ആരോഗ്യ കുടുംബക്ഷേമ വകുപ്പിന്റെ ആഭിമുഖ്യത്തില്‍ ദേശീയ കാന്‍സര്‍ദിനം വിപുലമായ പരിപാടികളോടെ ആചരിക്കുന്നു.  ഇന്ന്(നവംബര്‍ 7) രാവിലെ 10.45 ന് കോളേജ് ഓഫ് കൊമേഴ്‌സില്‍  ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം നിര്‍വഹിക്കും.  ആരോഗ്യ വിദ്യാഭ്യാസ സ്ഥിരം സമിതി ചെയര്‍മാന്‍ കെ പി ജയബാലന്‍ അധ്യക്ഷത വഹിക്കും.

സംസ്ഥാന വനിതാ വികസന കോര്‍പ്പറേഷന്‍ 18 മുതല്‍ 55 വയസ് വരെ പ്രായമുളള വനിതകള്‍ക്ക് സ്വയം തൊഴില്‍ വായ്പ വിതരണം ചെയ്യുന്നു.  വസ്തു/സര്‍ക്കാര്‍ ഉദേ്യാഗസ്ഥ ജാമ്യം വേണം.  ന്യൂനപക്ഷം/മുന്നോക്കം വിഭാഗത്തില്‍പ്പെട്ടവര്‍ക്ക് വാര്‍ഷിക വരുമാന പരിധി ഗ്രാമപ്രദേശത്ത് 81,000 രൂപയും നഗര പ്രദേശത്ത് 1,03,000 രൂപയുമാണ്.  

ഫിഷറീസ് വകുപ്പ് നവംബര്‍ 19, 20, 21 തീയതികളിലായി കോഴിക്കോട്   നടത്തുന്ന മത്സ്യ ഉത്സവത്തോട് അനുബന്ധിച്ച് സംഘടിപ്പിക്കുന്ന മത്സ്യ അദാലത്ത് പരിപാടിയിലേക്ക് ജില്ലയിലെ മത്സ്യത്തൊഴിലാളികളില്‍ നിന്നും അപേക്ഷ ക്ഷണിച്ചു.  

അപേക്ഷകള്‍ നവംബര്‍ 14 വരെ കണ്ണൂര്‍ ഫിഷറീസ് ഡെപ്യൂട്ടി ഡയറക്ടറുടെ ഓഫീസിലും ജില്ലയിലെ മത്സ്യവന്‍ ഓഫീസുകളിലും സമര്‍പ്പിക്കാം.  അപേക്ഷ ഫോമിന്റെ മാതൃക ഈ ഓഫീസുകളില്‍ ലഭിക്കും.   ഫോണ്‍: 0497 2731081 

പി എന്‍ സി/4204/2017 
 

വ്യാജമദ്യത്തിന്റെ ഉല്‍പാദനവും വിതരണവും തടയുന്നതിനായി രൂപം കൊണ്ട ജില്ലാതല ജനകീയ കമ്മിറ്റി യോഗം 9 ന് വൈകിട്ട് 3 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.  

പി എന്‍ സി/4203/2017
 

കണ്ണൂര്‍ ഗവ.ഐ ടി ഐ യില്‍ ആരംഭിക്കുന്ന നോര്‍ക്ക റൂട്ട്‌സ് തൊഴില്‍ വൈദഗ്ധ്യ പരിശീലനത്തിന് ഓട്ടോകാഡ് 2 ഡി 3 ഡി, ടോട്ടല്‍ സ്റ്റേഷന്‍, ടിഗ് & മിഗ് വെല്‍ഡിങ്ങ്, ഇന്‍ഡസ്ട്രിയല്‍ ഇലക്ട്രീഷ്യന്‍, ഓട്ടോമൊബൈല്‍ ടെക്‌നീഷ്യന്‍ കോഴ്‌സുകള്‍ക്ക് സീറ്റ് ഒഴിവുണ്ട്.  

അപേക്ഷാ ഫോറവും വിശദ വിവരങ്ങളും www.norkaroots.net എന്ന വെബ്‌സൈറ്റിലും ഐ ടി ഐ യിലും ലഭിക്കും. പൂരിപ്പിച്ച അപേക്ഷ ഫോറം യോഗ്യതാ സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം 10 ന് മുമ്പ് ഐ  ടി ഐ ഓഫീസില്‍ ലഭിക്കണം.  

ഫോണ്‍: 0497 2835183, 8078484514.

പി എന്‍ സി/4202/2017
 

ജില്ലാ പഞ്ചായത്തിന്റെ വയോജന ക്ഷേമം സംബന്ധിച്ച പ്രൊജക്ട് പ്രകാരം 2017-18 സാമ്പത്തിക വര്‍ഷത്തില്‍ വിവിധ പഞ്ചായത്തുകളിലെ വയോജന കേന്ദ്രങ്ങളില്‍ സാധനസാമഗ്രികള്‍, എല്‍ ഇ ഡി ടി വി എന്നിവ വിതരണം ചെയ്യുന്നതിന് ഇ ടെണ്ടര്‍ ക്ഷണിച്ചു.  

