*മാലദ്വീപില്‍നിന്നുള്ള നഴ്‌സിംഗ് വിദ്യാര്‍ഥികളുടെ ബിരുദദാനവും

 എന്‍.ഇ.പി വിസാവിതരവണവും നിര്‍വഹിച്ചു

ആരോഗ്യമേഖലയിലെ സാങ്കേതിക മുന്നേറ്റങ്ങള്‍ക്കനുസരിച്ചുള്ള ലോകനിലവാരമുള്ള നൈപുണ്യ പരിശീലനം കാലഘട്ടത്തിന്റെ ആവശ്യമാണെന്ന് തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണന്‍ അഭിപ്രായപ്പെട്ടു. മേനംകുളം കിന്‍ഫ്ര അപ്പാരല്‍ പാര്‍ക്കിലെ നൈസ് അക്കാഡമിയില്‍ മാലദ്വീപില്‍ നിന്നുള്ള നഴ്‌സിംഗ് വിദ്യാര്‍ഥികളുടെ ബിരുദദാനച്ചടങ്ങും ഒമാന്‍ എന്‍.ഇ.പി പരിപാടിയുടെ ഭാഗമായ വിദ്യാര്‍ഥികളുടെ വിസ വിതരണവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ചുഴലിക്കാറ്റിലും പേമാരിയിലും കൃഷിനാശമുണ്ടായ കര്‍ഷകരുടെ കൃത്യമായ നഷ്ടം തിട്ടപ്പെടുത്തി ധനസഹായം ലഭ്യമാക്കാന്‍ കൃഷിവകുപ്പ് മന്ത്രി വി.എസ്. സുനില്‍കുമാര്‍ ഉദ്യോഗസ്ഥര്‍ക്ക് നിര്‍ദേശം നല്‍കി. വിള ഇന്‍ഷ്വര്‍ ചെയ്ത കര്‍ഷകര്‍ക്ക് പദ്ധതി പ്രകാരമുള്ള നഷ്ടപരിഹാരം അടിയന്തിരമായി ലഭ്യമാക്കാനും നിര്‍ദേശിച്ചിട്ടുണ്ട്.

തിരുവനന്തപുരത്ത് പ്രകൃതിക്ഷോഭത്തെ തുടര്‍ന്നുളള അടിയന്തിര സാഹചര്യം നേരിടാന്‍ ജാഗ്രത പാലിക്കണമെന്ന് ജില്ലാതലം മുതല്‍ പ്രാഥമികാരോഗ്യ കേന്ദ്രങ്ങള്‍വരെയുളള ദ്രുതകര്‍മ്മ സേനകള്‍ക്ക് ഡി.എം.ഒ നിര്‍ദേശം നല്‍കി.  ദുരിതാശ്വാസ ക്യാമ്പുകളിലെ താമസക്കാരുടെ ആരോഗ്യ പരിരക്ഷ ഉറപ്പുവരുത്താന്‍ നിര്‍ദേശം നല്‍കി.  പൂന്തുറ, വിഴിഞ്ഞം, വെട്ടൂര്‍, കടയ്ക്കാവൂര്‍ എന്നിവിടങ്ങളിലെ ദുരിതാശ്വാസ ക്യാമ്പുകള്‍ ജില്ലാ ദ്രുതകര്‍മ്മ സേനാംഗങ്ങള്‍ സന്ദര്‍ശിക്കും.  ജില്ലാ മെഡിക്കല്‍ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നിട്ടുണ്ട്.  ഫോണ്‍: 0471 2466828, 9446121586.

പി.എന്‍.എക്‌സ്.5133/17

* ഒരാഴ്ചത്തേയ്ക്ക് കടലില്‍ പോകരുത് - മന്ത്രി ജെ. മെഴ്‌സിക്കുട്ടി അമ്മ

കൊല്ലത്ത് ഉള്‍ക്കടലില്‍ ഒരു പ്രത്യേക സ്ഥലത്ത് 22 മത്‌സ്യബന്ധന ബോട്ടുകള്‍ കേന്ദ്രീകരിച്ചിട്ടുണ്ടെന്ന വിവരത്തെ തുടര്‍ന്ന് നേവിയുടെ കപ്പല്‍ രക്ഷാദൗത്യവുമായി തിരിച്ചിട്ടുണ്ടെന്ന് ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടി അമ്മ അറിയിച്ചു. ഇതുവരെ 218 പേരെ കരയിലെത്തിച്ചിട്ടുണ്ട്. സ്തുത്യര്‍ഹമായ സേവനമാണ് രക്ഷാപ്രവര്‍ത്തകര്‍ നടത്തുന്നതെന്നും മന്ത്രി പറഞ്ഞു. ജനറല്‍ ആശുപത്രിയില്‍ പ്രവേശിപ്പിച്ചിട്ടുള്ള മത്‌സ്യത്തൊഴിലാളികളെ മന്ത്രി സന്ദര്‍ശിച്ചു. 

ഊര്‍ജ്ജിതമായ രക്ഷാപ്രവര്‍ത്തനത്തിന്റെ ഫലമായി കേരളത്തിന്റെ തീരപ്രദേശങ്ങളില്‍ നിന്ന് കടലില്‍ മത്സ്യബന്ധനത്തിന് പോയ 218 മത്സ്യത്തൊഴിലാളികളെ രക്ഷപ്പെടുത്തി കരയില്‍ എത്തിച്ചു. നേവിയുടെയും എയര്‍ഫോഴ്‌സിന്റേയും സഹകരണത്തോടെ സംസ്ഥാന സര്‍ക്കാരിന്റെ വിവിധ ഏജന്‍സികളെയും വകുപ്പുകളേയും ഏകോപിപ്പിച്ചാണ് രക്ഷാപ്രവര്‍ത്തനം നടത്തുന്നത്. 

