എസ്.ഇ.ആര്‍.ടി പുറത്തിറക്കിയ പുസ്തകത്തെ ആധാരമാക്കി വ്യാജ പുസ്തകം വിപണിയില്‍ വില്‍പന നടക്കുന്നതായി ശ്രദ്ധയില്‍പ്പെട്ടിട്ടുണ്ടെന്നും ഇതില്‍  വഞ്ചിതരാകരുതെന്നും ഡയറക്ടര്‍ അറിയിച്ചു.  പ്രീ-സ്‌കൂള്‍ വിദ്യാഭ്യാസം ശാസ്ത്രീയമായി നവീകരിക്കുന്നതിന്റെ ഭാഗമായി എസ്.ഇ.ആര്‍.ടി തയ്യാറാക്കിയ പാഠ്യപദ്ധതിയുടെ അടിസ്ഥാനത്തില്‍ അധ്യാപക സഹായി കളിപ്പാട്ടം എന്ന പേരില്‍ ഒരു പ്രവര്‍ത്തന പുസ്തകം പ്രസിദ്ധീകരിച്ചിട്ടുണ്ട്.  ദേശീയ പാഠ്യപദ്ധതി ചട്ടക്കൂട് 2005, കേരള പാഠ്യപദ്ധതി ചട്ടക്കൂട് 2007 എന്നിവയുടെയും 2013 ലെ നാഷണല്‍ ഇ.സി.സി.ഇ പോളിസിയുടെയും അടിസ്ഥാനത്തിലാണ് കളിപ്പാട്ടം എന്ന പ്രവര്‍ത്തന പുസ്തകം തയ്യാറാക്കിയത്.  ഈ സ

    സംസ്ഥാന സര്‍ക്കാര്‍ നടപ്പാക്കുന്ന പുതിയ തൊഴില്‍ നയത്തിനനുസരിച്ച് ഫാക്ടറീസ് ആന്റ് ബോയ്‌ലേഴ്‌സ് വകുപ്പ് നടപ്പാക്കുന്ന വെബ് എനേബിള്‍ഡ് റിസ്‌ക് വെയിറ്റഡ് ഇന്‍സ്‌പെക്ഷന്‍ സ്‌കീമിന്റെ ഉദ്ഘാടനം തൊഴില്‍ എക്‌സൈസ് മന്ത്രി ടി.പി. രാമകൃഷ്ണന്‍ നിര്‍വഹിക്കും. ജൂണ്‍ 13 ന് വൈകിട്ട് നാലിന് വൈലോപ്പിള്ളി സംസ്‌കൃതി ഭവനില്‍ നടക്കുന്ന ചടങ്ങില്‍ കെ.മുരളീധരന്‍ എം.എല്‍.എ അധ്യക്ഷത വഹിക്കും.
പി.എന്‍.എക്‌സ്.2333/18

    വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിനു കീഴില്‍ പ്രവര്‍ത്തിക്കുന്ന വൊക്കേഷണല്‍ ട്രെയിനിംഗ് സെന്ററില്‍ ഒരു വര്‍ഷം ദൈര്‍ഘ്യമുള്ള കെ.ജി.റ്റി.ഇ പ്രീ പ്രസ് ഓപ്പറേഷന്‍, കെ.ജി.റ്റി.ഇ പ്രസ് വര്‍ക്ക് കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷാ ഫോറം വിതരണം ചെയ്യുന്ന അവസാന തീയതി ജൂണ്‍ 16. പൂരിപ്പിച്ച അപേക്ഷകള്‍ സ്വീകരിക്കുന്ന അവസാന തീയതി 20 വൈകിട്ട് നാല് വരെ. അപേക്ഷകര്‍ പത്താം ക്ലാസ് പാസായവര്‍ ആയിരിക്കണം. എസ്.സി/എസ്.റ്റി വിദ്യാര്‍ത്ഥികള്‍ക്ക് വിദ്യാഭ്യാസ/സാമ്പത്തിക ആനുകൂല്യങ്ങള്‍ക്ക് അര്‍ഹത ഉണ്ടായിരിക്കും.

