എറിയാട് ഗവ. ഐ.ടി.ഐയില്‍ 2026 അധ്യയന വര്‍ഷത്തെ വിവിധ ട്രേഡുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. രണ്ട് വര്‍ഷത്തെ കാലാവധിയുള്ള ഡ്രാഫ്റ്റ്‌സ്മാന്‍ സിവില്‍, ഒരു വര്‍ഷത്തെ കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് എന്നീ കോഴ്സുകളിലേക്കാണ് പ്രവേശനം. താത്പര്യമുള്ളവര്‍ ജൂണ്‍ 30 ന് വൈകിട്ട് അഞ്ചിനകം https://www.itiadmissions.kerala.gov.in എന്ന വെബ്സൈറ്റ് മുഖേന ഓണ്‍ലൈനായി അപേക്ഷ സമര്‍പ്പിക്കണം. അപേക്ഷാ ഫീസ് 100 രൂപ.

ഇന്‍ഫര്‍മേഷന്‍ പബ്ലിക് റിലോഷന്‍സ് വകുപ്പിനായി വീഡിയോ കവറേജ് നടത്തുന്നതിന് തൃശ്ശൂര്‍ ജില്ലാ ഇന്‍ഫര്‍മേഷന്‍ ഓഫീസിലേക്ക് കരാര്‍ അടിസ്ഥാനത്തില്‍ വീഡിയോ സ്ട്രിംഗര്‍മാരുടെ പുതിയ പാനല്‍ രൂപീകരിക്കുന്നു. യോഗ്യത- പ്രീ ഡിഗ്രി, പ്ലസ് ടു അഭിലഷണീയം. ദൃശ്യമാധ്യമ രംഗത്ത് കുറഞ്ഞത് ഒരു വര്‍ഷത്തെ പ്രവൃത്തിപരിചയം. ന്യൂസ് ക്ലിപ്പുകള്‍ ഷൂട്ട് ചെയ്ത്, എഡിറ്റ് ചെയ്ത് വോയ്സ് ഓവര്‍ നല്‍കി വാര്‍ത്തകളായി അവതരിപ്പിക്കുന്നതില്‍ കുറഞ്ഞത് ഒരു വര്‍ഷത്തെ പ്രവൃത്തിപരിചയം.

ഭക്ഷ്യസുരക്ഷാ ദിനാചരണത്തിന്റെ ഭാഗമായി ഭക്ഷ്യസുരക്ഷാ വകുപ്പിന്റെ നേതൃത്വത്തില്‍ ഇന്ന് (ജൂണ്‍ 11) രാവിലെ 11 മണിക്ക് തൊടുപുഴ വ്യാപാര ഭവനില്‍ പ്രിവന്റിംഗ് ഫുഡ് ബോണ്‍ ഡിസീസ്: റീപ്പര്‍പ്പസ് യൂസ്ഡ് കുക്കിംഗ് ഓയില്‍ എന്ന വിഷയത്തെ അടിസ്ഥാനമാക്കി ജില്ലയിലെ ഭക്ഷ്യ ഉത്പാദന വിതരണ മേഖലയിലുള്ളവര്‍ക്ക് ബോധവത്കരണ ക്ലാസ്, പാനല്‍ ഡിസ്‌കഷന്‍ എന്നിവ സംഘടിപ്പിക്കുന്നു.

മഴക്കാലം സാoക്രമികരോഗങ്ങളുടെയും ജന്തുജന്യരോഗങ്ങളുടെയും കാലമാണ്. വൈറല്‍ പനിയും വ്യാപകമായി ഉണ്ടാകാറുണ്ട്. കാലാവസ്ഥമാറ്റം ഇത്തരം രോഗങ്ങളുടെ തീവ്രത വര്‍ധിപ്പിക്കാന്‍ സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് ആരോഗ്യവകുപ്പ് അധികൃതര്‍ അറിയിച്ചു. പനി രോഗലക്ഷണം ആയതിനാല്‍, യഥാസമയം ചികിത്സ തേടാതിരുന്നാല്‍ ഇത് മരണകാരണമാകാറുണ്ട്.

ജലദോഷം, വിവിധ പനികള്‍ ജലജന്യരോഗങ്ങള്‍ എന്നിവ ഇടുക്കി ജില്ലയില്‍ പലയിടങ്ങളിലും റിപ്പോര്‍ട്ട് ചെയ്യപ്പെടുന്നുണ്ട്. ആരോഗ്യവകുപ്പ് നല്‍കുന്ന നിര്‍ദ്ദേശങ്ങള്‍ കര്‍ശനമായി പാലിക്കണമെന്നും ജില്ലാ അധികൃതര്‍ അറിയിച്ചു

 *എലിപ്പനി*

കേരള സര്‍ക്കാര്‍ സ്ഥാപനമായ കെല്‍ട്രോണിന്റെ കോട്ടയം നോളജ് സെന്ററില്‍  താഴെ പറയുന്ന വിവിധ കോഴ്‌സുകള്‍ക്ക് 10% ഫീസ് ഇളവ് പ്രഖ്യാപിച്ചു. പോസ്റ്റ് ഗ്രാജുവേറ്റ് ഡിപ്ലോമ ഇന്‍ ആര്‍ട്ടിഫിഷ്യല്‍ ഇന്റലിജന്‍സ്; പോസ്റ്റ് ഗ്രാജുവേറ്റ് ഡിപ്ലോമ ഇന്‍ എആര്‍, വിആര്‍ & എംആര്‍; പോസ്റ്റ് ഡിപ്ലോമ ഇന്‍ ആര്‍ട്ടിഫിഷ്യല്‍ ഇന്റലിജന്‍സ്; പോസ്റ്റ് ഡിപ്ലോമ ഇന്‍ എആര്‍, വിആര്‍ & എംആര്‍; ഡിപ്ലോമ ഇന്‍ ആര്‍ട്ടിഫിഷ്യല്‍ ഇന്റലിജന്‍സ്; ഡിപ്ലോമ ഇന്‍ എആര്‍, വിആര്‍ ആന്‍ഡ് എംആര്‍ 2026 ജൂണ്‍ 30 വരെയാണ് ഈ ഫീസ് ഇളവ് ലഭിക്കുക.

