കേരളത്തില്‍ ശിശുമരണ നിരക്ക് പരമാവധി കുറയ്ക്കുവാനാണ് ആരോഗ്യ വകുപ്പ് സ്രമിക്കുന്നതെന്ന് ആരോഗ്യമന്ത്രി കെ.കെ. ശൈലജ ടീച്ചര്‍.  കുട്ടികളെ ബാധിക്കുന്ന വിവിധ ജനിതക രേഗങ്ങളെക്കുറിച്ചുളള ദേശീയ സമ്മേളനം ഉദ്ഘാടനം ചേയ്ത് സംസാരിക്കുകയായിരുന്നു മന്ത്രി.  സംസ്ഥാനത്ത് ശിശുമരണ നിരക്ക് 12 ല്‍ നിന്ന് എട്ടു ശതമാനമായി കുറയ്ക്കാന്‍ കഴിഞ്ഞു.  അട്ടപ്പാടി പോലെയുളള മേഖലകളില്‍ കൂടുതല്‍ ശ്രദ്ധ നല്‍കുമെന്ന് മന്ത്രി പറഞ്ഞു.  

*സംസ്ഥാനത്ത് ഓഖി ദുരിതാശ്വാസ സഹായ നിധി രൂപീകരിക്കും

**തീരദേശ പോലീസ് സേനയില്‍ മത്സ്യത്തൊഴിലാളി മേഖലയില്‍നിന്ന് 200 പേരെ നിയമിക്കും

കേരള തീരത്ത് വീശിയടിച്ച ഓഖി ചുഴലിക്കാറ്റില്‍ മരണമടഞ്ഞവര്‍ക്ക് ആദരാഞ്ജലിയര്‍പ്പിച്ച് ഇരുപത്തിരണ്ടാമത് കേരള അന്താരാഷ്ട്ര ചലച്ചിത്രോത്‌സവത്തിന് തുടക്കമായി. ഔദ്യോഗിക ഉദ്ഘാടന ചടങ്ങ് ഒഴിവാക്കിയ സായാഹ്‌നത്തില്‍ നിശാഗന്ധിയില്‍ തിങ്ങിനിറഞ്ഞ ആയിരങ്ങള്‍ ദീപം തെളിയിച്ചാണ് ആദരാഞ്ജലി അര്‍പ്പിച്ചത്. 

സഹായം 8540 കുടുംബങ്ങള്‍ക്ക്

കാക്കനാട്: ഓഖി ചുഴലിക്കാറ്റിനെ തുടര്‍ന്ന് ദുരന്തബാധിത മേഖലയായി മാറിയ വൈപ്പിന്‍, ചെല്ലാനം മേഖലയിലെ മത്സ്യത്തൊഴിലാളി കുടുംബങ്ങള്‍ക്കുള്ള അടിയന്തിര ധനസഹായമായി ജില്ലയ്ക്ക് (1,70,80,000) ഒരു കോടി എഴുപത് ലക്ഷത്തി എണ്‍പതിനായിരം രൂപ അനുവദിച്ചു. ദുരന്തബാധിതരായ മത്സ്യത്തൊഴിലാളി കുടുംബങ്ങള്‍ക്ക് 2000 രൂപ വീതമാണ് അനുവദിക്കുന്നത്. ഫിഷറീസ് വകുപ്പാണ് അര്‍ഹരായ മത്സ്യത്തൊഴിലാളികളുടെ പട്ടിക തയാറാക്കി തുക വിതരണം ചെയ്യുന്നത്. 8540 കുടുംബങ്ങള്‍ക്കാണ് ജില്ലയില്‍ ധനസഹായം വിതരണം ചെയ്യുന്നത്. തുക ഫിഷറീസ് വകുപ്പിന് കൈമാറിയതായി ദുരന്ത നിവാരണ അതോറിറ്റി അറിയിച്ചു. 

പട്ടികവര്‍ഗ്ഗക്കാര്‍ക്കായി സാംസ്‌ക്കാരിക വിദ്യാഭ്യാസ പരിപാടികള്‍ നടപ്പാക്കുന്ന സ്ഥാപനങ്ങളില്‍ നിന്ന് താല്‍പര്യപത്രം ക്ഷണിച്ചു. വിശദ വിവരങ്ങള്‍ക്ക് പട്ടികവര്‍ഗ്ഗ വികസന വകുപ്പ് ഡയറക്ടറുടെ കാര്യാലയവുമായി ബന്ധപ്പെടണം.