    യുണൈറ്റഡ് കിംഗ്ഡത്തില്‍ എന്‍.എച്ച്.എസ് ട്രസ്റ്റിന്റെ കിഴിലുളള പ്രമുഖ ആശുപത്രികളില്‍ നിയമനത്തിനായി നഴ്‌സിംഗ് ഡിഗ്രിയും ഏതെങ്കിലും പ്രമുഖ ആശുപത്രികളില്‍ ഒന്നര വര്‍ഷത്തെ പ്രവൃത്തി പരിചയവുമുളള നഴ്‌സുമാരില്‍ നിന്നും അപേക്ഷ ക്ഷണിച്ചു.  ഉദ്യോഗാര്‍ത്ഥികള്‍ ഐ.ഇ.എല്‍.ടി.എസ് ടെസ്റ്റില്‍ നിശ്ചിത യോഗ്യത നേടിയവരാകണം.  കൂടുതല്‍ വിവരങ്ങള്‍ക്കും അപേക്ഷ നല്‍കുന്നതിനും www.odepc.kerala.gov.in എന്ന വെബ്‌സൈറ്റ് സന്ദര്‍ശിക്കുക.  അപേക്ഷിക്കേണ്ട അവസാന തീയതി ജൂണ്‍ 20.
പി.എന്‍.എക്‌സ്.2331/18

    ഗവണ്‍മെന്റ് ഐ.ടി.ഐ പ്രവേശനത്തിനുളള അപേക്ഷകള്‍ ഓണ്‍ലൈനായി ജൂണ്‍ മൂന്നാം വാരം മുതല്‍ സ്വീകരിച്ച് തുടങ്ങുമെന്ന് ട്രെയിനിംഗ് ഡയറക്ടര്‍ അറിയിച്ചു.  അതിനായി www.itiadmissions.kerala.gov.in എന്ന പോര്‍ട്ടല്‍ സജ്ജമായിട്ടുണ്ട്.

കൊച്ചി: മഴക്കാല കെടുതികള്‍ നേരിടുന്നതിന് എല്ലാവിധ മുന്‍കരുതല്‍ നടപടികളും താലൂക്കുകളില്‍ സ്വീകരിച്ചുവരുന്നു. എല്ലാ താലൂക്കുകളിലും 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ സജ്ജമാക്കിയിട്ടുണ്ട്. കണയന്നൂര്‍ താലൂക്കിനു കീഴില്‍ വിവിധ വില്ലേജുകളിലായി ഒരു വീട് പൂര്‍ണ്ണമായും 11 വീടുകള്‍ ഭാഗികമായും തകര്‍ന്നിട്ടുണ്ട്. അപകടാവസ്ഥയില്‍ നില്‍ക്കുന്ന മരങ്ങളുടെ ശിഖരങ്ങള്‍ മുറിച്ചു നീക്കുന്നതിന് അടിയന്തിരമായി നടപടി സ്വീകരിക്കാന്‍ വില്ലേജ് ഓഫീസര്‍മാര്‍ക്ക് നിര്‍ദേശം നല്‍കിയിട്ടുണ്ട്. മരങ്ങളുടെ ശിഖരങ്ങള്‍ മുറിക്കുന്നതിന് പ്രാദേശിക ട്രീ കമ്മിറ്റിക്ക് അധികാരം നല്‍കിയിട്ടുണ്ട്.  

