സംസ്ഥാനത്തെ ജലസ്രോതസ്സുകള്‍ ശക്തിപ്പെടുത്തുന്നതിന്റെ ഭാഗമായി വലിയ നദികളുടെ സംരക്ഷണം സര്‍ക്കാര്‍ ഏറ്റെടുക്കുമെന്ന് മുഖ്യമന്ത്രി പിണറായി വിജയന്‍. ഹരിത മിഷന്റെ ഭാഗമായി രണ്ടാം ഘട്ടത്തിലാണ് നദീ സംരക്ഷണം ഏറ്റെടുക്കാന്‍ ആലോചിച്ചിരുന്നത്. എന്നാല്‍ ജലസ്രോതസ്സുകള്‍ സംരക്ഷിക്കുന്നതിന് ജനങ്ങള്‍ തന്നെ വലിയതോതില്‍ മുന്നോട്ടിറങ്ങുന്നു. തീര്‍ത്തും ഇല്ലാതായ വരട്ടയാര്‍ സംരക്ഷിക്കുന്നതിന് നാട്ടുകാര്‍ തന്നെ മുന്നോട്ടിറങ്ങി. ചെലവ് വന്ന ഒരു ലക്ഷം രൂപയും നാട്ടുകാര്‍ തന്നെ ശേഖരിച്ച് ചെലവഴിക്കുകയായിരുന്നു. വരട്ടയാര്‍ പൂര്‍ണമായും പുനര്‍ജനിച്ച അവസ്ഥയുണ്ടായി. ഇത്തരം നല്ല ഇടപെടലുകള്‍ പലയിടത്തും കാണാന്‍ കഴിയുന്നു.

സൈപ്രസ് ഹൈകമ്മീഷണര്‍ ദമട്രിയോസ് തിയോഫിലാറ്റോ മുഖ്യമന്ത്രി പിണറായി വിജയനെ സന്ദര്‍ശിച്ച് ചര്‍ച്ച നടത്തി. ഇന്നലെ (19/11/2017) ഉച്ചയ്ക്ക് 12 നാണ് മുഖ്യമന്ത്രിയുടെ ചേമ്പറിലെത്തി ഹൈകമ്മീഷണര്‍ ചര്‍ച്ച നടത്തിയത്. പാരമ്പര്യേതര ഊര്‍ജ്ജം, ആയൂര്‍വേദം, ആരോഗ്യ സംരക്ഷണം, തുറമുഖ പരിപാലനം തുടങ്ങിയ മേഖലകളില്‍ സൈപ്രസും കേരളവുമായുള്ള സഹകരണത്തിന്റെ സാധ്യതകള്‍ പരിശോധിക്കാമെന്ന് ചര്‍ച്ചയില്‍ ഹൈകമ്മീഷണര്‍ ഉറപ്പുനല്‍കി. സൈപ്രസിന്റെ സ്‌നേഹോപഹാരം ഹൈകമ്മീഷണര്‍ മഖ്യമന്ത്രിക്ക് കൈമാറി. കേരളത്തിന്റെ തനത് സുഗന്ധദ്രവ്യങ്ങള്‍ അദ്ദേഹത്തിന് മുഖ്യമന്ത്രി സമ്മാനിച്ചു. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി വി.എസ്.

                കല്‍പ്പറ്റ ഗവ.ഐ.ടി.ഐ-ല്‍ നവംബര്‍ 21ന് നടത്താനിരുന്ന ഹോട്ടല്‍ മെയിന്റനന്‍സ് വിഭാഗത്തിലേക്കുള്ള ഗസ്റ്റ് ഇന്‍സ്ട്രക്ടര്‍ ഇന്റര്‍വ്യൂ മാറ്റിവെച്ചതായി പ്രിന്‍സിപ്പാള്‍ അറിയിച്ചു.

                മുട്ടില്‍ സൗത്ത് വില്ലേജില്‍ റീ.സ. 175/6-ല്‍ പ്പെട്ട വീട്ടിമരകഷ്ണം നവംബര്‍ 20ന് രാവിലെ 11ന് സ്ഥലത്ത് ലേലം ചെയ്യും.ഫോണ്‍. 04936 205070

കോഴിക്കോട്ട് നടക്കുന്ന സംസ്ഥാന ശാസ്‌ത്രോത്സവത്തില്‍ പങ്കെടുക്കാന്‍ യോഗ്യത നേടിയ വിദ്യാര്‍ത്ഥികളുടെ തിരിച്ചറിയല്‍ രേഖയുടെ പകര്‍പ്പ് (2 എണ്ണം) നവംബര്‍ 21 ന് വൈകുന്നേരം 5 നകം വിദ്യാഭ്യാസ ഉപഡയറക്‌ട്രേറ്റില്‍ ഹാജരാക്കണം. ഫോണ്‍. 04936 202593

 രണ്ടാം ലോകമഹായുദ്ധ സേനാനികള്‍ക്കും അവരുടെ വിധവകള്‍ക്കും   നല്‍കിവരുന്ന പ്രതിമാസ സാമ്പത്തിക സഹായത്തിന് അപേക്ഷ സമര്‍പ്പിക്കാത്ത രണ്ടാം ലോക മഹായുദ്ധത്തില്‍ പങ്കെടുത്തവരും അവരുടെ വിധവകളും സാമ്പത്തിക സഹായത്തിനുള്ള അപേക്ഷ ഓഫീസില്‍ സമര്‍പ്പിക്കണമെന്ന്  ജില്ലാ സൈനിക ക്ഷേമ ഓഫിസര്‍ അറിയിച്ചു.ഫോണ്‍. 04936 202668

   നടപ്പ് അധ്യായന വര്‍ഷത്തില്‍ പ്രഫഷനല്‍ കോഴ്‌സുകളില്‍ പഠിക്കുന്ന വിമുക്തഭടന്‍മാരുടെ മക്കള്‍ക്കുളള പ്രധാന മന്ത്രിയുടെ മെറിറ്റ് സകോളര്‍ഷിപ്പിനുളള അപേക്ഷ www.ksb.gov.in എന്ന വെബ് സൈറ്റില്‍ ഓണ്‍ലൈനായി  സമര്‍പ്പിച്ച് പ്രിന്റ് ഔട്ട് നവംമ്പര്‍ 30 നകം ജില്ലാ സൈനികക്ഷേമ ഓഫീസില്‍ സമര്‍പ്പിക്കണം. ഫോണ്‍. 04936 202668