പൂജപ്പുര എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വിമന്‍ എഞ്ചിനീയറിംഗ് കോളേജും, ഐലിസും സംയുക്തമായി ദേശീയ ലൈബ്രറി വാരാഘോഷം സംഘടിപ്പിച്ചു. ഐലിസ് പ്രസിഡന്റ് സ്റ്റാന്‍ലി ജയിംസ് അധ്യക്ഷത വഹിച്ച ചടങ്ങ് എല്‍.ബി.എസ് കോളേജ് പ്രിന്‍സിപ്പല്‍-ഇന്‍-ചാര്‍ജ്ജ് ഷിജു പി.പി ഉദ്ഘാടനം ചെയ്തു. സ്റ്റേറ്റ് ലൈബ്രേറിയന്‍ ശോഭന പി.കെ മുഖ്യപ്രഭാഷണം നടത്തി. എല്‍.ബി.എസ് കോളേജ് കമ്പ്യൂട്ടര്‍ വകുപ്പ് മേധാവി മനോജ്കുമാര്‍. ജി, കോളേജ് യൂണിയന്‍ സ്റ്റാഫ് അഡൈ്വസര്‍ ദിലീപ്, വി,കെ., കോളേജ് ലൈബ്രേറിയന്‍ ക്രിസ്തുദാസ് പൂജപ്പുര, കോളേജ് ചെയര്‍പേഴ്‌സണ്‍ മീനു പി.എം, ഐലിസ് സെക്രട്ടറി ഡോ. ആശ എന്നിവര്‍ സംസാരിച്ചു.

ജില്ലാ പദ്ധതി രൂപീകരണ പ്രവൃത്തി വിലയിരുത്തുന്നതിനും പദ്ധതി രൂപീകരണത്തിന് ഏകീകരണ സ്വഭാവം ഉണ്ടാക്കുന്നതിനും മാര്‍ഗ്ഗ നിര്‍ദ്ദേശങ്ങള്‍ നല്‍കുന്നതിനും വിവിധ ഉപസമിതി ചെയര്‍മാന്‍മാര്‍, വൈസ് ചെയര്‍മാന്‍മാര്‍, കണ്‍വീനര്‍മാര്‍ എന്നിവരുടെ യോഗം നവംബര്‍ 18 ഉച്ചക്ക് 2 മണിക്ക് ആസൂത്രണ സമിതി മിനി കോണ്‍ഫറന്‍സ് ഹാളില്‍ ചേരും.
പി എന്‍ സി/4333/2017

നിയമ സേവന സ്ഥാപനങ്ങളെയും അവ നല്‍കുന്ന വിവിധ സേവനങ്ങളെയും പൊതുജനങ്ങളുമായി കൂടുതല്‍ ബന്ധിപ്പിക്കുന്നതിന് ദേശീയ നിയമ സേവന അതോറിറ്റി നടത്തിവരുന്ന ദശദിന പ്രചരണ പരിപാടി ഇന്ന് (18) സമാപിക്കും. തിരുവനന്തപുരം ജില്ലാ ലീഗല്‍ സര്‍വീസസ് അതോറിറ്റി രാവിലെ 7.30 ന് കവടിയാര്‍ പാര്‍ക്കില്‍ നിന്നും കൂട്ടനടത്തം സംഘടിപ്പിക്കും. കളക്ടര്‍ കെ. വാസുകി ഫ്‌ളാഗ് ഓഫ് ചെയ്യും. ജില്ലാ ജഡ്ജി കെ. ഹരിപാല്‍, സിറ്റി പോലീസ് കമ്മീഷണര്‍ പി.

