ജില്ലയിലെ ടൂറിസം രംഗത്തെ സംരംഭകര്‍ക്കായി കേന്ദ്രടൂറിസം മന്ത്രാലയ ത്തിന്റെ   സഹകരണത്തോടെ ജില്ലാ ടൂറിസം പ്രമോഷന്‍ കൗണ്‍സില്‍ സ്വച്ഛ ആക്ഷന്‍ സ്‌കീമും ടൂറിസം ബോധവത്കരണ ക്യാമ്പയിനും സംഘടിപ്പിക്കുന്നു..
    ജില്ലയിലെ ഹോട്ടല്‍ റസ്റ്റോറന്റ്, റിസോര്‍ട്ട്  ഹോംസ്റ്റേ, ടൂര്‍  ഓപ്പറേറ്റേഴ്‌സ് , ട്രാവല്‍  ഏജന്‍സീസ് തുടങ്ങിയവയുടെ സംരംഭങ്ങള്‍ക്കായി ശില്‍പശാല ഡിസംബര്‍   15 ന് കണ്ണൂരില്‍ നടക്കും. പങ്കെടുക്കാന്‍ താല്‍പര്യമുളളവര്‍ക്ക് ഡിടിപിസി ഓഫീസുമായിബന്ധപ്പെടാവുന്നതാണ്. ഫോണ്‍. 0497-2706336

ദേശീയഊര്‍ജ്ജസംരക്ഷണദിനാചരണത്തിന്റെ ഭാഗമായി  കളക്ടറേറ്റിലും  വിവിധ സര്‍ക്കാര്‍ ഓഫീസുകളിലും പൊതുമേഖലാസ്ഥാപനങ്ങലും നാളെ (14) രാവിലെ 11 ന്  വിദ്യാഭ്യാസ സ്ഥാപനങ്ങളില്‍ അസംബ്ലിസെഷനിലും ഊര്‍ജസംരക്ഷണ പ്രതിജ്ഞയെടുക്കും.
 

ഡിസംബറിലെ റേഷന്‍ മണ്ണെണ്ണ 20 രൂപക്ക് ലഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.
പി എന്‍ സി/4709/2017 

 ജില്ലയിലെ വിവിധ വകുപ്പുകളില്‍ ജോലി ചെയ്തുവരുന്ന സര്‍ക്കാര്‍ ജീവനക്കാര്‍ക്ക് യൂനികോഡ് ഫോണ്ടില്‍ മലയാളം ടൈപ്പു ചെയ്യാന്‍ 5 ദിവസത്തെ പരിശീലനം നല്‍കുന്നതിന് താല്‍പര്യമുള്ള സര്‍ക്കാര്‍ അംഗീകാരമുള്ള സ്ഥാപനങ്ങളില്‍ നിന്ന് മത്സരാടിസ്ഥാനത്തിലുള്ള ക്വട്ടേഷനുകള്‍ ക്ഷണിച്ചു.  കണ്ണൂര്‍ ജില്ലാ കലക്ടറുടെ പേരിലുള്ളതും മുദ്രവച്ചതുമായ ക്വട്ടേഷനുകള്‍ 20 ന് 4 മണിക്ക് മുമ്പ് കലക്ടറേറ്റിലെ ഹുസൂര്‍ ശിരസ്തദാര്‍ക്ക് ലഭിക്കണം.
പി എന്‍ സി/4708/2017 

 എളേരിത്തട്ട് ഇ കെ നായനാര്‍ മെമ്മോറിയല്‍ ഗവ.കോളേജില്‍ ഡിസംബര്‍ 13ന് നടത്താനിരുന്ന മാത്തമാറ്റിക്‌സ് വിഷയത്തിലുളള ഗസ്റ്റ് അധ്യാപക അഭിമുഖം 2018 ജനുവരി 3 ലേക്ക് മാറ്റിയതായി പ്രിന്‍സിപ്പല്‍ അറിയിച്ചു.  ഫോണ്‍: 0467 2241345.
പി എന്‍ സി/4706/2017 

