ലോക ഭക്ഷ്യസുരക്ഷാ ദിനത്തോടനുബന്ധിച്ച് ജില്ലാ ഭക്ഷ്യസുരക്ഷാ വകുപ്പ് വിവിധ പരിപാടികള്‍ സംഘടിപ്പിച്ചു. ജൂണ്‍ 11ന് അരുവിത്തുറ സെന്റ് ജോര്‍ജ്് കോളജില്‍ വെച്ച് വിവിധ കോളേജുകളിലെ വിദ്യാര്‍ഥികള്‍ക്കായി ഭക്ഷ്യസുരക്ഷാ പരിശീലന ക്ലാസും ഭക്ഷ്യസുരക്ഷാ ക്വിസ്സും നടത്തി. ക്വിസ് മത്സരത്തില്‍ അരുവിത്തുറ സെന്റ് ജോര്‍ജ്് കോളജ് ഒന്നാം സ്ഥാനവും ആലുവ സെന്റ് സേവ്യഴ്‌സ് കോളജ് രണ്ടാംസ്ഥാനവും നേടി. ഭക്ഷ്യസംരംഭകര്‍ക്കായി സെമിനാറും നടത്തി. ജൂണ്‍ 12ന് കോട്ടയം കാരിത്താസില്‍ നിന്ന് വിദ്യാര്‍ഥികളും പൊതുജനങ്ങളും ഭക്ഷ്യസുരക്ഷാ വകുപ്പ് ജീവനക്കാരും അണിനിരന്ന വാക്കത്തണ്‍ കോട്ടയം ഡി.വൈ.എസ്.പി കെ.എസ.് അരുണ്‍ ഫ്ലാഗ് ഓഫ് ചെയ്തു.

തിരുവനന്തപുരം നാഷണല്‍ കരിയര്‍ സര്‍വീസ് സെന്റര്‍ ഫോര്‍ എസ്.സി/എസ്.ടി നടത്തുന്ന സൗജന്യ കംപ്യൂട്ടര്‍ പരിശീലനത്തിന് (ഓഫീസ് ഓട്ടോമേഷന്‍, അക്കൗണ്ടിംഗ് ആന്‍ഡ് പബ്ലിഷിംഗ് അസിസ്റ്റന്റ്) അപേക്ഷ ക്ഷണിച്ചു. കെല്‍ട്രോണിന്റെ കോട്ടയം നോളജ് സെന്ററില്‍ ആണ് കോഴ്‌സ് നടത്തുന്നത്. 30 വയസ്സില്‍ താഴെ പ്രായമുള്ള മൂന്നു ലക്ഷത്തില്‍ താഴെ വാര്‍ഷിക വരുമാനമുള്ള പ്ലസ് ടൂ പാസ്സായ എസ്.സി/എസ്.ടി വിഭാഗത്തിലുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ജൂണ്‍ 25 ന് മുന്‍പായി നാഗമ്പടത്തുള്ള കെല്‍ട്രോണ്‍ നോളജ് സെന്ററില്‍ എത്തണം. ഫോണ്‍: 9567788890, 0481 2304031.

വാകത്താനം ഗ്രാമപഞ്ചായത്ത് ഒന്ന്, പത്ത് വാര്‍ഡുകളിലെ ആശ വര്‍ക്കറുടെ ഒഴിവിലേക്ക് അപേക്ഷ ക്ഷണിച്ചു. 25നും 45നും ഇടയില്‍ പ്രായമുള്ള വിവാഹിതരും പത്താം ക്ലാസ് യോഗ്യതയുമുള്ള അതത് വാര്‍ഡിലെ സ്ഥിരതാമസക്കാര്‍ക്ക് അപേക്ഷിക്കാം. ജൂണ്‍ 22നകം വാകത്താനം സി.എച്ച്.സി ഓഫീസില്‍ അപേക്ഷ നല്‍കണം. അഭിമുഖം ജൂണ്‍ 23ന് (ചൊവ്വാഴ്ച) രാവിലെ 11ന്. 

