കൊച്ചി: എറണാകുളം ഡിറ്റിപിസിയുടെ കീഴിലുള്ള, എറണാകുളം ദര്‍ബാര്‍ ഹാള്‍ ഗ്രൗണ്ടിലെ പ്രവേശന കവാടത്തിനു സമീപം സ്ഥിതി ചെയ്യുന്ന  കഫറ്റേരിയ ഇപ്പോള്‍ എങ്ങിനെയാണോ ആ അവസ്ഥയില്‍' അടുത്ത മൂന്നു വര്‍ഷത്തേക്ക് നിബന്ധനകള്‍ക്ക് വിധേയമായി ലൈസന്‍സ് അടിസ്ഥാനത്തില്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു.  

നവംബര്‍ 21-ന്  ഉച്ചയ്ക്ക്   12 -ന്, എറണാകുളം  ഡിറ്റിപിസി ഓഫീസില്‍ നടത്തുന്ന        ക്വട്ടേഷനോടൊപ്പം പൊതുലേലവും  നടത്തും.    താത്പര്യമുളള വ്യക്തികള്‍ /സ്ഥാപനങ്ങള്‍  എന്നിവരില്‍ നിന്നും സീല്‍ ചെയ്ത ക്വട്ടേഷനുകള്‍ ക്ഷണിച്ചു.  

കൊച്ചി: പട്ടികജാതി വികസന വകുപ്പിനു കീഴില്‍ പ്രവര്‍ത്തിക്കുന്ന മലയാറ്റൂര്‍, ഏഴിക്കര എന്നിവിടങ്ങളിലെ  ആണ്‍കുട്ടികളുടെ ഗവ:പ്രീമെട്രിക് ഹോസ്റ്റലുകളിലും പെരുമ്പാവൂര്‍, പറവൂര്‍, മൂവാറ്റുപുഴ എന്നിവിടങ്ങളിലുളള പെണ്‍കുട്ടികളുടെ ഗവ:പ്രീമെട്രിക് ഹോസ്റ്റലുകളിലും മാനേജര്‍-കം-റസിഡന്റ് ട്യൂട്ടര്‍മാതെ കരാര്‍ അടിസ്ഥാനത്തില്‍ നിയമിക്കുന്നതിന് ബിരുദവും, ബി.എഡും ഉളള പട്ടികജാതിയില്‍പ്പെട്ട ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. പ്രവൃത്തി സമയം വൈകിട്ട് നാലു മുതല്‍ രാവിലെ എട്ടു വരെയും, പ്രതിമാസ ഹോണറേറിയം 12,000 രൂപയും ആയിരിക്കും.

കളക്ടറേറ്റിലെ നവീകരിച്ച ഡെപ്യൂട്ടി ഡയറക്ടര്‍ ഓഫ് പഞ്ചായത്ത് ഓഫിസിലെ ഗ്രീന്‍ പ്രോട്ടോകോള്‍ പ്രഖ്യാപനം ടി എന്‍ സീമ നിര്‍വഹിച്ചു. പുനരുപയോഗ യോഗ്യമല്ലാത്ത പല്‍സ്റ്റിക് പോലുള്ള ഉത്പന്നങ്ങള്‍ ഓഫീസില്‍ ഉപയോഗിക്കില്ലെന്ന് ഉദ്യോഗസ്ഥര്‍ നേരത്തെ തീരുമാനമെടുത്തിരുന്നു.

ഗ്രീന്‍ പ്രോട്ടോക്കോള്‍ നടപ്പാക്കിയതിന് ടി എന്‍ സിമ ഉദ്യോഗസ്ഥരെ അഭിനന്ദിച്ചു.

കാക്കനാട്: ജില്ലയില്‍ ഹരിതകേരളം പദ്ധതിയുടെ ഭാഗമായി ഇതുവരെ 140 ഹെക്ടര്‍ തരിശുഭൂമിയില്‍ കൃഷി ആരംഭിച്ചു. ആകെ 300 ഹെക്ടര്‍ തരിശുഭൂമിയില്‍ കൃഷി ആരംഭിക്കാനുള്ള നടപടികള്‍ തുടരുന്നു. 100 ഹെക്ടര്‍ കരനെല്‍കൃഷി എന്ന ലക്ഷ്യത്തിലേക്കും ജില്ല അടുക്കുകയാണ്. ഇതുവരെ 92 ഹെക്ടറില്‍ കരനെല്‍കൃഷി ആരംഭിച്ചു. ഹരിത കേരളം മിഷന്‍ സംസ്ഥാന ഉപാധ്യക്ഷ ടിഎന്‍ സീമയുടെ നേതൃത്വത്തില്‍ കളക്ടറേറ്റില്‍ നടന്ന പദ്ധതിയുടെ ജില്ലാതല അവലോകന യോഗത്തില്‍ കൃഷിവകുപ്പാണ് കണക്കുകള്‍ അവതരിപ്പിച്ചത്. 

