ഇതര സംസ്ഥാന തൊഴിലാളികള്‍ക്കായി സംസ്ഥാന തൊഴില്‍വകുപ്പ് നടപ്പാക്കുന്ന 'ആവാസ്' പദ്ധതിക്ക് സംസ്ഥാനതല തുടക്കമായി. തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ ആയിരക്കണക്കിന് ഇതര സംസ്ഥാന തൊഴിലാളികള്‍ പങ്കെടുത്ത ചടങ്ങിലാണ് ആരോഗ്യ-സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍, വ്യസായമന്ത്രി എ.സി.മൊയ്തീന്‍, തദ്ദേശസ്വയംഭരണമന്ത്രി ഡോ. കെ.ടി. ജലീല്‍, തൊഴിലും നൈപുണ്യവും മന്ത്രി ടി.പി. രാമകൃഷ്ണന്‍ എന്നിവരുടെ സാന്നിധ്യത്തില്‍ ഉദ്ഘാടനം നടന്നത്. മന്ത്രി കെ.കെ. ശൈലജ ടീച്ചര്‍ ആദ്യ ആവാസ് കാര്‍ഡ് നല്‍കി ഉദ്ഘാടനം നിര്‍വഹിച്ചു. 

വിജിലന്‍സിന്റെ എല്ലാ യൂണിറ്റുകളേയും റേഞ്ച് ഓഫീസുകളേയും സ്‌പെഷ്യല്‍ സെല്ലുകളേയും എല്‍.എ., എ.എല്‍.എ ഓഫീസുകളേയും ഡയറക്ടറേറ്റുമായി ബന്ധിപ്പിക്കുന്നതിനായി തയ്യാറാക്കിയ കേരള വിജിലന്‍സിന്റെ നവീകരിച്ച സോഫ്റ്റ് വെയറായ വിജിലന്‍സ് സ്യൂട്ടിന്റെയും വെബ്‌സൈറ്റിന്റെയും ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു.

കേരള സംസ്ഥാന വനിത വികസന കോര്‍പ്പറേഷന്റെ തിരുവനന്തപുരം  മേഖല ഓഫീസിലേക്ക് ലോണ്‍/റിക്കവറി ജോലി ചെയ്യുന്നതിന് (ദിവസ വേതനാടിസ്ഥാനത്തില്‍) ഡിഗ്രി പാസായ 35 വയസിനു താഴെ പ്രായമുള്ള ഉദ്യോഗാര്‍ത്ഥികള്‍ക്കായി നവംബര്‍ 18 ന് തിരുവനന്തപുരം മേഖലാ ഓഫീസില്‍ (ലക്ഷ്മി, ഗണപതി അമ്പലത്തിനു സമീപം, വഴുതക്കാട്) വാക്-ഇന്‍-ഇന്റര്‍വ്യൂ നടത്തും.

താല്പര്യമുള്ള ഉദ്യോഗാര്‍ത്ഥികള്‍ യോഗ്യതയും ജോലി പരിചയവും തെളിയിക്കുന്ന സര്‍ട്ടിഫിക്കറ്റുകളുമായി  രാവിലെ 9.30 ന് എത്തണം.
                                    

പി.എന്‍.എക്‌സ്.4672/17
 

സംസ്ഥാനത്തെ പരമോന്നത സാഹിത്യപുരസ്‌കാരമായ 2017ലെ എഴുത്തച്ഛന്‍ പുരസ്‌കാരത്തിന് പ്രശസ്ത കവിയും വിമര്‍ശകനും വിവര്‍ത്തകനും സാംസ്‌കാരിക പ്രവര്‍ത്തകനുമായ കെ. സച്ചിദാനന്ദന്‍ അര്‍ഹനായി. സാംസ്‌കാരിക മന്ത്രി എ. കെ. ബാലന്‍ വാര്‍ത്താസമ്മേളനത്തിലാണ് പുരസ്‌കാരം പ്രഖ്യാപിച്ചത്. ഈ വര്‍ഷം മുതല്‍ അഞ്ച് ലക്ഷം രൂപയായി പുരസ്‌കാര തുക ഉയര്‍ത്തിയതായി മന്ത്രി പറഞ്ഞു.