പി.എന്‍.എക്‌സ്.5260/17

സാമൂഹ്യനീതി വകുപ്പിലെ വിവിധ ക്ഷേമ സ്ഥാപനങ്ങളിലെ അന്തേവാസികളുടെ ജീവിത നിലവാരം മെച്ചപ്പെടുത്തുന്നതിനുള്ള പദ്ധതികള്‍ നടപ്പിലാക്കാനായി വകുപ്പിന്റെ അക്രഡിറ്റേഷനുള്ള സന്നദ്ധ സംഘടനകളില്‍ നിന്നും പ്രൊപ്പോസലുകള്‍ ക്ഷണിച്ചു. പ്രപ്പോസലുകള്‍ ഡിസംബര്‍ 27 നകം തിരുവനന്തപുരം വികാസ് ഭവനിലെ സാമൂഹ്യനീതി വകുപ്പ് ഡയറക്ടറേറ്റില്‍ ലഭിക്കണം. ഫോണ്‍ : 0471 - 2306040, ഇ-മെയില്‍ : swdkerala.com

പി.എന്‍.എക്‌സ്.5259/17

കേരള നിയമസഭയുടെ ഹര്‍ജികള്‍ സംബന്ധിച്ച സമിതി, ഡിസംബര്‍ 13ന് രാവിലെ 10.30ന് കോഴിക്കോട് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ തെളിവെടുപ്പ് നടത്തും.

സമിതിയുടെ പരിഗണനയിലുളള കോഴിക്കോട് ജില്ലയിലെ ഹര്‍ജികളിന്മേല്‍ ബന്ധപ്പെട്ട വകുപ്പുകളിലെ ജില്ലാതല ഉദ്യോഗസ്ഥര്‍, ഹര്‍ജിക്കാര്‍ എന്നിവരുമായി ചര്‍ച്ചയും തെളിവെടുപ്പും നടത്തും.  വ്യക്തികളില്‍ നിന്നും സംഘടനകളില്‍ നിന്നും പുതിയ പരാതികള്‍/നിര്‍ദേശങ്ങള്‍ സ്വീകരിക്കും.  താത്പര്യമുളളവര്‍ യോഗത്തിനെത്തി പരാതികളും നിര്‍ദേശങ്ങളും നല്‍കണം.

പി.എന്‍.എക്‌സ്.5258/17

ദേശീയ ഊര്‍ജ്ജ സംരക്ഷണ ദിനം ഡിസംബര്‍ 14ന് ആചരിക്കും. സംസ്ഥാനത്തെ എല്ലാ സര്‍ക്കാര്‍ ഓഫീസുകളിലും സ്ഥാപനങ്ങളിലും 14ന് രാവിലെ 11 മണിക്ക് ഊര്‍ജ സംരക്ഷണ പ്രതിജ്ഞയെടുക്കണമെന്ന് സര്‍ക്കാര്‍ നിര്‍ദേശിച്ചു.  വിദ്യാഭ്യാസ സ്ഥാപനങ്ങളില്‍ അസംബ്ലിയില്‍ പ്രതിജ്ഞയെടുക്കണം.

പി.എന്‍.എക്‌സ്.5257/17

കേരള സര്‍ക്കാരിന്റെ നിയന്ത്രണത്തിലുളള എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തില്‍ എസ്.എസ്.എല്‍.സി പാസായ വിദ്യാര്‍ത്ഥികള്‍ക്ക് ഡേറ്റാ എന്‍ട്രി ആന്റ് ഓഫീസ് ഓട്ടോമേഷന്‍ (ഇംഗ്ലീഷ് ആന്റ് മലയാളം) ഒഴിവുളള സീറ്റുകളിലേക്കും പ്ലസ്ടു കൊമേഴ്‌സ്/ബി.കോം/ജെ.ഡി.സി/എച്ച്.ഡി.സി പാസായ വിദ്യാര്‍ത്ഥികള്‍ക്ക് റ്റാലി കോഴ്‌സുകളിലേക്കും അപേക്ഷിക്കാം. കൂടുതല്‍ വിവരങ്ങള്‍ www.lbscentre.in ലും 0471  2560332, 2560333, 8547141406 എന്നീ നമ്പരുകളിലും ലഭിക്കും.

പി.എന്‍.എക്‌സ്.5256/17