നാളെ (16ന്) ആരംഭിക്കുന്ന ശബരിമല മണ്ഡല മകരവിളക്ക് തീര്‍ഥാടന കാലത്ത് ജില്ലയിലെത്തുന്ന തീര്‍ഥാടകര്‍ക്ക് ആവശ്യമായ സൗകര്യങ്ങള്‍ ഒരുക്കുന്നതിന് എല്ലാ സര്‍ക്കാര്‍ വകുപ്പുകളും പൂര്‍ണസജ്ജമാണെന്ന് ജില്ലാ കളക്ടര്‍ ആര്‍.ഗിരിജ പറഞ്ഞു. ഈ വര്‍ഷത്തെ തീര്‍ഥാടനവുമായി ബന്ധപ്പെട്ട് ജില്ലയില്‍ വിവിധ സര്‍ക്കാര്‍ വകുപ്പുകള്‍ ഏര്‍പ്പെടുത്തിയിട്ടുള്ള ക്രമീകരണങ്ങള്‍ സംബന്ധിച്ച് കളക്ടറേറ്റ് കോണ്‍ഫറന്‍സ് ഹാളില്‍ നടത്തിയ വാര്‍ത്താ സമ്മേളനത്തില്‍ സംസാരിക്കുകയായിരുന്നു കളക്ടര്‍.  

    ശബരിമല തീര്‍ഥാടനവുമായി ബന്ധപ്പെട്ട് ശബരിമല സന്നിധാനം, പമ്പ, നിലയ്ക്കല്‍, തുലാപ്പള്ളി ഉള്‍പ്പെടെയുള്ള സ്ഥലങ്ങളിലെ വെജിറ്റേറിയന്‍ ഭക്ഷണ സാധനങ്ങളുടെ വില നിശ്ചയിച്ച് ജില്ലാ കളക്ടര്‍ ആര്‍.ഗിരിജ ഉത്തരവായി. ജില്ലാ കളക്ടറുടെ ഒപ്പോടു കൂടിയ വിലവിവര പട്ടിക താലൂക്ക് സപ്ലൈ ഓഫീസില്‍ നിന്നും സീല്‍ പതിച്ച് തീര്‍ഥാടന പാതയിലുള്ള എല്ലാ ഹോട്ടലുകളിലും ഉപഭോക്താക്കള്‍ക്ക് കാണത്തക്കവിധം പ്രദര്‍ശിപ്പിക്കണം. നിശ്ചയിച്ച വിലയില്‍ കൂടുതല്‍ ഈടാക്കുന്ന കടയുടമകള്‍ക്ക് എതിരെ കര്‍ശന നടപടികള്‍ സ്വീകരിക്കുമെന്നും ഉത്തരവില്‍ വ്യക്തമാക്കിയിട്ടുണ്ട്. വിലവിവരം ചുവടെ. 

    ശിശുദിനത്തോടനുബന്ധിച്ച് ഹയര്‍ സെക്കന്‍ഡറി വകുപ്പിന്‍റെ കീഴിലുള്ള അസാപ്പിലെ വിദ്യാര്‍ഥികള്‍ എലിയറയ്ക്കല്‍ സെന്‍റ് മേരീസ് ഇംഗ്ലീഷ് മീഡിയം സ്കൂളില്‍ വിവിധ പരിപാടികള്‍ നടത്തി. പപ്പറ്റ് ഷോ, പേപ്പര്‍ ക്രാഫ്റ്റ്, ഗെയിംസ്, കലാപരിപാടികള്‍ എന്നിവയാണ് നടത്തിയത്. അസാപ്പ് പ്രോഗ്രാം ഓഫീസര്‍ തസ്നി നിസാര്‍, സ്കൂള്‍ പ്രിന്‍സിപ്പല്‍ സൂസി ഉമ്മര്‍, അസാപ്പ് ട്രെയിനര്‍ ഹരികൃഷ്ണന്‍, ശ്രുതി, ശാന്തന്‍, ബി.സബിന്‍ തുടങ്ങിയവര്‍ പങ്കെടുത്തു.                                                    (പിഎന്‍പി 3049/17)