    
കേരള സാഹിത്യ അക്കാഡമി പ്രസിഡന്റ് വൈശാഖന്‍ അദ്ധ്യക്ഷനും പ്രൊഫ. എം. കെ. സാനു, ഡോ. എം. ലീലാവതി, സി. രാധാകൃഷ്ണന്‍, സാംസ്‌കാരിക വകുപ്പ് സെക്രട്ടറി റാണി ജോര്‍ജ് എന്നിവര്‍ അംഗങ്ങളുമായ സമിതിയാണ് പുരസ്‌കാരം നിര്‍ണയിച്ചത്. 

മലയാള ഭാഷയെ ഡിജിറ്റല്‍ ശക്തിയായി മാറ്റേണ്ടതുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. മലയാള ദിനാഘോഷത്തിന്റേയും ഭരണഭാഷാ വാരാഘോഷത്തിന്റേയും ഉദ്ഘാടനം ഡര്‍ബാര്‍ ഹാളില്‍ നിര്‍വഹിക്കുകയായിരുന്നു അദ്ദേഹം. വിവിധ വകുപ്പുകളുടെ വെബ്‌സൈറ്റുകള്‍ മലയാളത്തില്‍ ലഭ്യമാകണം. പുരാരേഖാ വകുപ്പിന്റെ കൈവശമുള്ള ഗ്രന്ഥശേഖരം ഡിജിറ്റലൈസ് ചെയ്ത് സൂക്ഷിക്കാനാവണം. കമ്പ്യൂട്ടറില്‍ മലയാള ഭാഷ ഉപയോഗിക്കുന്നതില്‍ ചില പരിമിതികളുണ്ട്. യൂണികോഡില്‍ അലങ്കാര ഫോണ്ടുകള്‍ അധികമില്ലെന്ന പോരായ്മയുണ്ട്. ഇവ പരിഹരിക്കാനാവണമെന്ന് മുഖ്യമന്ത്രി പറഞ്ഞു. 

സംസ്ഥാന ശിശുക്ഷേമ സമിതി കുട്ടികളുടെ സഹായത്തിനായി നടപ്പാക്കുന്ന തണല്‍ പദ്ധതിയുടെ പ്രഖ്യാപനവും ടോള്‍ഫ്രീ നമ്പര്‍ പ്രകാശനവും മുഖ്യമന്ത്രി പിണറായി വിജയന്‍ നിര്‍വഹിച്ചു. കുട്ടികള്‍ക്കെതിരെയുള്ള ശാരീരിക-മാനസിക അതിക്രമങ്ങള്‍, കുട്ടികളെ ലൈംഗികമായി ചൂഷണം ചെയ്യല്‍, കുട്ടികളിലെ മയക്കു മരുന്നിന്റെ ഉപയോഗം, കുട്ടികളിലെ പഠന വൈകല്യം, പഠനം ഉപേക്ഷിക്കാന്‍ ബാലവേല തുടങ്ങി കുട്ടികള്‍ അനുഭവിക്കുന്ന വിവിധ പ്രശ്‌നങ്ങള്‍ പരിഹരിക്കുന്നതിന് പദ്ധതിയുടെ ടോള്‍ ഫ്രീ നമ്പരായ 1517-ല്‍് ബന്ധപ്പെടാം.

നഗരപ്രദേശങ്ങളിലും ഗ്രാമപ്രദേശങ്ങളിലെ മാര്‍ക്കറ്റ് തുടങ്ങിയ പൊതുസ്ഥലങ്ങളിലും ആധുനിക സൗകര്യങ്ങളോടുകൂടിയ പൊതു ശൗചാലയങ്ങള്‍ നിര്‍മ്മിക്കുന്നതിന് ബിവറേജസ് കോര്‍പ്പറേഷന്റെ സി.എസ്.ആര്‍ ഫണ്ടില്‍ നിന്ന് അമ്പത് ലക്ഷം രൂപയുടെ ചെക്ക് എക്‌സൈസ്, തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ മുഖ്യമന്ത്രി പിണറായി വിജയന് കൈമാറി.

