നെഹ്രു യുവ കേന്ദ്രയുടെയും അട്ടച്ചാക്കല്‍ മഹിമ ആര്‍ട്സ് സ്പോര്‍ട്സ് ക്ലബ്ബിന്‍റെയും ആഭിമുഖ്യത്തില്‍ നെഹ്രു യുവകേന്ദ്ര സ്ഥാപക ദിനവും ശിശുദിനാഘോഷവും അട്ടച്ചാക്കല്‍ ഈസ്റ്റ് ജിഡിഎസ് എല്‍പിഎസില്‍ കോന്നി ബ്ലോക്ക് പഞ്ചായത്ത് പ്രസിഡന്‍റ് കോന്നിയൂര്‍ പി. കെ ഉദ്ഘാടനം ചെയ്തു.

സ്കൂള്‍ മാനേജര്‍  കെ. കെ. വിജയന്‍ മുഖ്യപ്രഭാഷണം നടത്തി. പി.വി.യോഹന്നാന്‍,അനില്‍ കുമാര്‍, ബിനു കെ.എസ്, ലാലിക്കുട്ടി ആന്‍റണി തുടങ്ങിവര്‍ സംസാരിച്ചു.                               

(പിഎന്‍പി 3067/17)

ശബരിമല തീര്‍ഥാടകര്‍ക്കും പൊതുജനങ്ങള്‍ക്കും ചപ്പാത്തിയും വെജിറ്റബിള്‍ കറിയും കുറഞ്ഞ വിലയില്‍ ലഭ്യമാക്കാന്‍ പത്തനംതിട്ട ജില്ലാ ജയിലില്‍ ആരംഭിച്ച ശ്രീശബരി ചപ്പാത്തി നിര്‍മാണ വിപണന യൂണിറ്റിന്‍റെ ഉദ്ഘാടനവും ആദ്യ വില്‍പ്പനയും ഇന്ന് (16ന്) രാവിലെ 11.30ന് വീണാജോര്‍ജ് എംഎല്‍എ ജില്ലാ ജയിലില്‍ നിര്‍വഹിക്കും.

സംസ്ഥാന ജയില്‍വകുപ്പ് കുറഞ്ഞ വിലയില്‍ കലര്‍പ്പില്ലാത്ത വൃത്തിയുള്ള ഭക്ഷണം ലഭ്യമാക്കുക എന്ന ലക്ഷ്യത്തോടെ നടപ്പാക്കുന്ന പദ്ധതിയുടെ ഭാ ഗമായാണ് ചപ്പാത്തി നിര്‍മാണ യൂണിറ്റ് ആരംഭിച്ചിട്ടുള്ളത്.                                           

(പിഎന്‍പി 3066/17)

ഡിസംബര്‍ മൂന്നിനുള്ള ഭിന്നശേഷിദിനം വിപുലമായി ആചരിക്കുന്നതിന് അഡീഷണല്‍ ജില്ലാ മജിസ്ട്രേറ്റ് അനു എസ്.നായരുടെ അധ്യക്ഷതയില്‍ കളക്ടറേറ്റില്‍ ചേര്‍ന്ന ആലോചനായോഗത്തില്‍ തീരുമാനമായി. പത്തനംതിട്ട സെന്‍റ് സ്റ്റീഫന്‍സ് ഓഡിറ്റോറിയത്തില്‍ സംഘടിപ്പിക്കുന്ന ദിനാചരണപരിപാടികളില്‍ ജില്ലയിലെ വിവിധ സ്പെഷ്യല്‍ സ്കൂളുകളില്‍ നിന്നുള്ള വിദ്യാര്‍ഥികളുടെ കലാകായിക പരിപാടികള്‍ നടക്കും.

ജില്ലാ പ്രാരംഭ ഇടപെടല്‍ കേന്ദ്രത്തില്‍ ശിശുദിനാഘോഷം നടത്തി. ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ ഉദ്ഘാടനം ചെയ്തു. ആര്‍സിഎച്ച് ഓഫീസര്‍ ഡോ.സന്തോഷ്, ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജര്‍ ഡോ.എബി സുഷന്‍, ഡോ.അഞ്ജു, ആര്‍.ദര്‍ശന തുടങ്ങിയവര്‍ പങ്കെടുത്തു.

ശിശുദിനാഘോഷ പരിപാടിയുടെ ഭാഗമായി പങ്കെടുത്ത ഭിന്നശേഷിക്കാരായ എല്ലാ കുട്ടികള്‍ക്കും ശിശുദിന കിറ്റും മത്സരവിജയികള്‍ക്ക് സമ്മാനങ്ങളും വിതരണം ചെയ്തു.           

(പിഎന്‍പി 3064/17)
 

ജില്ലയിലെ തെരഞ്ഞെടുക്കപ്പെട്ട തുടര്‍വിദ്യാ കേന്ദ്രങ്ങളില്‍ ചലച്ചിത്ര അക്കാദമിയും സാക്ഷരതാ മിഷനും സംയുക്തമായി ചലച്ചിത്ര പ്രദര്‍ശനം നടത്തുന്നു. 23ന് ഉച്ചയ്ക്ക് ശേഷം രണ്ടിന് പന്തളം ബ്ലോക്കിലെ മുട്ടാര്‍ വികസന വിദ്യാകേന്ദ്രത്തിലും വെകിട്ട് നാലിന് ആറډുള പഞ്ചായത്തിലെ എഴിക്കാട് തുടര്‍വിദ്യാകേന്ദ്രത്തിലും 25ന് വൈകിട്ട് ആറിന് മല്ലപ്പള്ളി ബ്ലോക്കിലെ ചന്തോലില്‍ തുടര്‍വിദ്യാ കേന്ദ്രത്തിലുമാണ് പ്രദര്‍ശനം. 