കൊച്ചി: കൊച്ചിയില്‍ സിനിമാ നിര്‍മാണത്തിനും പോസ്റ്റ് പ്രൊഡക്ഷനും ആവശ്യമായ സൗകര്യങ്ങള്‍ ഒരുക്കാന്‍ പദ്ധതിയുണ്ടെന്ന് കേരള സംസ്ഥാന ചലച്ചിത്ര വികസന കോര്‍പ്പറേഷന്‍ ചെയര്‍മാന്‍ ലെനിന്‍ രാജേന്ദ്രന്‍. ഫ്‌ളോര്‍, ഡബ്ബിങ് സ്റ്റുഡിയോ, പ്രി-മിക്‌സിങ്, എഡിറ്റ് തുടങ്ങിയ സൗകര്യങ്ങള്‍ ഉള്‍പ്പെടുത്തി കൊച്ചിയില്‍ ചിത്രാഞ്ജലിയുടെ ഒരു ഉപകേന്ദ്രം തുടങ്ങാനും പദ്ധതിയുണ്ടെന്ന് ലെനിന്‍ രാജേന്ദ്രന്‍ പറഞ്ഞു. തിരുവനന്തപുരം ചിത്രാഞ്ജലി സ്റ്റുഡിയോ ഫിലിം സിറ്റിയായി വികസിപ്പിക്കുന്നത് സംബന്ധിച്ച് അഭിപ്രായ സമാഹരണം നടത്തുന്നതിനു കലൂര്‍ ഐഎംഎ ഹാളില്‍ സംഘടിപ്പിച്ച ആലോചനായോഗത്തില്‍ സംസാരിക്കുകയായിരുന്നു അദ്ദേഹം. 

    ജില്ലാ മെഡിക്കല്‍ ഓഫീസിലെ മാസ് മീഡിയ വിഭാഗത്തിന്‍റെ ആഭിമുഖ്യത്തില്‍ വല്ലന ഗുരുമന്ദിരത്തില്‍ മെഡിക്കല്‍ ക്യാമ്പും ബോധവത്ക്കരണ ക്ലാസും നടത്തി. പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായാണ് ക്യാമ്പ് നടത്തിയത്. ഡെപ്യൂട്ടി മാസ് മീഡിയ ഓഫീസര്‍മാരായ റ്റി.കെ.അശോക് കുമാര്‍, എ.സുനില്‍ കുമാര്‍, സാമൂഹ്യാരോഗ്യ കേന്ദ്രം മെഡിക്കല്‍ ഓഫീസര്‍ ഡോ.ഷീന തുടങ്ങിയവര്‍ നേതൃത്വം നല്‍കി. ഡെങ്കിപ്പനി സംശയിക്കുന്ന രോഗികളുടെ രക്തസാമ്പിളുകളും ശേഖരിച്ചു. 
                                           (പിഎന്‍പി 1498/18)     

    ജില്ലാ ലീഗല്‍ സര്‍വീസ് അതോറിറ്റിയുടെയും തൊഴില്‍ വകുപ്പിന്‍റെയും ചൈല്‍ഡ് ലൈന്‍റെയും സംയുക്താഭിമുഖ്യത്തില്‍ അന്തര്‍ദേശീയ ബാലവേല വിരുദ്ധദിനം ഇന്ന് (12) ആചരിക്കും. രാവിലെ 11ന് പത്തനംതിട്ട ഹോളി ഏഞ്ചല്‍സ് സ്കൂളില്‍ ജില്ലാ കളക്ടര്‍ പി.ബി.നൂഹ് ദിനാചരണം ഉദ്ഘാടനം ചെയ്യും. ജില്ലാ ലീഗല്‍ സര്‍വീസ് അതോറിറ്റി സെക്രട്ടറി ആര്‍.ജയകൃഷ്ണന്‍ അധ്യക്ഷത വഹിക്കുന്ന ചടങ്ങില്‍ ജില്ലാ ലേബര്‍ ഓഫീസര്‍ സൗദാമിനി, ചൈല്‍ഡ് ജില്ലാ കോ-ഓര്‍ഡിനേറ്റര്‍ ഡേവിഡ് റജി മാത്യു  തുടങ്ങിയവര്‍ പങ്കെടുക്കും. 
                                           (പിഎന്‍പി 1496/18)