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്ലൂം ടെക്നോളജി-കണ്ണൂരിന് കീഴിലുള്ള കോളേജ് ഫോര്‍ കോസ്റ്റ്യൂം ആന്‍ഡ് ഫാഷന്‍ ഡിസൈനിംഗില്‍ അസിസ്റ്റന്റ് പ്രൊഫസര്‍ (ഗസ്റ്റ്)  ഹിന്ദി തസ്തികയിലേക്ക് താല്‍ക്കാലിക നിയമനത്തിനായി ജൂണ്‍ 16 ന് രാവിലെ 11.00 മണിക്ക് തോട്ടടയിലെ ഇന്‍സ്റ്റിറ്റ്യൂട്ട് കാമ്പസ്സില്‍ വാക്-ഇന്‍-ഇന്റര്‍വ്യൂ നടത്തും. ഹിന്ദി വിഷയത്തില്‍ കുറഞ്ഞത് 55% മാര്‍ക്കോടെ ബിരുദാനന്തര ബിരുദം, യു.ജി.സി. നെറ്റ്  യോഗ്യത ഉണ്ടായിരിക്കണം. അധ്യാപന പരിചയമുള്ളവര്‍ക്ക് മുന്‍ഗണന.

അടിമാലി ട്രൈബല്‍ ഡെവലപ്മെന്റ് ഓഫീസിനു കീഴില്‍ മൂന്നാര്‍ ഗ്രാമപഞ്ചായത്തില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളില്‍ 2026-27 അധ്യയന വര്‍ഷം വിദ്യാര്‍ത്ഥികള്‍ക്ക് യോഗ പരിശീലനം നല്‍കുന്നതിനായി താല്‍ക്കാലിക അടിസ്ഥാനത്തില്‍ യോഗാ ഇന്‍സ്ട്രക്ടര്‍ തസ്തികയിലേക്ക് യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. മുന്‍പരിചയമുളളവര്‍ക്കും അടിമാലി ട്രൈബല്‍ ഡെവലപ്മെന്റ് ഓഫീസിന്റെ പ്രവര്‍ത്തനപരിധിയില്‍ സ്ഥിരതാമസമുളള പട്ടിക വര്‍ഗ വിഭാഗത്തില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കും മുന്‍ഗണന നല്‍കും.

ഐ.സി.ഡി.എസ് കട്ടപ്പന പ്രൊജക്ട് പരിധിയിലെ ഉപ്പുതറ, അയ്യപ്പന്‍കോവില്‍, കാഞ്ചിയാര്‍ ഗ്രാമപഞ്ചായത്തുകളിലെയും കട്ടപ്പന മുനിസിപ്പിലിറ്റിയിലെയും ഉള്‍പ്പെടെ ആകെ 145 അങ്കണവാടികളിലെ 911 പ്രീ സ്‌കൂള്‍ കുട്ടികള്‍ക്ക് 2026 ജൂണ്‍ മാസം മുതല്‍ 2027 മാര്‍ച്ച് 31 വരെ ഒരു കുട്ടിക്ക് ഒരു ദിവസം 125 മില്ലീ ലിറ്റര്‍ പാല്‍ എന്ന കണക്കില്‍ തിങ്കള്‍, ബുധന്‍, വെള്ളി ദിവസങ്ങളില്‍ ആഴ്ചയില്‍ 3 ദിവസം മില്‍മ, അംഗീകൃത ക്ഷീര സൊസൈറ്റികള്‍, ക്ഷീര കര്‍ഷകര്‍, കുടുംബശ്രീ സംരംഭകര്‍, മറ്റ് പാല്‍ വിതരണ സംവിധാനങ്ങള്‍ വഴി പാല്‍ വിതരണം ചെയ്യുന്നതിന് താല്‍പര്യമുളള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും ടെന്‍ഡര്‍ ക്ഷണിച്ചു.

സംസ്ഥാന സര്‍ക്കാര്‍ ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ് )ചാത്തന്നൂര്‍ നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് ട്രെയിനിംഗ് കോഴ്സിലേക്ക് അപേക്ഷ ക്ഷണിച്ചു.

കേരള സര്‍ക്കാരിന്റെ ഹിന്ദി അധ്യാപക ട്രെയിനിംഗ് യോഗ്യതയായ രണ്ട് വര്‍ഷത്തെ റഗുലര്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്സ് 2026-2028 ബാച്ചിലെ മെറിറ്റ്/മാനേജ്മെന്റ് സീറ്റിലേക്ക് അപേക്ഷ ക്ഷണിച്ചു. 50 ശതമാനം മാര്‍ക്കോടെ രണ്ടാം ഭാഷ ഹിന്ദിയിലുളള പ്ലസ് ടൂ യോഗ്യതയും, പ്രചാരസഭകളുടെ അംഗീകൃത ഹിന്ദി കോഴ്സുകള്‍, ഡിഗ്രി, എം എ വിജയിച്ചവര്‍ക്ക് അപേക്ഷിക്കാം. 17 നും 35 നും ഇടയ്ക്ക് പ്രായ പരിധി ബാധകമാണ്. പട്ടികജാതി പിന്നാക്ക വിഭാഗത്തിന് പ്രായപരിധിയില്‍ നിയമാനുസൃതമായ ഇളവ് ലഭിക്കും.