10 നുളളില്‍ ടെണ്ടര്‍ സമര്‍പ്പിക്കണം.  കൂടുതല്‍ വിവരങ്ങള്‍ 0497 2712255 എന്ന നമ്പറിലും www.etenders.kerala.gov.in എന്ന വെബ്‌സൈറ്റിലും ലഭിക്കും.

പി എന്‍ സി/4201/2017
 

ജില്ലാ എംപ്ലോയ്‌മെന്റ് എക്‌സ്‌ചേഞ്ച് തൊഴില്‍രഹിതരായ യുവതീ യുവാക്കളില്‍ നിന്നും  വിവിധ സ്വയം തൊഴില്‍ പദ്ധതികളായ കെസ്‌റു, ജോബ്ക്ലബ്, ശരണ്യ എന്നീ പദ്ധതികളിലേക്ക് അപേക്ഷ ക്ഷണിച്ചു. 

ഡൊമസ്റ്റിക് എഫിഷ്യന്‍സി ലൈറ്റ്‌നിങ്ങ്  പ്രോഗ്രാമിന്റെ ഭാഗമായി അഴീക്കോട് ഇലക്ട്രിക്കല്‍ സെക്ഷന്‍ പരിധിയില്‍ നിന്നും ഇതുവരെ എല്‍ ഇ ഡി ബള്‍ബ് വാങ്ങാത്ത  ഉപഭോക്താക്കള്‍ക്ക് ഇന്ന്(നവംബര്‍ 7) മുതല്‍ 130 രൂപ നിരക്കില്‍ 2 ബള്‍ബ് വിതരണം ചെയ്യുന്നു.   മുമ്പ് വിതരണം ചെയ്ത ബള്‍ബുകളില്‍ ഒരുവര്‍ഷത്തിടയില്‍ കേടുവന്ന ബള്‍ബുകള്‍ ഈ അവസരത്തില്‍ മാറ്റിവാങ്ങാവുന്നതാണെന്ന് അസി.എഞ്ചിനീയര്‍ അറിയിച്ചു.

ദേശീയ സാഹസിക അക്കാദമി കണ്ണൂരിന്റെ ആഭിമുഖ്യത്തില്‍ ഡിസംബര്‍ 9, 10 തീയതികളില്‍ ആറളം വന്യജീവി സങ്കേതത്തില്‍ സൗജന്യമായി സാഹസികയാത്രാ ക്യാമ്പ് സംഘടിപ്പിക്കുന്നു.  18 നും 35 നും ഇടയില്‍ പ്രായമുളള യുവതീയുവാക്കള്‍ക്കാണ് പ്രവേശനം.  

താല്‍പര്യമുളളവര്‍ ബയോഡാറ്റയും വയസുതെളിയിക്കുന്ന ഏതെങ്കിലും രേഖയുടെ സ്വയം സാക്ഷ്യപ്പെടുത്തിയ പകര്‍പ്പും സഹിതം  naasckannur@gmail.com എന്ന മെയിലില്‍ അപേക്ഷിക്കണം.  അവസാന തീയതി: നവംബര്‍ 25.  വിലാസം: സ്‌പെഷ്യല്‍ ഓഫീസര്‍, ദേശീയ സാഹസിക അക്കാദമി, കലക്ടറേറ്റ് ബില്‍ഡിങ്ങ്, കണ്ണൂര്‍-2.  ഫോണ്‍: 9895314639.

പി എന്‍ സി/4198/2017
 

പളളിക്കുന്ന് ഇലക്ട്രിക്കല്‍ സെക്ഷന്‍ പരിധിയിലെ മുളളങ്കണ്ടി, പടന്നപ്പാലം, പാമ്പന്‍കണ്ടി, മുളളങ്കണ്ടിപാലം, ചില്ലിക്കുന്ന്, ചാലാട്, ജയന്തി റോഡ്, കുന്നത്ത്കാവ്, എരഞ്ഞേറ്റുവയല്‍ ഭാഗങ്ങളില്‍ ഇന്ന് (നവംബര്‍ 7) രാവിലെ 9 മുതല്‍ വൈകിട്ട് 2 മണി വരെ വൈദ്യുതി മുടങ്ങും.

പാപ്പിനിശ്ശേരി ഇലക്ട്രിക്കല്‍ സെക്ഷന്‍ പരിധിയിലെ ഇരിണാവ് വേട്ടക്കൊരുമകന്‍, കൂര്‍മ്പക്കാവ്,  ഇരിണാവ് ഡാം, മടക്കര, അയ്യോത്ത് ഭാഗങ്ങളില്‍ ഇന്ന് (നവംബര്‍ 7) രാവിലെ 8.30 മുതല്‍ വൈകിട്ട് 5 മണി വരെ വൈദ്യുതി മുടങ്ങും.