വഴുതക്കാട് ഗവണ്‍മെന്റ് അന്ധവിദ്യാലയത്തിലെ കുട്ടികള്‍ക്ക് സ്‌നേഹം പകര്‍ന്ന് മുഖ്യമന്ത്രി പിണറായി വിജയന്‍. വ്യാഴാഴ്ച വൈകിട്ട് 5.30 ഓടെയാണ് മുപ്പതോളം കുട്ടികള്‍ അധ്യാപകരോടൊപ്പം മുഖ്യമന്ത്രിയെ സന്ദര്‍ശിക്കാന്‍ ചേമ്പറില്‍ എത്തിയത്. ഒന്നാംതരം മുതല്‍ പന്ത്രണ്ടാം തരം വരെ പഠിക്കുന്ന കുട്ടികളായിരുന്നു ഇവര്‍. കുട്ടികള്‍ ഉച്ചയ്ക്കും വൈകിട്ടും കഴിച്ച ഭക്ഷണത്തെക്കുറിച്ച് കുശലാന്വേഷണം നടത്തിയ മുഖ്യമന്ത്രി ഓരോരുത്തര്‍ക്കും ലഡു വിതരണം ചെയ്തു. 

കാര്‍ഷിക വികസന കര്‍ഷകക്ഷേമ വകുപ്പ് പച്ചക്കറി ഉത്പാദന കമ്പനികളുടെ രൂപീകരണത്തിനായി മാനേജ്‌മെന്റ് വിദഗ്ധന്റെ തസ്തികയിലേക്ക് കരാര്‍ നിയമനത്തില്‍ അപേക്ഷ ക്ഷണിച്ചു.  യോഗ്യത : ഐ.ആര്‍.എം.എയില്‍ നിന്ന് പി.ജി.ഡി.ആര്‍.എം (എം.ബി.എ), മലയാളം പരിജ്ഞാനം, കര്‍ഷക -ഉത്പാദന സംഘങ്ങളുടെ രൂപീകരണത്തില്‍ പ്രവൃത്തി പരിചയമുളളവര്‍ക്ക് മുന്‍ഗണന.  ശമ്പളം : മാസം 75,000 രൂപ.  ഒരു വര്‍ഷത്തേക്കാണ് നിയമനം.  

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് തയാറാക്കിയ പതിനെട്ട് മന്ത്രിമാരുടെ ഔദ്യോഗിക വെബ്‌സൈറ്റുകളുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. സര്‍ക്കാരിന്റെ പ്രവര്‍ത്തനങ്ങള്‍ ജനങ്ങളുടെ മുമ്പില്‍ അവതരിപ്പിക്കാനും, അഭിപ്രായസ്വരൂപണത്തിനും,  ജനങ്ങളുമായി കൂടുതല്‍ വേഗത്തിലും കാര്യക്ഷമമായും ആശയവിനിമയം നടത്താനുമുതകുന്ന തരത്തില്‍ മന്ത്രിമാരുടെ വെബ്‌സൈറ്റുകള്‍ പ്രയോജനപ്പെടുത്താന്‍ സാധിക്കുമെന്ന് മുഖ്യമന്ത്രി അദ്ദേഹത്തിന്റെ ചേമ്പറില്‍ നടന്ന ചടങ്ങില്‍ പറഞ്ഞു. മന്ത്രിമാരായ ഡോ. തോമസ് ഐസക്, രാമചന്ദ്രന്‍ കടന്നപ്പള്ളി, ഐ.ആന്‍ഡ്.പി.ആര്‍ ഡയറക്ടര്‍ ഡോ. കെ.