കൊച്ചി: ശാസ്ത്രബോധത്തില്‍ നിന്ന് കേരളസമൂഹം അകന്നു പോകുകയാണെന്ന് കൊച്ചി സര്‍വകലാശാല വൈസ് ചാന്‍സലര്‍ ഡോ. ജെ. ലത അഭിപ്രായപ്പെട്ടു. ശാസ്ത്രത്തെയും സാങ്കേതികവിദ്യയെയും കൂട്ടിയിണക്കി ശാസ്ത്രബോധത്തെ തിരികെ പിടിക്കണം. സാങ്കേതികവിദ്യയുടെ മതിഭ്രമത്തിലമരുന്ന കുട്ടികള്‍ ശാസ്ത്രബോധത്തില്‍ നിന്ന് അകലുകയാണ്. ശാസ്ത്രം സമൂഹത്തിലേക്ക് ഇറങ്ങിച്ചെല്ലണം. അടിസ്ഥാന വിഷയങ്ങളില്‍ ഗവേഷണങ്ങളെ പ്രോത്സാഹിപ്പിക്കുകയും സാമൂഹ്യമാറ്റത്തിനുള്ള ഉപകരണങ്ങളാക്കുകയും വേണം. പരീക്ഷണശാലയില്‍ മാത്രമായി ശാസ്ത്രത്തെ ഒതുക്കരുതെന്നും ജെ. ലത പറഞ്ഞു.

പാലക്കാട് എസ്.എസ്.എ പരിധിയിലുള്ള ഓട്ടിസം സെന്ററുകളില്‍ കരാറടിസ്ഥാനത്തില്‍ റിസോഴ്‌സ് അധ്യാപകരെ നിയമിക്കും.  പ്ലസ് റ്റു, ഒരു വര്‍ഷത്തില്‍ കുറയാത്ത അംഗീകൃത റഗുലര്‍ സ്‌പെഷല്‍ എജുക്കേഷന്‍  ഓട്ടിസം സ്‌പെക്ട്രം ഡിസോഡര്‍ (എ.എസ്.ഡി)ഡിപ്ലൊമ/ഡിഗ്രി (ആര്‍.സി.ഐ. അംഗീകൃതം) , ടി.ടി.സി/ ബി.എഡ് നേടിയവര്‍ക്ക് അപേക്ഷിക്കാം.ടി.ടി.സി/ ബി.എഡ് യോഗ്യതയുള്ളവരുടെ അഭാവത്തില്‍ അംഗീകൃത സ്‌പെഷല്‍

മലമ്പുഴ ജലസേചന പദ്ധതിയിലെ ഇടത്-വലതുകര കനാലുകളിലൂടെ കാര്‍ഷികാവശ്യത്തിനായുള്ള ജലവിതരണം ഇന്ന് (നവംബര്‍15) രാവിലെ മുതല്‍ തുടങ്ങുമെന്ന് ജലസേചന ഡിവിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു. 
 

 ലോക ഭിന്നശേഷി ദിനാചരണ പരിപാടിയില്‍ ഡിസംബര്‍ മൂന്നിന് പങ്കെടുക്കുന്ന അംഗപരിമിതരുള്‍പ്പെട്ട സ്ഥാപനങ്ങള്‍ക്ക് വാഹനസൗകര്യം നല്‍കും. ഇതിനായി  സ്ഥാപനത്തിന്റെ പേരും പങ്കെടുക്കുന്ന ആളുകളുടെ എണ്ണവും സ്ഥാപനത്തില്‍ വാഹനമില്ലെന്ന സാക്ഷ്യപത്രവും സഹിതം നവംബര്‍ 18നകം ജില്ലാ സാമൂഹികനീതി ഓഫീസില്‍ അപേക്ഷ നല്‍കണമെന്ന് ജില്ലാ സാമൂഹികനീതി ഓഫീസര്‍ അറിയിച്ചു. 
 

ദേശീയ ആരോഗ്യ ദൗത്യത്തിന്റെ കീഴില്‍  ജില്ലയിലെ വിവിധ പദ്ധതികളിലെക്ക് താഴെ കൊടുക്കുന്ന തസ്തികകളില്‍ കരാര്‍ അടിസ്ഥാനത്തില്‍   നിയമിക്കുന്നതിന് അപേക്ഷ ക്ഷണിച്ചു.
ക്ലിനിക്കല്‍ സൈക്കോളജിസ്റ്റ്  :  യോഗ്യത : ബി.എസ്.സി ക്ലിനിക്കല്‍ സൈക്കോളജിയും മൂന്ന്  വര്‍ഷത്തില്‍ കുറയാത്ത പ്രവൃത്തിപരിചയം. ആര്‍.സി.ഐ രജിസ്‌ട്രേഷന്‍. പ്രായം:  2017  ഏപ്രില്‍ ഒന്നിന് 40 കവിയരുത്. പ്രതിമാസ ശമ്പളം : 19,240 രുപ.  ഒഴിവ് :   രണ്ട് (മൊബൈല്‍ ഇന്റര്‍ വെന്‍ഷന്‍ യൂനിറ്റ്) , ഒന്ന് (ഡി.ഇ.ഐ.സി)