വയോജന സൗഹൃദ സമൂഹം കെട്ടിപ്പടുക്കുക എന്ന ലക്ഷ്യത്തോടെ സാമൂഹ്യനീതി വകുപ്പ് ജൂൺ 15 ന് മുതിർന്ന പൗരന്മാരോടുള്ള അതിക്രമങ്ങൾക്കെതിരെയുള്ള ബോധവത്ക്കരണ ദിനം വിപുലമായി ആചരിക്കും. തിങ്കൾ (15.06.2026) രാവിലെ 10 ന് മലപ്പുറം ഗവ.കോളെജിൽ നടക്കുന്ന ബോധവത്ക്കരണ ദിനാചരണം ജില്ലാ പഞ്ചായത്ത് പ്രസിഡന്റ് പി.എ.ജബ്ബാർ ഹാജി ഉദ്ഘാടനം ചെയ്യും. ജില്ലാ കളക്ടർ ഡോ. വിനയ് ഗോയൽ മുഖ്യാതിഥിയായി പങ്കെടുക്കും. മലപ്പുറം ഗവ.കോളെജ് പ്രിൻസിപ്പൽ ഡോ.സൈനുൽ ആബിദ് കോട്ട അധ്യക്ഷത വഹിക്കും. ജില്ലാ കലക്ടർ ഡോ വിനയ് ഗോയൽ മുഖ്യപ്രഭാഷണം നടത്തും. ജില്ലാ ലീഗൽ സർവീസസ് സെക്രട്ടറി ഷാബിൽ ഇബ്രാഹിം ദിനാചരണ സന്ദേശം നൽകും. തിരൂർ സബ് കലക്ടർ ദിലിപ് കെ.

ഏറ്റുമാനൂര്‍ ഐ.ടി.ഐയില്‍ ടര്‍ണര്‍ ട്രേഡില്‍ ഓപ്പണ്‍,ഈഴവ വിഭാഗങ്ങളില്‍നിന്ന് ഗസ്റ്റ് ഇന്‍സ്ട്രക്ടറെ നിയമിക്കുന്നതിനുള്ള അഭിമുഖം ജൂണ്‍17ന് നടക്കും.  മെക്കാനിക്കല്‍ എന്‍ജിനീയറിംഗില്‍ ബി ടെക്കും ഒരു വര്‍ഷത്തെ പ്രവൃത്തിപരിചയവും അല്ലെങ്കില്‍ ഡിപ്ലോമയും രണ്ടു വര്‍ഷ പ്രവൃത്തിപരിചയവും അല്ലെങ്കില്‍ ടര്‍ണര്‍ ട്രേഡില്‍ എന്‍.ടി.സി യും മൂന്നു വര്‍ഷത്തെ  പ്രവൃത്തി പരിചയവുമാണ് യോഗ്യത.  താല്‍പ്പര്യമുള്ളവര്‍ രാവിലെ 10ന് സര്‍ട്ടിഫിക്കറ്റുകളുമായി ഏറ്റുമാനൂര്‍ ഐ.ടി.ഐയില്‍ എത്തണം.  ഫോണ്‍ : 0481-2535562.

ചങ്ങനാശേരി ഗവണ്മെന്റ് വനിതാ ഐ.ടി.ഐ യില്‍ ഡ്രാഫ്റ്റ്സ്മാന്‍ സിവില്‍(എന്‍.സി.വി.ടി),കംപ്യൂൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് (എസ്.സി.വി.ടി) ട്രേഡുകളില്‍ പ്രവേശനത്തിന് അപേക്ഷ ക്ഷണിച്ചു. https://it admissions.kerala.gov.in എന്ന പോര്‍ട്ടല്‍ മുഖേന 100 രൂപ ഫീസടച്ച് ഓണ്‍ലൈനായിട്ട് അപേക്ഷിക്കണം. കുറഞ്ഞ വിദ്യാഭ്യാസ യോഗ്യത, എസ്.എസ്.എല്‍.സി. അവസാന തീയതി ജൂണ്‍30. ഫോണ്‍: 9446321018, 0481-2400500.