(പിഎന്‍പി 3063/17)
 

പട്ടികജാതി വികസന വകുപ്പിന് വേണ്ടി സി.ഡിറ്റ് നടത്തുന്ന മാറ്റ്ലാബ് പരിശീലനത്തിന് അപേക്ഷ ക്ഷണിച്ചു. 20നും 26നും മധ്യേ പ്രായമുള്ള പട്ടിക ജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. നാല് മാസത്തെ പരിശീലനത്തിന് ഇലക്ട്രോണിക്സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐടി, അപ്ലൈഡ് ഇലക്ട്രോണിക്സ് എന്നിവയില്‍ എന്‍ജിനീയറിംഗ് ബിരുദം/എംസിഎ പാസായവര്‍ക്കും/പ്രസ്തുത കോഴ്സുകള്‍ പൂര്‍ത്തീകരിച്ചവര്‍ക്കും ബിഎസ്.സി കംപ്യൂട്ടര്‍ സയന്‍സ്/ഇലക്ട്രോണിക്സ് പാസായവര്‍ക്കും അപേക്ഷിക്കാം.

കേരള സര്‍ക്കാര്‍ ഉടമസ്ഥതയിലുള്ള സെന്‍റര്‍ ഫോര്‍ അഡ്വാന്‍സ് സ്റ്റഡീസിന്‍റെ കീഴില്‍ സ്കൂള്‍ ഓഫ് അപ്ലൈഡ് ലൈഫ് സയന്‍സില്‍ ഫിഷറീസ് ബയോളജി ആന്‍ഡ് അക്വാകള്‍ച്ചര്‍ വിഷയത്തില്‍ എം.എസ്.സി എം.ഫില്‍ കോഴ്സുകളില്‍ സീറ്റൊഴിവുണ്ട്. സുവോളജിയിലോ അനുബന്ധ വിഷയങ്ങളിലോ നിശ്ചിത യോഗ്യതയുള്ളവര്‍ക്ക് അപേക്ഷിക്കാം.

ഫോണ്‍ 0468 2323957, 9446705344.  

(പിഎന്‍പി 3061/17)

ഈ അധ്യയന വര്‍ഷത്തില്‍ പ്രൊഫഷണല്‍ ഡിഗ്രി കോഴ്സുകളില്‍ പ്രവേശനം ലഭിച്ച് പഠിച്ചുകൊണ്ടിരിക്കുന്ന വിമുക്തഭടډാരുടെ കുട്ടികള്‍ക്കും യുദ്ധസമാന സാഹചര്യങ്ങളില്‍ മരിച്ച ജവാډാരുടെ വിധവകള്‍ക്കും പ്രധാനമന്ത്രിയുടെ സ്കോളര്‍ഷിപ്പിന്  ംംം.സയെ.ഴീ്.ശി എന്ന വെബ്സൈറ്റ് മുഖേന ഈ മാസം 30 വരെ ഓണ്‍ലൈനായി അപേക്ഷിക്കാം.

ഓണ്‍ലൈന്‍ അപേക്ഷയുടെ പകര്‍പ്പും അനുബന്ധ രേഖകളും ഈ മാസം 30ന് മുമ്പ് ജില്ലാ സൈനിക ക്ഷേമ ഓഫീസില്‍ നേരിട്ട് പരിശോധനയ്ക്ക് എത്തിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. കൂടുതല്‍ വിവരങ്ങള്‍ 0468 2222104 എന്ന നമ്പരില്‍ ലഭിക്കും.         

(പിഎന്‍പി 3060/17)

ബാലാവകാശ വാരാചരണത്തിന്‍റെ ഭാഗമായി സാമൂഹ്യനീതി വകുപ്പ് ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തിലുള്ള ബാലാവകാശ സംരക്ഷണ യാത്ര ആരംഭിച്ചു. യാത്രയുടെ ഉദ്ഘാടനം അടൂരില്‍ ചിറ്റയം ഗോപകുമാര്‍ എംഎല്‍എ നിര്‍വഹിച്ചു.

ജില്ലയില്‍ തീര്‍ഥാടന കാലത്ത് ബാലവേല, ബാലഭിക്ഷാടനം, ബാലചൂഷണം എന്നിവ തടയുന്നതിനായി സാമൂഹ്യനീതി വകുപ്പ്- ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തില്‍ ജില്ലാഭരണകൂടത്തിന്‍റെ സഹകരണത്തോടെ നടപ്പിലാക്കുന്ന ഓപ്പറേഷന്‍ ശരണബാല്യം പദ്ധതിയുടെ ഉദ്ഘാടനം  ഇന്ന് (16ന്)  വൈകിട്ട് 4ന്  ആരോഗ്യ- സാമൂഹ്യനീതി വകുപ്പ് മന്ത്രി ശ്രീമതി കെ.കെ. ശൈലജ ടീച്ചര്‍ പമ്പയില്‍ നിര്‍വഹിക്കും. രാജു എബ്രഹാം എംഎല്‍എ  അദ്ധ്യക്ഷത വഹിക്കുന്ന ചടങ്ങില്‍ ജില്ലാ പൊലീസ് മേധാവി ഡോ.സതീഷ് ബിനോ,  എ.ഡി.എം. അനു എസ്. നായര്‍ തുടങ്ങിയവര്‍ പങ്കെടുക്കും.