ബേപ്പൂര്‍, നടുവട്ടം ക്ഷീര പരിശീലന കേന്ദ്രത്തില്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലുള്ള ക്ഷീരകര്‍ഷകര്‍ക്ക് ആറുദിവസത്തെ പരിശീലനം നടത്തുന്നു.  ഡയറി ഫാം ആസൂത്രണം, ലാഭകരമായ നടത്തിപ്പ്, വൈവിധ്യവല്‍ക്കരണം എന്നീ വിഷയങ്ങളില്‍ 18  മുതല്‍ 23 വരെയാണ് പരിശീലനം.  താല്‍പര്യമുളളവര്‍ 18 ന് രാവിലെ 10 മണിക്ക് മുമ്പ് ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില്‍ ഹാജരാകണം. ഫോണ്‍: 0495 2414579. 
പി എന്‍ സി/4705/2017 

തലശ്ശേരി പൈതൃക പദ്ധതിയുടെ ഒന്നാം ഘട്ടം പ്രവൃത്തി ഉദ്ഘാടനം ഡിസംബര്‍ 21ന് വൈകീട്ട് 4 മണിക്ക് തലശ്ശേരി ഓവര്‍ബറീസ് ഫോളിയില്‍ ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ നിര്‍വഹിക്കും. പരിപാടി വിജയിപ്പിക്കുന്നതിന് അഡ്വ.എ.എന്‍.ഷംസീര്‍ എം.എല്‍.എ ചെയര്‍മാന്‍ ആയി 51 അംഗ കമ്മറ്റിക്ക് രൂപം നല്‍കി. ഇതുമായി ബന്ധപ്പെട്ട് തലശ്ശേരി പൈതൃക ഓഫീസില്‍ ചേര്‍ന്ന യോഗം തലശ്ശേരി സബ് കലക്ടര്‍ ചന്ദ്രശേഖറിന്റെ അദ്ധ്യക്ഷതയില്‍  അഡ്വ: എ.എന്‍.ഷംസീര്‍ എം.എല്‍.എ ഉദ്ഘാടനം ചെയ്തു. കെ.കെ.മാരാര്‍, ജിതിഷ് ജോസ്, പി.മുരളീധരന്‍ എന്നിവര്‍ സംസാരിച്ചു.  

കാക്കനാട്: റഷ്യയില്‍ നിന്നെത്തുന്ന 50 പേരുടെ യുവപ്രതിനിധി സംഘത്തിന് യുവജനക്ഷേമ ബോര്‍ഡിന്റെ നേതൃത്വത്തില്‍ സ്വീകരണം നല്‍കും. ഇന്ന് (ഡിസംബര്‍ 13) രാത്രി 9.30 നാണ് സംഘം നെടുമ്പാശേരി വിമാനത്താവളത്തിലെത്തുന്നത്. സാംസ്‌കാരിക വിനിമയ പരിപാടിയുെട ഭാഗമായാണ് സംഘമെത്തുന്നത്. നാളെ (ഡിസംബര്‍ 14) കേരള ഫിഷറീസ് സര്‍വകലാശാലയില്‍ നടക്കുന്ന യൂത്ത് ഫോറത്തില്‍ സംഘം പങ്കെടുക്കും. തുടര്‍ന്ന് വൈകിട്ട് ഫോര്‍ട്ട്‌കൊച്ചിയില്‍ നടക്കുന്ന സാംസ്‌കാരിക പരിപാടിയില്‍ പങ്കെടുക്കും. 15 ന് കണ്ണന്‍കുളങ്ങര ഗവ. ആയുര്‍വേദ കോളേജിലെത്തുന്ന സംഘം എന്‍എസ്എസ് വൊളന്റിയേഴ്‌സുമായി ആശയവിനിമയം നടത്തും.

കാക്കനാട്: ആഗോള കേരളീയ മാധ്യമ സംഗമം 2018 ജനുവരി 5-ന് കൊല്ലത്ത് നടക്കും. ലോകത്തിന്റെ വിവിധ ഭാഗങ്ങളില്‍നിന്നായി എത്തുന്ന കേരളീയ മാധ്യമ പ്രവര്‍ത്തകര്‍ സംഗമിക്കുന്ന സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  

കാക്കനാട്: കളമശേരി മെഡിക്കല്‍ കോളേജിലേക്ക് മെഡിക്കല്‍ ബുക്കുകളും ജേണലുകളും വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ഡിസംബര്‍ 22 ഉച്ചകഴിഞ്ഞ് 2.30 വരെ ടെന്‍ഡറുകള്‍ സ്വീകരിക്കും. അന്നേ ദിവസം മൂന്നിന് ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ ഡിസംബര്‍ 20 വരെ മെഡിക്കല്‍ കോളേജ് പ്രിന്‍സിപ്പലിന്റെ ഓഫീസില്‍ ലഭിക്കും.