കാക്കനാട്: വേദിയില്‍ എന്റമ്മേടെ ജിമിക്കി കമ്മല്‍, വാടാ മാപ്പിളൈ തുടങ്ങിയ തട്ടുപൊളിപ്പന്‍ ഗാനങ്ങള്‍ക്കനുസൃതമായി ചുവടുവയ്ക്കുന്ന നര്‍ത്തകര്‍. ആഹല്‍ദത്തോടെ താളം പിടിച്ച് അവരെ പ്രോത്സാഹിപ്പിക്കുന്ന സദസ്സ്. വേദിയില്‍ ചുവടുവയ്ക്കുന്നവര്‍ക്കും സദസ്യര്‍ക്കും പ്രായം അറുപതിനു മുകളില്‍. തൃക്കാക്കര കമ്മ്യുണിറ്റി ഹാളില്‍ സാമൂഹ്യക്ഷേമ വകുപ്പ് സംഘടിപ്പി്ച്ച വയോജനങ്ങളുടെ കലാസാംസ്‌കാരിക പരിപാടികളായിരുന്നു രംഗം. 

കൈത്തറി വസ്ത്ര ഡയറക്ടറേറ്റിന്റേയും ജില്ലാ വ്യവസായ കേന്ദ്രത്തിന്റേയും ആഭിമുഖ്യത്തില്‍ ജില്ലയിലെ കൈത്തറി മേഖലയുമായി ബന്ധപ്പെട്ട തൊഴിലാളികള്‍ക്ക് പ്രകൃതിദത്ത ചായങ്ങള്‍ ജൈവകൈത്തറിയില്‍ ഉപയോഗിച്ചുള്ള രണ്ട് മാസത്തെ സൗജന്യ  ഡൈയിങ് പരിശീലന പരിപാടി മേപ്പറമ്പ് പേഴുംകര റോഡിലുള്ള ജയമാതാ ഹാളില്‍ തുടങ്ങി.

ജില്ലയിലെ വിവിധ കൈത്തറി സഹകരണ സംഘത്തില്‍ നിന്നുള്ള 20 അംഗങ്ങളാണ് പരിശീലനത്തില്‍ പങ്കെടുക്കുന്നത്.  
 

ജില്ലയിലെ വിവിധ കാരുണ്യ കമ്മ്യൂനിറ്റി ഫാര്‍മസികളിലേയ്ക്ക് രജിസ്റ്റേഡ് ഫാര്‍മസിസ്റ്റുമാരെ കരാര്‍ അടിസ്ഥാനത്തില്‍ ആവശ്യമുണ്ട്. ബി.ഫാം/ഡി.ഫാം ആണ് യോഗ്യത.  35 വയസില്‍ താഴെ പ്രായമുള്ള ഫാര്‍മസി രജിസ്‌ട്രേഷന്‍ ലഭിച്ചതിന് ശേഷം രണ്ട് വര്‍ഷത്തെ പ്രവൃത്തി പരിചയമുള്ളവര്‍ക്ക് അപേക്ഷിക്കാം.  11,620 രൂപയാണ് പ്രതിമാസ വേതനം.

പാലക്കാട് മെഡിക്കല്‍ കോളെജില്‍ അസി.പ്രൊഫസര്‍ ഒഴിവുണ്ട്. നിശ്ചിത യോഗ്യതയുള്ളവര്‍ നവംബര്‍ 14 വൈകീട്ട് അഞ്ചിനകം അപേക്ഷിക്കണം. ഫോണ്‍ : 0491 2000644.
 

എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്നോളജിയുടെ ആലത്തൂര്‍ പാലക്കാട് ഉപകേന്ദ്രത്തില്‍ നോര്‍ക്ക റൂട്ട്സിന്റെ ആഭിമുഖ്യത്തില്‍ ഓഫീസ് ഓട്ടോമേഷന്‍ ആന്‍ഡ് പി.സി.മെയ്ന്റനന്‍സ് ,  മൊബൈല്‍ റിപ്പയറിങ് , കംപ്യൂട്ടറൈസ്ഡ് ഫിനാന്‍ഷല്‍ അക്കൗണ്ടിങ്   കോഴ്സുകളിലേക്ക് എസ്.എസ്.എല്‍.സി യോഗ്യതയുളളവരില്‍ നിന്ന് അപേക്ഷ ക്ഷണിച്ചു.അപേക്ഷ നവംബര്‍ 15 വരെ സ്വീകരിക്കും.

അപേക്ഷഫോമും വിശദവിവരവും ഓഫീസര്‍ ഇന്‍ ചാര്‍ജ്, എല്‍.ബി.എസ് ഉപകേന്ദ്രം , ആലത്തൂര്‍ വിലാസത്തില്‍ ലഭിക്കും. ഫോണ്‍: 04922 222660.   

ഭാരതീയ തപാല്‍ വകുപ്പിന്റെ ആഭിമുഖ്യത്തില്‍ പാലക്കാട്-ഒറ്റപ്പാലം പോസ്റ്റല്‍ ഡിവിഷനുകള്‍ സംയുക്തമായി നടത്തുന്ന ജില്ലാതല സ്റ്റാംപ് പ്രദര്‍ശനം (പാംപെക്‌സ് 2018) ജനുവരി 11,12 തീയതികളില്‍ പാലക്കാട് കോര്‍ട്ട് റോഡിലുള്ള തൃപ്തി ഹാളില്‍ നടക്കുമെന്ന് പാലക്കാട് ഡിവിഷന്‍ സീനിയര്‍ സൂപ്രണ്ട് കെ.അനില്‍ അറിയിച്ചു.