ജില്ലയില്‍ റവന്യൂ വകുപ്പില്‍ വില്ലേജ് ഫീല്‍ഡ് അസിസ്റ്റന്റ് (കാറ്റഗറി നമ്പര്‍ : 123/2017) തസ്തികയുടെ ഒ. എം. ആര്‍ പരീക്ഷാ കേന്ദ്രമായി തിരഞ്ഞെടുത്ത ഗൂളിക്കടവിനടുത്തുളള  അഗളി-അട്ടപ്പാടി ഗവ.കോളെജ് (സെന്റര്‍ നമ്പര്‍ 1265) പുതിയ കാംപസിലേക്ക് മാറ്റി സ്ഥാപിച്ചതിനാല്‍ ഈ വിലാസത്തില്‍ പ്രവേശന ടിക്കറ്റ് ലഭിച്ച  പി.166441 മുതല്‍ പി.166640 വരെ രജിസ്റ്റര്‍ നമ്പറുളളവര്‍  അട്ടപ്പാടി ,കോട്ടത്തറ രാജീവ് ഗാന്ധി മെമ്മോറിയല്‍ ഗവ.ആര്‍ട്ട്സ് ആന്‍ഡ് സയന്‍സ് കോളെജ് വിലാസത്തിലുളള പരീക്ഷാ കേന്ദ്രത്തില്‍ പരീക്ഷയ്ക്ക് എത്തണമെന്ന് ജില്ലാ പി.എസ്.സി ഓഫീസര്‍ അറിയിച്ചു. 
 

കണ്ടുശീലിച്ചതത്രയും കാടും മലയും പുഴകളും കാട്ടു പൂക്കളും മേഞ്ഞെടുത്ത വീടുകളുമാണ് .അതുകൊണ്ട് തന്നെ അട്ടപ്പാടിയിലെ ആദിവാസി ഊരുകളില്‍ നിന്ന് തെരെഞ്ഞെടുത്ത 60 വിദ്യാര്‍ഥികള്‍ വരഞ്ഞിട്ടതത്രയും  അവ തന്നെയാണ്. ശിശുദിനാഘോഷത്തിന്റെ ഭാഗമായി  ജില്ലാ പബ്ലിക് ലൈബ്രറിയിലെ മറിയുമ്മ സ്മാരക സെമിനാര്‍ ഹാളില്‍ 'തുലാവര്‍ഷപച്ച'യെന്ന പേരില്‍ നടക്കുന്ന ചിത്രങ്ങളുടെ പ്രദര്‍ശനത്തില്‍ ഇത്തരത്തില്‍ 100-ഓളം ചിത്രങ്ങളാണുളളത്.  എം.ബി രാജേഷ് എം.പിയാണ് പ്രദര്‍ശനം ഉദ്ഘാടനം ചെയ്തത്. ഉദ്ഘാടനത്തിന് ശേഷം എം.പി കുട്ടികളുമായി ചിത്രകലയുമായി ബന്ധപ്പെട്ട ചെറു സംഭാഷണം നടത്തി.

സമഗ്ര ജില്ലാ പദ്ധതിയുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്യുന്നതിന് ഇന്ന് (നവബര്‍ 15) രാവിലെ 10.30ന് കലക്ടറേറ്റ് സമ്മേളനഹാളില്‍ യോഗം ചേരും. ഇതിന് മുന്നോടിയായി ജില്ലാ പഞ്ചായത്ത് പ്രസിഡന്റ് കെ.ശാന്തകുമാരിയുടെ അധ്യക്ഷതയില്‍ യോഗം ചേര്‍ന്ന്  പദ്ധതി തയ്യാറാക്കുന്നതിന്റെ പുരോഗതി വിലയിരുത്തി. 

 കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍  അംഗങ്ങളായ തൊഴിലാളികളുടെ മക്കള്‍ക്ക് ലാപ്‌ടോപ് നല്‍കുന്നു.2017-18 ല്‍ ഒന്നാം വര്‍ഷം കേന്ദ്ര/സംസ്ഥാന എന്‍ട്രന്‍സ് കമ്മീഷന്‍ നടത്തുന്ന പ്രവേശന പരീക്ഷകളുടെ അടിസ്ഥാനത്തില്‍ സര്‍ക്കാര്‍- സര്‍ക്കാര്‍ അംഗീകൃത കോളേജുകളില്‍ പ്രവേശനം ലഭിച്ചവര്‍ക്കാണ് ലാപ്‌ടോപ് നല്‍കുക.  

പട്ടാമ്പി കൃഷി വിജ്ഞാനകേന്ദ്രത്തില്‍ ഒരു മാസം പ്രായമുളള കരിങ്കോഴി കുഞ്ഞുങ്ങള്‍ 200 രൂപ നിരക്കില്‍ നവംബര്‍ 20-ന് വില്‍പനയ്ക്ക് ലഭിക്കുമെന്ന് പ്രോഗ്രാം കോഡിനേറ്റര്‍ അറിയിച്ചു. വിതരണത്തിനുളള ടോക്കണ്‍ രാവിലെ എട്ട് മുതല്‍ നല്‍കും.  

വിശദവിവരം. ഫോണ്‍ :  0466-2212279.