കാണാതായ 38 ഫിഷിംഗ് ബോട്ടുകള്‍ കണ്ടെത്തിയതായി നേവി അറിയിച്ചു. ഇവര്‍ക്കാവശ്യമായ റസ്‌ക്യൂ കിറ്റുകളും ആഹാരവും നല്‍കിയിട്ടുണ്ട്. മറ്റ് ബോട്ടുകള്‍ കണ്ടെത്തുന്നതിനും കണ്ടെത്തിയതിലെ തൊഴിലാളികളെ കരയില്‍ എത്തിക്കുന്നതിനുമുള്ള ശ്രമം തുടരുകയാണ്. 

ജില്ലാ പഞ്ചായത്തിന്റെ സ്‌നേഹാധാര പദ്ധതിയിലേക്ക് സ്‌പെഷ്യലിസ്റ്റ് മെഡിക്കല്‍ ഓഫീസര്‍, ഫിസിയോ തെറാപ്പിസ്റ്റ് (ഫീമെയില്‍), നഴ്‌സ് (അലോപതി) (ഫീമെയില്‍ നൈറ്റ് ഡ്യൂട്ടി മാത്രം), പഞ്ചകര്‍മ്മ തെറാപ്പിസ്റ്റ് (ഫീമെയില്‍) എന്നീ തസ്തികകളിലേക്ക് താത്കാലിക നിയമനം നടത്തുന്നു.  ഉദ്യോഗാര്‍ത്ഥികള്‍ ഡിസംബര്‍ ഏഴിന് തിരുവനന്തപുരം ഗവണ്‍മെന്റ് ആയുര്‍വേദ കോളേജിന് സമീപമുളള ആരോഗ്യഭവന്‍ ബില്‍ഡിംഗിലെ ജില്ലാ മെഡിക്കല്‍ ഓഫീസര്‍ (ഭാരതീയ ചികിത്സാ വകുപ്പ്) മുമ്പാകെ ആവശ്യമായ അസല്‍ സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവിന് ഹാജരാകണം. ഫോണ്‍: 0471 2320988.

അന്തര്‍ദേശീയ ഭിന്നശേഷി ദിനാചരണത്തോടനുബന്ധിച്ച് നാലാഞ്ചിറ ഭിന്നശേഷിക്കാര്‍ക്കുള്ള ദേശീയ തൊഴില്‍ സേവന കേന്ദ്രത്തില്‍ സ്വയംതൊഴില്‍ ഉപകരണ കിറ്റ് വിതരണവും പുതിയ പരിശീലന ബ്‌ളോക്കിന്റെ ഉദ്ഘാടനവും നിര്‍വഹിച്ചു. 

    ഏറെ ചൂഷണത്തിന് വിധേയരാകുന്ന ട്രാന്‍സ് ജന്‍ഡേഴ്സുകളോടുള്ള സമൂഹത്തിന്‍റെ സമീപനത്തിന് കാലാനുസൃതമായ മാറ്റങ്ങളുണ്ടാകണമെന്ന് കേരള ഹൈക്കോടതി ജഡ്ജ് ജസ്റ്റിസ് ബി.കെമാല്‍ പാഷ പറഞ്ഞു. ജില്ലാ ലീഗല്‍ സര്‍വീസസ് അതോറിറ്റിയുടെ ആഭിമുഖ്യത്തില്‍ ഭിന്നലിംഗക്കാരുടെ പുനരധിവാസത്തിന്‍റെ ഭാഗമായി കുടുംബശ്രീയുടെയും സാമൂഹ്യക്ഷേമ വകുപ്പിന്‍റെയും സഹകരണത്തോടെ നടപ്പാക്കുന്ന  പുനരധിവാസ പദ്ധതിയുടെ ഉദ്ഘാടനം പന്തളം ശിവരഞ്ജിനി ഓഡിറ്റോറിയത്തില്‍ നിര്‍വഹിക്കുകയായിരുന്നു അദ്ദേഹം.

 സംസ്ഥാനത്ത് കഴിഞ്ഞ ദിവസങ്ങളിലുണ്ടായ പ്രകൃതിക്ഷോഭത്തില്‍ ഏഴു പേര്‍ മരിച്ചതായി റവന്യു വകുപ്പ് അറിയിച്ചു. തിരുവനന്തപുരത്ത് അഞ്ചും കൊല്ലത്തും കാസര്‍കോടും ഓരോരുത്തരുമാണ് മരിച്ചത്. സംസ്ഥാനത്താകെ 56 വീടുകള്‍ പൂര്‍ണമായും 799 വീടുകള്‍ ഭാഗികമായും തകര്‍ന്നു. 29 ദുരിതാശ്വാസ ക്യാമ്പുകള്‍ വിവിധയിടങ്ങളിലായി ആരംഭിച്ചിട്ടുണ്ട്. 491 കുടുംബങ്ങളിലെ 2755 പേരെയാണ് ക്യാമ്പുകളില്‍ താമസിപ്പിച്ചിരിക്കുന്നത്. തിരുവനന്തപുരം 18, കൊല്ലം അഞ്ച്, ആലപ്പുഴ രണ്ട്, എറണാകുളം മൂന്ന്, തൃശൂര്‍ ഒന്ന് എന്നിങ്ങനെയാണ് ക്യാമ്പുകള്‍. 
പി.എന്‍.എക്‌സ്.5128/17