.kerala.nic.in, www.dhsekerala.gov.in എന്നീ വെബ്‌സൈറ്റുകളില്‍ പരീക്ഷാഫലം ലഭിക്കും.  ഉത്തരക്കടലാസുകളുടെ പുനര്‍മൂല്യനിര്‍ണ്ണയം നടത്തുന്നതിനും സൂക്ഷ്മപരിശോധന നടത്തുന്നതിനും, ഫോട്ടോകോപ്പി ലഭിക്കുന്നതിനും നിശ്ചിത ഫോറങ്ങളിലുള്ള അപേക്ഷകള്‍, ഫീസടച്ച് പരീക്ഷയ്ക്ക് രജിസ്റ്റര്‍ ചെയ്ത സ്‌കൂളിലെ പ്രിന്‍സിപ്പാളിന് ഡിസംബര്‍ 25 നകം സമര്‍പ്പിക്കണം.

എറണാകുളം ജില്ലയില്‍ ഫിഷറീസ് വകുപ്പിന്റെ നേതൃത്വത്തില്‍ പ്രവര്‍ത്തിക്കുന്ന വിവിധ കണ്‍ട്രോള്‍ റൂമുകള്‍ക്ക് ഉപരിയായി കൊച്ചി കേന്ദ്രീകരിച്ച് നേവിയുടെ സഹായത്തോടെ നിലവിലുളള രക്ഷാപ്രവര്‍ത്തനങ്ങള്‍ ശക്തിപ്പെടുത്തുന്നതിനും മറ്റ് സംസ്ഥാനങ്ങളില്‍ എത്തിയ മത്സ്യത്തൊഴിലാളികളെയും മത്സ്യബന്ധന ഉപകരണങ്ങളെയും സുരക്ഷിതമായി തിരികെകൊണ്ടുവരുന്നതിനുളള പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ഒരു പുതിയ കണ്‍ട്രോള്‍ റൂം കൂടി തുറക്കുമെന്ന് ഫിഷറീസ് മന്ത്രി ജെ. മെഴ്‌സിക്കുട്ടി അമ്മ അറിയിച്ചു.

കൊച്ചി: ശുചിത്വമിഷന്റെ നേതൃത്വത്തില്‍ ചെല്ലാനം മേഖലയില്‍ 9 ടാങ്കറുകളാണ് ഇന്ന് (ഡിസംബര്‍ 5) സെപ്റ്റിക് ടാങ്ക് ക്ലീനിംഗ് പൂര്‍ത്തിയാക്കിയത്. 60 ഓളം വീടുകളില്‍ ശുചീകരണ പ്രവര്‍ത്തനം നടത്തി. നാളെ (ഡിസംബര്‍ 6) വൈപ്പിന്‍, ചെല്ലാനം മേഖലകളില്‍ 12 ടാങ്കറുകള്‍ മാലിന്യം നീക്കം ചെയ്യും. വിവിധ വാര്‍ഡുകളിലായി 300 വീടുകളില്‍ ശുചിത്വ മിഷന്‍ ടീം സന്ദര്‍ശനം നടത്തി. 20 വീടുകളില്‍ ശുചിമുറികള്‍ അറ്റകുറ്റപ്പണി നടത്തി. 

കൊച്ചി: ഓഖി ചുഴലിക്കാറ്റിനെ തുടര്‍ന്നുണ്ടായ കടല്‍ക്ഷോഭത്തില്‍ വെള്ളക്കെട്ടുണ്ടായ മേഖലകളില്‍ പകര്‍ച്ചവ്യാധികള്‍ പടര്‍ന്നു പിടിക്കുവാനുള്ള സാധ്യത കൂടുതലായതിനാല്‍ പ്രത്യേക ജാഗ്രത പാലിക്കണമെന്ന് ജില്ല കളക്ടര്‍ മുഹമ്മദ് വൈ സഫീറുള്ള അറിയിച്ചു. വെള്ളം കയറി വിവിധ ഇടങ്ങളില്‍ സെപ്റ്റിക്ക് ടാങ്കുകള്‍ തകര്‍ന്നതും, കുടിവെള്ള സംഭരണികള്‍ ഉപയോഗശൂന്യമായതും, കാനകളിലും ഓടകളിലും മാലിന്യങ്ങള്‍  അടിഞ്ഞതും രോഗപകര്‍ച്ചക്ക് ഇടയാക്കാമെന്ന് കളക്ടര്‍ മുന്നറിയിപ്പ് നല്‍കി.

· രക്ഷാപ്രവര്‍ത്തനങ്ങള്‍ ഏകോപിപ്പിക്കാന്‍ പ്രത്യേക റെസ്‌ക്യൂ ടീം

· കടല്‍ക്ഷോഭത്തില്‍ തകര്‍ന്നു പോയ ടോയ്‌ലെറ്റുകളുടെ നിര്‍മ്മാണം ഉടന്‍ പൂര്‍ത്തിയാക്കും

· സെപ്റ്റിക് ടാങ്ക് ക്ലീനിംഗ് അടിയന്തിരമായി പൂര്‍ത്തിയാക്കാന്‍ ആരോഗ്യ-ശുചിത്വ മിഷന്‍ വകുപ്പുകള്‍

· പൊതുസ്ഥലങ്ങളിലും പരിസരങ്ങളിലും ക്ലോറിനേഷന്‍

· കുടുംബങ്ങള്‍ക്ക് 15 കിലോ അരി 

തൊഴില്‍ അവസരങ്ങള്‍