 നവംബര്‍  23  മുതല്‍  26 വരെ കോഴിക്കോട്ട്  നടക്കുന്ന  സംസ്ഥാന  സ്‌ക്കൂള്‍  ശാസ്‌ത്രോത്സവത്തില്‍  കണ്ണൂര്‍  റവന്യൂ ജില്ലയെ  പ്രതിനിധീകരിച്ച്  പങ്കെടുക്കുന്ന  വിദ്യാര്‍ത്ഥികളുടെ  യോഗം  നവംബര്‍ 18 ഉച്ചയ്ക്ക്  ശേഷം  3.30 ന്  ചൊവ്വ  ഹയര്‍ സെക്കന്ററി സ്‌ക്കൂളില്‍  ചേരും.  യോഗത്തില്‍  ഐഡന്റിഫിക്കേഷന്‍  സര്‍ട്ടിഫിക്കറ്റിന്റെ  2 പകര്‍പ്പ്  സഹിതം  ഫോട്ടോ  അറ്റസ്റ്റേഷന്‍  നടത്തി  വിദ്യാര്‍ത്ഥി/ രക്ഷിതാവ് /അദ്ധ്യാപകര്‍  പങ്കെടുക്കണം.  സര്‍ട്ടിഫിക്കറ്റിന്റെ  മാതൃക www.ddekannur.inല്‍  ലഭിക്കും.
പി എന്‍ സി/4333/2017

ജില്ലാ നിയമ സേവന അതോറിട്ടിയും ചൈല്‍ഡ് ലൈനും സംയുക്തമായി ജില്ലയില്‍ നടത്തിയ ബാലാവകാശ-നിയമ ബോധവല്‍ക്കരണ പ്രചാരണ വാഹനം തദ്ദേശസ്വയംഭരണവകുപ്പ് മന്ത്രി കെ.ടി ജലീല്‍ ഫഌഗ് ഓഫ് ചെയ്തു. കളക്ടറേറ്റില്‍ നടന്ന ചടങ്ങില്‍ ഒപ്പുശേഖരണയജ്ഞത്തിന്റെ ഉദ്ഘാടനവും  മന്ത്രി നിര്‍വഹിച്ചു. ജില്ലാ നിയമ സേവന അതോറിട്ടിയും ചൈല്‍ഡ് ലൈനും നിരവധി സേവനങ്ങള്‍ സമൂഹത്തിന് വേണ്ടി ചെയ്യുന്നുണ്ടെങ്കിലും എല്ലാ വിഭാഗം ജനങ്ങളിലേക്കും വിവരം എത്തിയിട്ടില്ലെന്ന് മന്ത്രി കെ.ടി ജലീല്‍ പറഞ്ഞു. ഇതുപോലുള്ള പ്രചാരണ പ്രവര്‍ത്തനങ്ങള്‍ കൂടുതല്‍ ജനങ്ങള്‍ക്ക് നിയമ സേവനങ്ങളെക്കുറിച്ചും മറ്റും അറിവ് പകരുന്നതിന് സഹായകരമാകുമെന്നും മന്ത്രി പറഞ്ഞു.

കണ്ണൂര്‍ ഗവ.എഞ്ചിനീയറിംഗ് കോളേജിലെ ലൈബ്രറിയിലേക്കാവശ്യമായ പുസ്തകങ്ങള്‍ വിതരണം ചെയ്യുന്നതിന് താല്‍പര്യമുളള വിതരണക്കാരില്‍ നിന്നും ക്വട്ടേഷന്‍ ക്ഷണിച്ചു.  28 വരെ ക്വട്ടേഷന്‍ സ്വീകരിക്കും.  
    കോളേജ് ഗ്രൗണ്ടിലെ ഗാലറിയുമായി ബന്ധപ്പെട്ട സിവില്‍ വര്‍ക്ക് ചെയ്യുന്നതിന് ക്വട്ടേഷന്‍ ക്ഷണിച്ചു.  ഡിസംബര്‍ 13 ന്  വൈകിട്ട് 3 മണി വരെ ക്വട്ടേഷന്‍ സ്വീകരിക്കും. ഫോണ്‍:0497 2780226.
പി എന്‍ സി/4333/2017

മൃഗസംരക്ഷണ വകുപ്പിന്റെ സ്റ്റേറ്റ് പ്ലാന്‍ സ്‌കീമുകളുടെ ഭാഗമായി ജില്ലയിലെ തലശ്ശേരി, ഇരിട്ടി മണ്ഡലങ്ങളില്‍ വൈകിട്ട് 6 മണി മുതല്‍ രാവിലെ 6 വരെ(രാത്രികാലങ്ങളില്‍) മൃഗചികിത്സാ സേവനം ലഭ്യമാക്കുന്നതിലേക്കായി താല്‍ക്കാലിക വെറ്ററിനറി ബിരുദധാരികളെ നിയമിക്കുന്നു.  താല്‍പര്യമുളളവര്‍ അസ്സല്‍ ബിരുദ സര്‍ട്ടിഫിക്കറ്റും കെ വി സി രജിസ്‌ട്രേഷന്‍ സര്‍ട്ടിഫിക്കറ്റും പകര്‍പ്പുകളും സഹിതം 23 ന് രാവിലെ 11 മണിക്ക് ജില്ലാ മൃഗസംരക്ഷണ ഓഫീസില്‍ ഹാജരാകണം.  ഫോണ്‍: 0497 2700267.
പി എന്‍ സി/4333/2017