വിവിധ മേഖലകളില്‍ അസാധാരണമായ നേട്ടങ്ങള്‍ കൈവരിച്ച കുട്ടികളെ ആദരിക്കുന്നതിന് കേന്ദ്ര സര്‍ക്കാര്‍ നല്‍കിവരുന്ന പ്രധാനമന്ത്രി രാഷ്ട്രീയ ബാല പുരസ്‌കാരങ്ങള്‍ക്ക് നാമനിര്‍ദ്ദേശം ക്ഷണിച്ചു. ധീരത, സാമൂഹിക സേവനം, പരിസ്ഥിതി, കായികം, കലയും സംസ്‌കാരവും, ശാസ്ത്ര-സാങ്കേതികവിദ്യ എന്നിങ്ങനെ ആറ് വിഭാഗങ്ങളിലായാണ് പുരസ്‌കാരം നല്‍കുന്നത്. ഈ മേഖലകളില്‍ മികവു പുലര്‍ത്തുകയും മികച്ച സംഭാവനകള്‍ നല്‍കുകയും ചെയ്തിട്ടുള്ള കുട്ടികളായിരിക്കണം.  പ്രായം 2026 ജൂലൈ 31ന് 18 വയസ്സില്‍ താഴെ.  രാഷ്ട്രീയ പുരസ്‌കാര്‍ പോര്‍ട്ടല്‍ (https://awards.gov.in) വഴിയാണ് നാമം നിര്‍ദ്ദേശം സമര്‍പ്പിക്കേണ്ടത്. അവസാന തീയതി ജൂലൈ 31.

മുതിര്‍ന്ന പൗരന്മാരോടുള്ള അതിക്രമങ്ങള്‍ക്കെതിരേയുള്ള ബോധവത്കരണ ദിനാചരണം ജില്ലാ സാമൂഹിക നീതി വകുപ്പിന്റെയും എം.ജി. സര്‍വകലാശാലയുടെയും ആഭിമുഖ്യത്തില്‍ ജൂണ്‍ 15ന് നടത്തും.  യൂണിവേഴ്സിറ്റി കാമ്പസിലെ ഡി.എല്‍.എല്‍.ഇ ഹാളില്‍ രാവിലെ 10ന് ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് ഉദ്ഘാടനം ചെയ്യും. എം.ജി. സര്‍വകലാശാല സ്‌കൂള്‍ ഓഫ് ടൂറിസം സ്റ്റഡീസ് ഡയറക്ടര്‍ ഡോ. ടോണി കെ. തോമസ് അധ്യക്ഷത വഹിക്കും.  കോട്ടയം ആര്‍.ഡി.ഒ പി.ഷിബു,ജില്ലാ പഞ്ചായത്ത് അംഗം ജിം അലക്സ്, സംസ്ഥാന വയോജന കൗണ്‍സില്‍ അംഗം തോമസ് പോത്തന്‍, യൂണിവേഴ്സിറ്റി ഓഫ് തേര്‍ഡ് ഏജ് എംജി യൂണിവേഴ്‌സിറ്റി ഘടകം ചീഫ് മെന്റര്‍ പ്രൊഫ.

രക്തദാനമെന്നത് മാനവികതയുടെ അടയളവും മഹത്തായ ജനസേവനവുമാണെന്ന് ജലവിഭവ വകുപ്പ് മന്ത്രി മോന്‍സ് ജോസഫ് പറഞ്ഞു.

ആദിവാസി ഉന്നതികളിലെ ഭക്ഷ്യ വിതരണം വിലയിരുത്താനും ഭക്ഷ്യസുരക്ഷ ഉറപ്പ് വരുത്തുന്നതിനുമായി സംസ്ഥാന ഭക്ഷ്യ കമ്മീഷനംഗം വി. രമേശന്‍ ഊര്‍ങ്ങാട്ടിരി പഞ്ചായത്തിലെ കൊടുമ്പുഴ ആദിവാസി ഉന്നതിയിലെ കല്ലരയും ഉന്നതിയിലെ അങ്കണവാടിയും സന്ദര്‍ശിക്കുകയും ഊര് മൂപ്പന്‍ കേളന്‍ എന്ന ഗോപാലകൃഷ്ണന്‍, ഉന്നതി നിവാസികള്‍ എന്നിവരുമായും സംസാരിക്കുകയും ഉന്നതിയിലെ റേഷന്‍ വിതരണവും അങ്കണവാടി മുഖേനയുള്ള ഭക്ഷ്യ വിതരണവും വിലയിരുത്തുകയും ചെയ്തു. ജില്ലാ സപ്ലൈ ഓഫീസര്‍ എ.എസ്., ബീന, ഊര്‍ങ്ങാട്ടിരി ഗ്രാമ പഞ്ചായത്ത് അംഗം എന്‍.ദിവ്യ, ജൂനിയര്‍ സൂപ്രണ്ട് ഷാജിമോന്‍, റേഷനിങ്് ഇന്‍സ്‌പെക്ടര്‍മാരായ രാജേഷ് അയനിക്കുത്ത്, പി.