തൃക്കരിപ്പൂര്‍ ഗവ.പോളിടെക്‌നിക്ക് കോളേജില്‍ ഒഴിവുളള അധ്യാപക തസ്തികകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു.  അസി.പ്രൊഫസര്‍-മാത്ത്മാറ്റിക്‌സ് തസ്തികയിലേക്ക് ബന്ധപ്പെട്ട വിഷയത്തില്‍ രണ്ടാം ക്ലാസ് ബിരുദാനന്തര ബിരുദവും യു ജി സി/സെറ്റ് യോഗ്യതയുളളവര്‍ക്കും ബയോമെഡിക്കല്‍ ലക്ചറര്‍ തസ്തികയിലേക്ക് ബയോമെഡിക്കല്‍ വിഭാഗത്തില്‍ ഒന്നാം ക്ലാസ് എഞ്ചിനീയറിംഗ് ബിരുദ യോഗ്യതയുളളവര്‍ക്കും 24 ന് രാവിലെ 10 മണിക്ക് പോളിടെക്‌നിക്കില്‍ നടക്കുന്ന എഴുത്തുപരീക്ഷയിലും കൂടിക്കാഴ്ചയിലും പങ്കെടുക്കാം.

ഇ കെ നായനാര്‍ മെമ്മോറിയല്‍ ഗവ.പോളിടെക്‌നിക് കോളേജില്‍ ആരംഭിക്കുന്ന നോര്‍ക്ക റൂട്ട്‌സ് തൊഴില്‍ വൈദഗ്ധ്യ പരിശീലനത്തിന് അലൂമിനിയം ഫാബ്രിക്കേഷന്‍, കമ്പ്യൂട്ടര്‍ ഹാര്‍ഡ് വെയര്‍ & നെറ്റ്‌വര്‍ക്കിങ്ങ് കോഴ്‌സുകളില്‍ സീറ്റ് ഒഴിവുണ്ട്.  18 നും 45 നും ഇടയില്‍ പ്രായമുളളവര്‍ക്ക് അപേക്ഷിക്കാം.  24 വരെ അപേക്ഷ സ്വീകരിക്കും.  അപേക്ഷാ ഫോറവും വിശദ വിവരങ്ങളും www.norkaroots.net എന്ന വെബ്‌സൈറ്റില്‍ ലഭിക്കും.  ഫോണ്‍: 8547403380, 0467 2211400.
പി എന്‍ സി/4346/2017

 ഇലക്ഷന്‍ കമ്മീഷന്റെ നിര്‍ദ്ദേശാനുസരണം വോട്ടര്‍പട്ടിക ശുദ്ധീകരണ യജ്ഞത്തിന്റെ ഭാഗമായ ജോലികളില്‍ ഏര്‍പ്പെടുന്ന ബൂത്ത് ലെവല്‍ ഓഫീസര്‍മാര്‍ക്ക് നവംബര്‍ 15 മുതല്‍30 വരെയുളള തീയതികള്‍ക്കിടയില്‍ ഏതെങ്കിലും 7 പ്രവൃത്തി ദിവസം ഇലക്ടറല്‍ രജിസ്‌ട്രേഷന്‍ ഓഫീസറുടെ ഡ്യൂട്ടി സര്‍ട്ടിഫിക്കറ്റിന്റെ അടിസ്ഥാനത്തില്‍ ഡ്യൂട്ടി ലീവ് അനുവദിക്കാന്‍ എല്ലാ വകുപ്പ് മേധാവികള്‍ക്കും അനുമതി നല്‍കി സര്‍ക്കാര്‍ ഉത്തരവായി.
പി എന്‍ സി/4346/2017